(MPSE LEH MZP BUAINA)
Er. Chhungpuia Renthlei
Senior Technical Officer, NIELIT- Aizawl
OTR chu enge ni?
OTR awmzia chu hna zawng mek ten sorkar hna dilna leh inelna exam hrang hrang (UPSC, SSC, leh State PSC-te) bakah Scholarhip, Hospital registration e.tc atana vawi tam tak inziahluh ngai lova vawikhata an inziahluh theihna One-Time Registration a ni. Hna diltu ten OTR hmang a an inziahluh tawh chuan hna thar a chhuah apianga mahni chanchin (hming, nu leh pa hming, pianni etc.) ziah nawn ngai lovin, vawi khat ziah tawh kha an hmang zui zel thei. Tin, Document an upload pawh an hmang zui thei vek bakah Document awmsa siamrem leh a thar dahbelh pawh a theih vek bawk.
OTR pianchhuah dan leh hmasawnna:
Kum 2015 -2020 chho khan India sorkar laipui chuan Digital India programme hnuaiah hna dilna (application process) chu online hmanga tih vek tura ruahmanna Digital Transformation a kalpui a, hei hi OTR rawn pianna bul ber a ni. September 2022 khan Union Public Service Commission (UPSC) chuan Candidate-ten exam hrang hrang (IAS, CDS, NDA, etc.) an hmachhawn apianga an chanchin ziah nawn ngai tawh lohna tur OTR platform a tlangzarh a. Hei hi India rama zirlai leh hna zawngtute tana hmasawnna rahbi thar pawimawh tak a ni.
February 2024 khan Staff Selection Commission (SSC) chuan an portal thar (ssc.gov.in) a tlangzarh a. OTR hi mandatory (tih ngei ngei tur) ah an rawn siam ta a. Candidate zawng zawngte chu portal tharah hian OTR thar nei vek tura tih an ni. Kum 2025 a lo thlen meuh chuan, India rama recruitment board hrang hrang (State leh Central) tam zawk hian OTR hi an hmang nasa tawh hle. Kum 2026 chhung hian Document kan upload-te AI hmanga endik theih turin OTR hi Artificial Intelligence (AI) leh DigiLocker nen thlunzawm tura ruahman a ni.
OTR Generation:
OTR Generation 1-5 a awm. India ram pum huap official version number erawh an ni lo. Generation tinah profile leh document update/ correction a tih theih vek. Mahse, State / commission ten anmahniin OTR system an siam thei a, update/ correction limitation a danglam thei.
OTR G1 (Basic OTR):India rama kan hman hmasak ber, personal Data ziahluhna ani. Kerala PSC ah kum 2017 khan an hmang.
OTR G2(Candidate Profile): Personal profile kimchang education documents, photo, signature.e.t.c a dahkhawl thei. Meghalaya PSC leh Haryana HSSCah Kum 2018–2021 khan an hmang.
OTR G3 (Digital Identity): Govt. identity systems.(e.g Aadhaar) nen thlunzawm a ni Personal detail a hranpa a dahluh ngailovin Aadhaar card ami ang kha a lo record mai thin. Rajasthan leh Haryana January 2022 atang khan an hmang.
OTR G4 (Centralized OTR): Candidate ten vawikhat an in register tawh chuan an profile kimchang a lo record a, hna hrang hrang dil nan profile pakhat a tawk. Kum 2022–2025 khan UPSC leh Rajasthan state ah an hmang.
OTR G5 (Integrated Digital OTR): Aadhaar/e-KYC mobile verification system a ni. National Scholarship Portal's 2024 OTR ang hi a ni. Tuna India rama an hman tlanglawn ber a ni.
MZP leh MPSC inkara OTR chungchanga harsatna
Mizo Zirlai Pawl (MZP) leh Mizoram Public Service Commission (MPSC) inkara tunlai buaina hi MPSC OTR document upload/verification system a ni ber. Document upload diklo te pawh written test nei tura koh ani nih miau vangin tihsual an neih pawh hre lovin beiseina sang tak nen exam an hmachhawn a, result chhuah hnuah reject an ni leh si hi an lungawilo a, update an dil a, an phal tak silohvah chuan MZP chuan MPSE OTR system paihthlak a, traditional method a post tinte tan application form hran siam leh turin an nawr a ni ber mai.
Harsatna chifel dan:
MPSE OTR paihbo ringawt hian harsatna a sukiang dawn lo. Tun mai nilo, nakin zel atan pawha harsatna awm thei laka fihlim tur chuan Hna latu, Hna diltu leh sorkar kan in upgrade a tul.
