HRINGNUN CHEMISTRY

HRINGNUN CHEMISTRY

Kan hringnun hi chemistry ang a ni a, tupawh mai hi chemical ang mai kan a ni. Kan chenna khawvel hi Experimental Laboratory room zau tak ang a ni.Nitin thil hrang hrang kan tawng a, kan thinlungah chemical reaction a awm thin.Kan chhia leh tha hriatna te hi mahni inthununna Test tube ah khung khawm tlat ila.

 
Engemaw hleka kan thinurna so sang thin hi insumtheihna chemical nen pawlh dal (Dilute) ila, Huatna thinlung kan neih te hi inrem duhna chemical hmangin thamral tir (Evaporate) ila, Kan tih tur leh tih loh tur thliar hrang (Filter) thiam ila. Chapona leh midang aia tha ni a kan inhriat tlatna thinlung sak hi tlawmna meisa in chhuangso (Boil) ila. Hlimna leh inremna lung (Crystal) mawi leh tlo tak a rawn chhuak ngei ang.

Hringnun Chemistry ah tihdanglam theih loh engmah a awm lo, rilru sak (matter) ber pawh nise, danglam duhna temparature a san tawk phawt chuan a lo tui a, subtance dang nen a in mix a, chemical reaction a awm a, a pianzia a thlaka a thil thar a rawn piang thin. Kan duhna temparature a sat tawk phawt chuan kan mizia te hi thlak danglam theih vek a lo ni.

Kan tan chuan Khawvela scientist te hi chemsitry thiam ber an lo ni hauhlo mai. Hmangaihna leh khawngaihna, zirtirna leh zilh hauna, fuihna leh fakna kan mamawh tawk chauhva chawhpawlh (mix) a min chawi lian tu KAN NU LEH PA te hi khawvela CHEMISTRY THIAM BER an lo ni zawk e.