CHHUNGPUIA RENTHLEI

Android version 9.0  (Android Pie)

(Thlir lawkna tlangpui)

-Er Chhungpuia Renthlei

 (Dated 9/8/2018)

Tun thla  tir lam 07 Aug 2018  khan Google Android Division te chuan  android version thar ber Android version 9.0  (Android Pie) an siamchhuak leh ta der mai.  Kumin 2018 July thla thleng khan Android P tih chauhvin an dah a, a hming  tur hi  an puang mai si lo va  an in rin siak nasa hle mai. Mi tam ber chuan  Android P hi  " Pistachio " ni turah an ngai a, internet ah pawh alar hman hle. (Kei ngei pawhin July 2018  ka thuziak pakhatah  Pistachio  tiin ka sawi hman pek a! ).

He version thar hi  keini mizoram a smartphone user tam zawk chuan kan la hmang thei dawn hrih lo anih hmel. A chhan chu  tun dinhmunah chuan  Pixel phone (Google Pixel, Pixel XL, Pixel 2 or Pixel 2 XL)  ah te, Nokia 7 Plus, OnePlus 6, Xiaomi Mi Mix 2S, Essential PH‑1, Sony Xperia XZ2, OPPO R15 Pro leh Vivo X21. chauh a la hman theih hrih. Rei lo te ah   Smartphone dang a hman theih turin an siam ang.  Google Android division te hian khawvel a  phone changkang  ber zing  a mi Apple products kalphung hi  an entawn chho ve zel a,  tuna android   version  thar  an siam apiang hian  android version hmasa lama awm lo Apple  iPhone  hmangtu te tih theih ang ti thei ve turin  an siam thin. Tuna  android version thar ber Android version 9.0  (Android Pie) ah pawh hian  nasa takin apple products features neih ang an telh belh a ni.

Android version 9.0  (Android Pie)  features tlangpui te chu:

1. Notifications :

Google  ten Android version an upgrade apiang hian notification panel  an tidanglamin  engemaw tal  an telhbelh thin. a color an ti thim deuh a,  quick setting toggles leh general setting an then hrang a, status bar a mi Bluetooth icon pawh an dah bo a, Notification kan dawn leh  thawn  felfai zawka tihlan theih na a awm a. Hei bakah   Message  apps ah thuziak awmsa  (smart replies)  hmangin vawikhat clickah kan chhang nghal zung zung thei. 

 

2. Indoor navigation with Wi-Fi RTT:

Android hmangtu tam ber te nghahhlelh em em, Wify hmanga awmna lai hriat theihna   Wi-Fi Round-Trip-Time (RTT)  a support  ang. Global Position System (GPS) tracking hmang khawiah pawh awm ila, kan awmna hmun awlsam taka  kan  hre thei  ang hian  Building chhungah pawh awm ila, kan awmna hmun leh a chhehvel  Wify hmangin a hriat theih dawn a ni. Tin, WiFi access points leh  mobile phone  inkara signal  kal rei zawng a chhut chhuak thei  bawk ang.GPS  hian 30  metre chin vel a man pha a, Wi-Fi RTT ve thung hi chuan  2 meters chi vel a man pha thung ang.

2.Gesture Navigation :

 Hei hi atangkai khawp mai. Tuna Home screen a button pathum awm tawh lovin, button khat chiah (Swipe up on home button)  a awm tawh  ang.  Button  kan hrut chhoh  (swipe up) chuan Apps kan hman hnuhnun (recent apps ) ho leh kan hman duh awm tura a ngaih a rawn lang ang. Thui taka ding  emaw, vei zawng a kan hrut  chuan recent apps  a rawn inhawng teuh anga, kan duh duh kan hawng thei ang.

3.Accessibility Menu:

Kut khing khat chauhvin hmun danga kalkual zung zung (navigation) leh  screen a awm thlalak (screen shoot) a tih theih.

4.Select to Speak - OCR in Camera View:

Screen a thu in ziak te  ring takin  a chhiar  tir theih. Kan duh lai bik hawrawp a tih len theih bawk. Thlalak a thu inziak te  hawrawp pangngaiin a letling thei.

