KYC chu Know Your Customer (I customer-te hre chiang rawh) tihna a ni. Sawrkar emaw, bank emaw, private company emaw ten an hnuaia in-register-tu kha an customer ngei a ni tih an finfiah hmanrua a ni. E hawrawp tello, KYC tih tawp hi KYC tih dan hlui (Traditional KYC) tiin an vuah.Physical-a tih a ni tlangpui. Kan in registerna hnenah thlalak (passport size) leh document pawimawh (Voter ID, Aadhaar, PAN e.t.c) te Xerox copy kan pe thin. Mizoramah chuan kum 10 kal ta vel khan bank account kan hawn dawnin form kan fill-up a, kan thlalak leh ID proof photocopy kan pe thin.
e-KYC awmzia chu Electronic KYC) tihna a ni. KYC tho, mahse digital-a kalpui a ni thung. Hei hian paper-work a ti tlem a, a chak zawk bawk. Kan Aadhaar number hmangin kan nihna (Identity) computer-ah an finfiah a. Fingerprint (biometric) emaw, phone-a OTP (One Time Password) rawn thleng hmangin computer-in kan nihna a lo confirm mai ṭhin. Tunlaia Mizoramah Ration Card e-KYC kan tih mek hi a entirna ṭha tak a ni. Supply godown ah emaw, retailer hnenah emaw kan fingerprint (zungpui) kan nem a, kan hming a rawn lang a, kan e-KYC chu a dik (verify) tihna a ni.
KYC leh E-KYC danglamna
KYC (Traditional) hi Paper, photocopy leh thlalak hard copy ngei nen Office-ah kal a ngai tlangpui. Ni 2-5 vel a duh thei. Photocopy an lo tibo thei. Form, photocopy leh transport-ah pawisa a hek. e-KYC (Digital) vethung chu a hranpa aoffice kal ngai lova Mahni phone / Computer atanga reilo te chhunga awlsam zawk a Aadhaar, OTP leh Biometrics hmanga tih theih theih a ni. Pawisa sen a ngailova, a thlawnin a tih theih deuh vek.
Eng vanga e-kyc hi ṭul ta viau nge a nih?
India sawrkar leh Mizoram sawrkarin e-KYC uar taka an kalpui chhan hi chhan ṭha tak tak a awm :
1. Duplicate/Fake nuaibo nan:I ndia ramah hian mi pakhatin hming hrang hrang hmanga Ration Card eng emaw zat neih/lak an ching ṭhin. e-KYC (Aadhaar) hmang hi chuan i zungpui kha i neih chhun a nih avangin mi dang hmingin eitur emaw, subsidy emaw i la thei lo thung.
2. Ram venhimna (Security):SIM card-te hi e-KYC lova hralh a nih chuan, misualten an thalawng hman nan an hmang thei a. e-KYC hian SIM card neitu dik tak a hriat theih phah a ni.
3. Dawngtu tur dik takin pawisa an dawn theih nan(DBT): Mizoramah PM-Kisan ( Lonei mite ṭanpuina) dawng tu dik tak hnenah pawisa a thlen theih nan e-KYC hi hmanrua pawimawh ber a ni.
4. A awlsam (Efficiency):Mizoram ang tlangramah office pan a harsa ṭhin a. e-KYC hmang hian thingtlang kilkhawra awm pawhin internet hmangin an identity an verify thei a ni.
Tlangkawmna:
e-KYC hi thil chak tak a nih avangin, i OTPleh i Aadhaar information hi phone-a rawn diltu che mi hriat loh (scammer) hnenah hrilh ngai suh. e-KYC chu i duh vanga i tih (Request) chauhva tih tur a ni a, an rawn call vut vut che a nih chuan **Bumna (Fraud)** a ni ngei ngei ṭhin. KYC leh e-KYC hi mipui tihhrehawmna a ni lo va, kan sum leh pai leh kan chanvo (Ration, Gas, Scheme) te a neitu dik tak hnen a thlen theih nana sawrkar hmalakna a ni. Hmasawnna kawng kan zawh mek lai hian kan himna atana heta fimkhurna tur kan tar lante hi vawng reng ang u.
e-KYC hi thil chak tak a nih avangin, i OTPleh i Aadhaar information hi phone-a rawn diltu che mi hriat loh (scammer) hnenah hrilh ngai suh. e-KYC chu i duh vanga i tih (Request) chauhva tih tur a ni a, an rawn call vut vut che a nih chuan **Bumna (Fraud)** a ni ngei ngei ṭhin. KYC leh e-KYC hi mipui tihhrehawmna a ni lo va, kan sum leh pai leh kan chanvo (Ration, Gas, Scheme) te a neitu dik tak hnen a thlen theih nana sawrkar hmalakna a ni. Hmasawnna kawng kan zawh mek lai hian kan himna atana heta fimkhurna tur kan tar lante hi vawng reng ang u.
.jpg)
0 Comments