Data hi kan chhehvel hmun tinah a awm a, technology lama innghat khawvel kan pan zel bawk nen, a la pung zel dawn a ni. Data hi a hlu hle laiin, awmze nei taka zir chianna a awm loh chuan heng data atanga information hlu tak tak lakchhuahna kawngah harsatna a awm thin a, buhpawl kara hriau zawnhmuh tum ang maia harsa a ni thin. Data awmzia hriat chian theihna turin kalphung awmze nei leh fel tak Data Science thiam hi a pawimawh hle.
Data science chu thil nihphung awmzia hriatchian theih nana data thliar hran leh zirchianna a ni. Tunlai hmanrua leh hmanraw hmanga data tam tak hmanga thil hmuh theih loh zawn chhuah, thu awmze nei tak tak lak chhuah leh sumdawnna chungchanga thutlukna siamna a ni. Data science hmang hian Data hi chi hnih :- Thil tam leh tlem lam (quantitative) data leh hil hlut/that zawng (Qualitative) data ah then a ni.
Entirnan, finance company-te chuan customer pakhat banking leh bill-paying history hmangin loan risk an teh thei. Data science hi mathematics, statistics, artificial intelligence, leh computer engineering field atanga principle leh practice te nen tangruala kalpui thin a ni. Hetiang mithiam te hi Data Sceintist an vuah.
Data scientist-te hian machine learning, statistics, programming, research skills, business knowledge, leh mathematics hmangin thil thlen dan leh nghawng dan tur te, sumdawnna kawng hrang hranga thil lo piang chhuak zel nena inmil dan tur te, kan lo inbuatsaih dan tur leh harsatna khirh tak tak chinfel nan information an khawlkhawm a, an hrilhfiah thin.
Data scientist Roles & Responsibilty
1. Sumdawnna mamawhna atana data source inzawmte hriatchhuah.
2. Structured leh unstructured data khawlkhawm.
3. Data kim lo/la awm lo zawn chhuah.
4. Data lakkhawm dan tihchangtlun.
5. Data chu hman theih tur format-a dahkhawm.
6. Predictive model siam chhuah.
7. Machine zirlai algorithms siam chhuah.
0 Comments