SMS ( G2C SERVICES)
Er. Chhungpuia Renthlei
SMS lam pum chu Short Message Service tihna a ni tiin bul han tan phawt mai teh ang. Mobile leh internet khawvel ah chuan kan inbiaktawnna pawimawh ber pakhat a ni. SMS hian 2G spectrum a hmang a, Mobile leh computer atanga thawnchhuah theih ve ve a ni.
Khawvela SMS hmasa ber chu “ Merry Christmas “ tih thu hi a ni. Khawvela SMS hmasa ber thawn tu hi kum 22 a upa, Software programmer ni bawk Neil Papworth-a a ni. “ Merry Christmas “ tih thu hi computer atangin a thianpa Richard Jarvis-a Vodafone ah december 3, 1992 khan a thawn.Mobile phone atanga mobile phone danga SMS hmasa ber chu kum 1993 khan Finland ram ah thawn chhuah a ni bawk. Aw le, tun tumah chuan SMS hmanga service kan tih theih tlem han tarlang ila.
1.Vehicle Registered Owner Details : Hei hi SMS hmanga vehicle neitu hriat theihna a ni.
SMS format :VAHAN <space> vehicle number and send to 7738299899
A tih dan : New Message box hawng la, VAHAN tih hi hi hawrawppuiin type la, space hmet la Vehicle No type leh rawh. Tichuan, 7738299899 ah thawn rawh.
Entirnan, kan motor no hriat duh kha MZ01E5967 ni ta se . VAHAN MZ01E5967 tih hi type a, 7738299899 ah thawn mai tur a ni
Tichuan, Vehicle Number, Location / District, Owners name, Vehicle Name ,model, PETROL or DIESEL, The Type of vehicle (LMV etc), RC/FC Expiry date and Bank / Finance company details with bank nen a rawn hrilh ang che.
2.driving license Detail :Hei hi SMS hmanga Driving licence neitu hriat theihna a ni.
SMS format : SARDL < Driving licence >and send to 7738299899 .
Entirnan, Driving licence detail kan hriat duhnumber kha MZ-01 20050010820 ni ta se.
SARDLMZ-01 20050010820 tih hi type la 7738299899 ah thawn mai tur a ni e.
3. Voter ID :Hei hi electoral roll a Mobilenumber register tel te tana SMS hmanga Voter information hriat theihna a ni. State dangah chuan an hmang nual tawha, keini ah chuan kan la hmang lem lo.
A tih dan : EPIC VOTER ID No and send SMS to 7738299899
Tin, Gas chungchangah tunlai hian kan buai hlawm hle mai. INDANE LPG SMS service tangkai tak tak a awm a, han hmang ve chhin teh le :
1. LPGID hriat theih dan : New Message box hawng la, INDANE LPGID tih hi type la, 7738299899 ah thawn rawh
2. Bank Account leh AADHAAR number inzawm leh zawm loh (Seeding status) hriat theih dan :
3. subsidized cylinders quata ineih zat leh i hman tawh zat hriat dan :New Message box hawng la, INDANE LPGQUOTA tih hi type la, 7738299899 ah thawn rawh
4. Subsidy chung chang hriat dan : New Message box hawng la, INDANE SUBSIDY tih hi type la, 7738299899 ah thawn rawh.
Hun a liam zel a, keini Mizoram pawh Mobile khawvel changkanna-in min chîm a,SMS hmangin thu kan inthawn a, a bîkin hei hian kan thalaite nunah Mizo tawng hman duhdahna leh a dik lo pawisak lohna te pawh a thlen thui hle anih hi.Kum 2015 hnu lam atang phei chuan Social network software Whatapps leh Face book hmangin SMS mai bakah Multimedia Message Service (MMS) leh Long message sei tak tak kan inthawn nitin anih ber tawh hi maw !
Mobile phone in min chiah hneh hlea ni ang,tunlaiah chuan naupang tleirawl pawh la hre lem lo leng chhuak tur leh Mizoram upa pawl kalkhawm tur thlenginsmart phone kan hum far tawh mai.Keini ram chauh hian mobile hi kan buaipui lo va, khawvel pumpui hian a buaipui a ni. Hei vang hi a ni ang e, Mi thiam te chuan khawvel mipui te hian tooth brush aiin mobile an ngai pawimawh zawk niin an sawi bawk. Khawvelah hian 6.8 billion mipui kan awm a, 4200 million chauhvin tooth brush kan neih laiin 5.1 billion ten mobile kan nei thung. Tooth brush nei aiin mobile nei kan tam zawk anih chu.
Aw le, Mizoram mipui ten kan pawisa senral tamna ber pakhat chu Mobile phone hi a ni a, heivang hian tullova social network leh internet lam buaipui lo hian Mobile SMS service tangkai tak tak te hi hmang thei zel ila a lawmawm hle ang.
0 Comments