PARACHUTE
Kan thiamna leh mawhphurhna hi boruak zau tak ang a ni a, kan rilru put hmang hi parachute ang a ni. A huhova thil tihna ah kan rilru parachute a parh zau that hi a pawimawh hle. Parachute man to leh tha tak pawh a parh theihloh chuan a tlakna a san poh leh a hlauhawm ting mai ang hian rilru zim lutuk te hi an mawhphurhna /thiamna a san poh leh an buathlak ting mai thin.
Midang aia intifing lutuk thin te parachute a parh zau ngailo.Thil tha tak pawh nise, an ngaihdan ang anih loh chuan an sawisel mai thin.Thil thalo lamah phei chuan ngaihdan atthlak tak tak an sawi thin. Politics, khawtlang leh kohhran ah kawng diklo a mipui hruai kawitu leh harsatna thlentu an ni fo.
Thil thleng aiin thil thleng kan dawnsawn dan hi a pawimawh zawk. Kan ngaihtuahna Parachute a parh zau a, hun mil zela kan inthunun theih phawt chuan eng thil pawh thleng se dawnsawn dan kan thiam anga, thil thalo a thlen pawhin kan inzir fing zel thei ang.
0 Comments