National Cyber security Awareness 2021 : "DO YOUR PART. #BECYBERSMART"

"DO YOUR PART. #BECYBERSMART"

Kum 2003 atang khan  khawvel puma Cyber security lama infuihna leh zirtirna “National Cybersecurity Awareness month”  atan October thla hi hman thin a ni. Khawvel pumah hetiang lam hawi program hi ram hrang hrang ten tunah an hmang mek.

 Cyber security hian  electronics hmanrua  internet leh network thlunzawm theihna Computer/ smartphone leh electronics hmanrua chi hrang hrang a mimal, pawl leh sorkar thil pawimawh  dahkhawm  misual ten an khawih chingpen lohna tura venhimna hrang hrang a huam vek a ni.Keini computer, Mobile leh internet hmangtu te hian mawhphurhna sang tak kan neia, kan himna hi keimahni ah a innghat thuk hle.

 

Cybersecurity Awareness Month hi October 2003 khan National Cyber Security Alliance leh U.S. Department of Homeland Security (DHS)  ten  internet hmangtu te  venhimna  zau zawka kalpui nana an ruahman a ni. Khawvel puma Cyber security lama infuihna National Cyber security Awareness an hmang a. Sorkar, sumdawng leh mimal thahnem tak ten Internet a thil pawimawh tak tak an dah te venhimna tha zawk nen an thuam tha a. Vawiin thlengin  October thla apiangin hman chhunzawm zel a ni

 

Kum 2009  atang khan thupui (theme)  atan  Kan chanvo mawhphurhna lam hawi (Our Shared Responsibility)"  tih  hi 2018 thleng khan an hmang. Kum 2019  khan  mipui te himna, IT hmanrua venghim leh internnet hmanga sumdawnna venhimna lam hawi  "Own IT. Secure IT. Protect IT" tih  thupuia hman a ni. Kum  2020 khan  mimal pawl leh sorkar hnathawk ten cyber lama invenhim hi kan mawhphurhna a kan dah theihna tura inzirtirna  #BeCyberSmart.” tih hman a ni

 

Kumin 2021 hian  Cybersecurity lama practical ngei a mitin ten kan mawhphurhna engemaw tala kan tih ve theih tur  inzirtirna "Do Your Part. #BeCyberSmart" tih thupuia hman a ni. Hlawm li ah then a a ni a, chung te chu :- then a ni. Mimal, pawl leh sorkar thila internet tha taka hman ( Be cyber smart), cyber criminal laka inven (Fight the phish),  Cybersecurity lama hnathawh tur inkawhhmuh  (Cybersecurity career awareness) leh Khawi hmunah pawh eng hna pawh thawk ila cyber security ngaih pawimawh hmasa tura inzirtir (Cybersecurity first) te an ni.

 

Do Your Part. Be Cyber Smart.

National Cybersecurity Awareness Month ah hian  tut e pawhin  mahni awmhmun atanga kan tih ve theih a awm teuh mai. Cyber crime laka ilo him zawk nan  October thla chhung hian heng te hi lo ti ve teh  le:

Computer/Mobile, software update leh antivirus update rawh.File leh Data tullo paih la,personal data pawimawh Digilocke (https://www.digilocker.gov.in/)  ah backup rawh. Email check la, Inbox leh spam folder a message tangkailo te paih rawh. Online banking, social media (Fb, Twitter,  insta .e.ct)  password thuam tha rawh. Weak password (i.e sanga123) ang  hi a himlo. Strong password (i.e Sang@#123) ang hi hman hmang rawh. Login Id hrang hrang tana  password in ang  hman hi a him lo, password hrang hmang thin ang che.

Fimkhur takin internet hmang la, Pop up message leh advertisement hriat chian loh click suh. Website visit leh link i click dawnin fimkhur rawh . Social media (Fb/WhatsApp)  group     tangkailo te chhuahsan la, data tangkailo te paih vek rawh. Facebook friendlist check la, i hriat loh mi leh hnam dang accept suh, i friend list a an awm anih chuan remove rawh. Thu belhchian dawllo leh midang tana thil pawi thei tur post leh comment suh.

 

Sorkar, sumdawng, chanchinbu  lam  website leh mobile apps te hi sum tam tak senga siam a ni a,  khawih chhiah emaw, dan lova  hman te hi crime lian tak a ni. Kan hmang duh anih chuan thu awih taka subscribe mai tur. A neitu phalna neilova, youtube a music video, movies, audio  upload te hi thubuai lian tak neih theihna a ni. I mamawh website leh mobile apps te subscribe la,  Phalna neilova youtube a  upload  ten paih(delete)  ila. Tin, tha leh sum tam tak senga film an siam te hi zah sak ila, kan enduh  chuan dan ang thlapa  en mai tur a ni.    

 

WhatsApp group chung changah, Family group leh i eizawnna ngai pawimawh la. Group ah awm hnem suh,  I tangkaipui groupah chauh awm la, i awmna groupah  ngawi reng lovin thu tangkai post ve thin la, post tur ineilo anih chuan midang  post like & Comment pe ve thin rawh. twitter.com/thirdoctet Cybersecurity Awareness twitter hi rawn join ve la, Cybersecurity  lama hriat tur tangkai tak tak te hi han chhiar ve la, social media ah  thawn darh ve rawh le.

 

A tawp berah chuan ,Mizoramah  pawh  Online game, social media, online shopping leh Mobile banking thleng kan uar chho ve mek zel a, Social media, website, blog leh youtube channel kan uar zel a,. Ei zawn nana hmang kan pung chho zel a, hmasawnna tha tak a ni ngei mai. Hetihlai hian nang leh kei  hi cyber crime tuartu (Cyber Victim)  kan ni thei a, midang pawikhawihtu  (cyber criminal)  kan ni thei bawk . Keimahni  himna mai bakah midang himna ngai pawimawh ila, Cyber security Awareness  hi October thla  mai bakah kumtluana ngaih pawimawh a tul hle mai.