Computer Network Chi Hrang Hrang Leh an Pawimawhnate

 Computer Network Chi Hrang Hrang Leh A Pawimawhnate

Tunlai khawvel changkang zelah, hmanraw hrang hrangin thuziak, thlalak leh hriatna (data) an inthawn tawn theih nan computer network hi a pawimawh em em a. network te hi an zau zawng leh an huam chin azirin hetiang hian țhen hran an ni:

1. PAN – Personal Area Network (Mimal Hmanraw Inkalpawhna)

PAN hi network zinga te ber leh mimal hmanrua, hla lo te (meter tlemte) chhunga inthlunzawmna a ni. Mimal hmanrua (devices) inkalpawhna hnai tak a ni.

Entirna: Bluetooth hmanga kan phone leh sana (smartwatch) emaw, earbud kan thlunzawmna ang hi a ni.

Kum 1995 vel khan Thomas Zimmerman (MIT Media Lab) chuan PAN hi a rawn ngaihtuah  chhuak a. He network-a pawimawh ber Bluetooth technology hi kum 1994** khan Ericsson company-in an siam chhuak a ni.

2. LAN – Local Area Network (Hmun Bik Inkalpawhna)

LAN hi in chhung pakhat, office emaw, building pakhat chhunga computer leh hmanraw dangte thlunzawmna a ni. Building  khata network hmanraw awmte man tlawm leh awlsam zawka inthlunzawmna a ni.

Entirna: In chhung emaw office-a computer hrang hrang, router leh printer-te thlunzawmna  hi .

Kum 1970 chho khan hman țan a ni a. Xerox PARC -a thawk Robert Metcalfe -a’n kum 1973 -a Ethernet a siam chhuah khan LAN khawvelah hmasawnna nasa tak a thlen a ni.

3. MAN – Metropolitan Area Network (Khawpui Huapa Inkalpawhna)

MAN hi khawpui pakhat chhunga LAN hrang hrangte zawmkhawmtu leh thlunzawmtu a ni. Khawpui khat chhunga hmun hrang hrang inthlunzawm nan a tih a ni.

Entirna: University campus-a building hrang hrang khawpui khat chhunga awmte thlunzawmna ang hi a ni. Kum 1980 leh 1990  inkar vel khan fiber optics (hrui kal tlanga eng hmanga data thawnna) a rawn lar chhoh khan a rawn piang a. Cable TV company-te hi MAN hmang hmasatu leh ti hmasawntu ber an ni.

4. WAN – Wide Area Network (Ram Huapa Inkalpawhna)

WAN hi network zinga lian ber leh zau ber a ni a, ram pakhat emaw, khawmualpui (continents) hrang hrang emaw a thlunzawm thei a ni.

Hmun hla tak taka awmte thlunzawmtu network lian a ni.

Entirna: Internet-a khawvel pumpui kan inthlunzawmna hi WAN entirna langsar ber a ni.

Kum  1960 tawp lam khan ARPANET (United States Department of Defense) ten bul an țan a. Tunlai khawvelah chuan  Cisco Systems hi he lama hmahruaitu leh networking hmanrua siamtu lian ber an ni.