Er. Chhungpuia Renthlei
Senior Technical Officer, NIELIT Aizawl
C programming language awmzia ber chu computer hna engemaw thawhtir na tura thupek (instruction) kan ziahna tawng(Language) chi khat a ni. Computer hian a hnathawh tur kan ziah theih nan programming language chi hrang hrang a nei a, kan hnathawh tir tur a zirin language hi kan thlang thin. C programing Language hi hna hrang hrang thawk thei (General puroposed) tura kum 1970 a Dennis Ritchie leh Brian Kernighan ten American industrial research and scientific development company hlun ber pakhat, Bell Laboratories atanga an siam chhuah a ni.
A lo pianchhuah dan:
Kum 1970 chho ah khan American computer scientist hmingthang tak Dennis Ritchie-a chuan portable operating system siam tumin project a buapui a.He project atan Operating system leh systems software program ziahna tur programming language a mamawh tlat mai. Dennis Ritchie leh Brian Kernighan te chuan programming language awm sa BCPL (Basic Combined Programming Language) leh CPL (Combined Programming Language) te chu hriatthiam awlsam tur zawk leh instruction tam zawk dawngsawng thei turin an siam rem a. Thil ti thei zawk turin feature hrang hrang an dah belh bawk a. Kum 1972 khan C programming language Version hmasa ber "K&R C" (Kernighan and Ritchie) chu an tlangzarh a.
Computer programmmer ten an hmang lar chho nghal hle mai a, reilote chhungin system programming ziah nana hman tam ber a ni. Kum 1989 khan American National Standards Institute (ANSI) chuan Computer language standard atan an pawm a, ANSI C tiin an vuah ta a. Feature leh standard thar an telh belh zel a, kum tin an upgrade a. C atang hian programing language lar tak tak C++, Java, Python e.t.c an rawn duangchhuak bawk a. Vawiin thleng hian systems programming leh software development atana programming language pawimawh tak leh khawvela hman lar ber zinga mi a la ni zel mai.
Engvangin nge C an tih kher?
A chhan ber chu BCPL (Basic Combined Programming Language) language simplified version, B programming language an tih mai dawt chiah a siam anih vangin a hming atan C tih hi an phuah ta mai a ni. Dennis Ritchie hian hming tawi leh hawrawp ziah awlsam tak a duh vangin alphabet B dawt chiah C hi a thlang a ni. Tin. C hi B language aia efficiency sang zawk, flexible zawk leh thil ti thei zawk a ni tih a entir bawk.
C programming siamna softwares te:
C Programming language software dang te ang bawk a hmanraw hrang hrang hmanga siam a ni. C compiler siam nan GCC (GNU Compiler Collection) leh Visual Studio an hmanga. Open-source code text editor siam nan Visual Studio Code, Eclipse, NetBeans, Emacs, Vim leh Sublime Text an hmang. C projects file siam nan Make, CMake leh Git an hmang bawk. Heng hi software tools avang hian zirlai ten Computer leh mobile ah C Programming language kan ziak thei a, compilation leh debugging te leh program execution thlengin kan lo tih ve theih phah a ni.
C programming Version hrang hrang te:
A hmasain Kum 1987 khan C programing development environment leh compiler "Turbo C" published a ni. C leh C++ integrated development environment (IDE), MS-DOS leh Microsoft Windows atan hman tur Borland C++ chu Borland ten an siam bawk. Heibakah, 16 bit leh 32-bit protected mode DOS(Disk Operating System) applications "Borland Power Pack for DOS" an siam leh bawk.
C programming standard Version te chu:
K&R C (C78): Kum 1989 a published a ni. K and R hi initials authors Brian Kernighan leh Dennis Ritchie hming atanga phuah a ni.
ANSI C (C89, C90, ISO C): Kum 1989 aPublished a ni. He version hi ANSI C, Standard C, or C89 an ti bawk. ANSI C hi International Organization for Standardization (ISO) chuan ISO/IEC 9899:1990 standard a pe a, C90 tiin an sawi bawk.
C99: Kum 1999 ah published a ni. He version hi C99 an ti.Technical Corrigenda chuan vawi thum zet amendment a siam chhuak nghe nghe.
C11: Kum 2011 ah published a ni. He version ah library features tam tak dah belh a ni.
C17: Kum 2018 June thla khan published a ni.
C programming hmanna te:
Operating systems(Windows, Android), embedded systems atanga games leh web browsers thlengin a hmanna hi a tam khawp mai. A langsar zual te chu:
Heng ahnuai mite siam nan hian an hmang.
1. Operating systems (Windows, Linux, macOS)
2. Embedded systems (microcontrollers, robots, IoT devices)
3. Web browsers (Google Chrome, Mozilla Firefox)
4. Games (Minecraft, World of Warcraft)
5. Databases (MySQL, PostgreSQL)
6. Network programming (TCP/IP, DNS)
7. Scientific computing ( simulations, data analysis)
1. Operating systems (Windows, Linux, macOS)
2. Embedded systems (microcontrollers, robots, IoT devices)
3. Web browsers (Google Chrome, Mozilla Firefox)
4. Games (Minecraft, World of Warcraft)
5. Databases (MySQL, PostgreSQL)
6. Network programming (TCP/IP, DNS)
7. Scientific computing ( simulations, data analysis)
0 Comments