Hna latu te tan:
MZP leh MPSC inkara OTR chungchanga harsatna
Mizo Zirlai Pawl (MZP) leh Mizoram Public Service Commission (MPSC) inkara tunlai buaina hi MPSC OTR document upload/verification system a ni ber. Document upload diklo te pawh written test nei tura koh ani nih miau vangin tihsual an neih pawh hre lovin beiseina sang tak nen exam an hmachhawn a, result chhuah hnuah reject an ni leh si hi an lungawilo a, update an dil a, an phal tak silohvah chuan MZP chuan MPSE OTR system paihthlak a, traditional method a post tinte tan application form hran siam leh turin an nawr a ni ber mai.
Harsatna chifel dan:
MPSE OTR paihbo ringawt hian harsatna a sukiang dawn lo. Tun mai nilo, nakin zel atan pawha harsatna awm thei laka fihlim tur chuan Hna latu, Hna diltu leh sorkar kan in upgrade a tul.
Hna latu te tan:
MPSC OTR system upgrade a tul. Document upload tur te hi file fiah tha leh size te thei ang bera dahkhawl a tul. Upload tur te hriat turin file size chiang taka tarlan ni thin se (e.g. 50 KB leh 150 KB inkar). Hei hian system overl.oad tur leh speed muang lutuk tur a veng ang. National Scholarship a zirlai te document uluk taka verify ang hian MPSE hian Written test neih hma in uluk takin verify thin se. SMS/ email hmangin candidate ten document an upload zawh veleh message mumal tak thawn se. Entirnan Dik taka upload te chu Completed successfully, Eligible for written test. Fiah lo emaw, diklo a awm chuan Invalid document, Correction required. Kimlo a awm chuan Missing document tih te hi chiang takin a hriattir se. Document upload /siam that hun hi chiang taka tarlan ni bawk se. An tihfel hnuah Application submit fel tawh thu SMS/email hmangin candidate hnenah hriattir leh tur a ni. Hemi hun chhunga candidate ten an update loh chuan Written test neih hma in Reject an nih thu leh a chhan chiang takin hriattir bawk se, tuna buaina ang hi a awm lovang.
Hna zawng mek te tan:
Hna zawng mek te tan:
OTR system hi Technology hmasawnna in a ken tel Document digitalization pawimawh tak a ni a, pawng ataka paih ngawt chi a nilo. Technology hmasawnna mila hna latu sorkar leh hna diltu te hi kan in upgrade a tul hle zawk. A bikin hna zawnglai te hi tunlaiah chuan computer basic knowledge chin tal nei tura ngaih an ni tawh. MPSE chauh bakah hna dilna hrang hrang atan Document upload tur Passport size photo, Signature, Birth Certificate, Tribal Certificate, ST/SC Certificate, Residential Certificate, Aadhaar Card, Voters ID leh Academic Qualification:- HSLC, HSSLC, Graduate, Master leh supporting documents te hi PDF/JPG format kan neih lawk a diam a tul. A bik takin Certificate leh marksheet te hi a ruala upload ngaih hun a awm thin a. HSLC Certificate leh marksheet hi PDF/ JPG format in file pakhata dah kawp ni se a tha hle. Hetiang bawk hian Aadhaar Card leh Voters ID te hi a hma lam leh hnung lam hi file pakhatah siam ni se. Hetianga kan neih tawh chuan kan upload na system file size mil turin compress mai tur. Kan buaina tam ber hi chu OTR emaw, MPSE nilovin, keimahni hna diltu te fimkhur tawk loh vang leh computer literacy lama kan hniam vang a ni zawk.
Sorkar tan:
Sorkar tan:
Kum tin mai hna diltu sing tel teh meuh mai enkawl tur chuan MPSE man power leh infrastructure hi ran tak upgrade a tul.Written test hma a hna diltu sing rual zet personal detail leh document a hun taka verify vek turin tun dinhmunah MPSE tan tihngaihna a awm lo. Hna diltu harsatna tawk te buaipuitu turin an indaih lo. Tin, OTR system mai bakah software changkang zawk kan hmang chho zel dawn, portal/ Software enkawltu tur technical experts/ Engineer mumal tak an neih a tul. Infrastructure changtlung zawk ( Server, Internet connection, Data Centre changtlung tak neih a tul.
Aw le, technology thar a rawn chhuak zel a, tunhma lama harsatna kan hriat ngailoh a rawn piang ve zel thin. MZP leh MPSE buaina pawh hi kan sorkar, MPSE leh hna zawngtu te tan insiam that nan hmang ila a duhawm hle.
Aw le, technology thar a rawn chhuak zel a, tunhma lama harsatna kan hriat ngailoh a rawn piang ve zel thin. MZP leh MPSE buaina pawh hi kan sorkar, MPSE leh hna zawngtu te tan insiam that nan hmang ila a duhawm hle.
 (MPSE LEH MZP BUAINA)){kind=link}
0 Comments