5. Sound amplifier :

Volume setting  thar loud restaurant, bar, or concert e.t.c  a awm a,hmun bengchheng lai awm pawhin  volume fiah  takin a tih rin theih.

5. Battery  Saving :

Hun rei zawk   battery   hman theih nan   battery ei hektu features thenkhat off theihna battery   renchem dan thar a awm bawk.  Kan awmna hmuna eng awmdan azirin  screen brightness amahin a inthlak thei.

6.Camera :

A rualin Camera pakhat aia tam hman theih   (dual-front or dual-back cameras). Tin, Mobile camera  mai bakah  External camera  (USB / UVC cameras)  a hman theih bawk.

7.Digital Wellbeing :

Phone hmangtu te khawsak phung nena inmil,  tangkai leh  him zawka phone setting chi hrang hrang a awm.  Notification sound  mai bakah, min tibuai thei  screen a rawn lang sek ang chi tih bo theihna (Do Not Disturb). Hun bi mumla tak neia  phone chawlh hahdam tir theihna (Wind Down). Nikhat chhunga  App kan hman rei zawng bi tuk theihna ( App timers)  a awm bawk. Kan hun bituk a zawh chuan  app hi a chawl hahdam ang. Nitina kan phone hman  rei zawng, Apps hman rei zawng  leh notification  kan dawn zat te, phone kan unlock zat te hriatna (App dashboard)

7.Display :

Screen   daihzaih thei berin  a hmang thei ang. Tin, Mobile screen  a mi hi awlsam zawkin  TV, Monitor, Kiosk e.t.c ah a tihlan  theih  bawk ang.  Screen hnuai lamah Rotation toggle button thar an dah bawk.Tuna kan hma mek auto-rotate enable kher lo pawhin he button atang hian screen orientation a tih theih dawn bawk.

8.Multiple Bluetooth connections:

Awlsam zawkin  a rualin  Blootooth  devices 5 thleng  a connect theih ang. Awlsam takin  a thlak thleng zung zung theih anga, Mobile phone dang kan connect pawhin incoming call  pawh  Bluetooth devices ten an accept thei ang.Milem leh ri inmil lo ang chi  pawh  a tlem ang. Tin, Car ah emaw, Speaker bluetooth hmanga vawikhat kan connect tawh chuan, Connect  apianga volume adjust  ngai lovin, a hma a kan volume adjust ang khan amahin a in adjust nghal thei ang.

9.Video & Audio:

High Dynamic Range (HDR) VP9  Profile 2 a support theih dawn avangin   YouTube leh Google Play Movie a movies kan en thin te hi  picture fiah tha zawkin  en theih bawk ang. HD  Audio hmangin  sound fiah fai tha tak a awm thei bawk ang. Tin,  picture  compression tha tak High Efficiency Image Format (HEIF)  a support bawk avangin fiah tha tak leh  memory hmang tlem zawk siin picture a awm thei ang.

10. Privacy & Security:

Security  tha zawk neih theih nan  client-side secret (PIN, pattern or password)  hmanga Android backups Encryption  a awm ang.Security feature thar Android biometric prompt a awm bawk ang. Mobile hmanga financial transaction him zawk nan Android Protected  Confirmation a awm bawk ang. Virus/Malware  laka Document pawimawh venhimna tha zawk  StrongBox a awm bawk ang.Tin,phone microphone, camera leh sensors dang te  apps dang atanga  hman theih loh  turin Privacy enhancements a siam theih bawk ang.

Heng bakah hian tuna kan hman mek  android version features tihdanglam leh dah belh engemaw zat a awm. A taka kan hman phawt loh chuan  dinhmunah chuan sawifiah leh hriat fiah vek sen a ni lo ang. Engpawh nise, Mobile tehcnology hmasawnna  hi a thang duang em em a ni tih hre phawt ila,  reilo te ah kan la hmang  ve ngei turah ngai phawt teh ang.