HARSATNA

HARSATNA

Chhum chhah tak zingin ruah eng anga tam pawh sur se, Ni eng chhun tlang zawh loh khawpa chhah chhum a zing ngai lo a, Ni engin a hip kang zawh loh khawpa ruah a sur ngai bawk heklo.

Harsatna leh manganna tawka lungngaih ni awm thin mahse, tumruhna leh taimakna in a sutlang zawh loh khawp harsatna Pathianin kan chungah a thlen tir ngailo.

Ruahsur hi khawvel sik leh sa tifamkimtu a nih miau avangin, Furlai na na na chuan ruah sur loh nana tawngtai aiin ruah laka kan him theih nan nihliap tha dila tawngtai a fuh zawk.

Harsatna pawh hi kan nun tifamkimtu, kan hmachhawn ngei ngei tur anih tlat avangin Harsatna tawklo tura tawngtai fo lovin, a sukiang tura finna, remhriatna, chakna leh tumruhna kan neih theih nan kan tawngtai tur zawk a lo ni e.