INTERNET OF THINGS (IoT) IN EDUCATION

INTERNET OF THINGS (IoT) IN EDUCATION
(Smart Classroom, Teaching, Learning and School Management)
Er.Chhungpuia Renthlei
Senior Technical Officer
NIELIT-Aizawl

Introduction
Technology hmasawnna avangin education kalphung pawh a danglam nasa hle mai. Tunlai hian Internet of Things (IoT) technology chu school leh classroom-ah tangkai taka hman a ni mek bawk. IoT hmang hian school management, classroom leh zirna te chu fing zawk, hlawk zawka tih phuisui a ni chho zel anih hi.

IoT hi enge ni le?
Internet of Things (IoT) chu electronics leh electric hmanraw hrang hrang data pawimawh lakhawm a, khâwl khâwm a, mamawh ang zel a pechhuak thei tura internet nen thlunzawm a, automatic-a hna an thawh theihna technology a ni. Entirnan: Smart Watch, Smart TV, Smart Camera leh Smart Attendance System-te hi IoT hmanrua langsar zualte an ni.

IoT hnathawh dan tlangpui chu "Sense → Connect → Process → Display" hi a ni. Hmanrua(Device) -te chu internet hmanga thlunzawm (Connect) an ni a. thil an hria (Sense), data an zir chiang (Process), result an pechhuak (Display) thei bawk.

Smart Classroom hi enge ni?
Smart Classroom chu connected devices leh digital technologies hmanga teaching leh learning tih hmasawnna classroom a ni. Smart Board, Smart Projector leh Classroom Sensors-te hmangin zirna chu hlimawm zawk,fiah zawk leh hlawk zawka kalpui theih a ni. Smart Classroom hian interactive learning a siam a, classroom management a ti ṭha bawk. Zirlaite pawhin chiang zawkin an zirlai an zir thei a, zirtîrtuten classroom kalphung an monitor thei nghal bawk.

Zirtirtu leh Zirlai te tan enge a hlawkna?
IoT hian Zirtirtu te tan ṭangkaina tam tak a nei. Automatic-in Attendance a record thei a. Digital teaching materials pawh awlsam taka hman theih a ni. RFID Attendance System, Smart Teaching Dashboard leh Digital Assessment Tools-te hmang hian zirtîrtu ten zirtirna tha leh hlawk zawk an kalpui thei.

Zirlai ten IoT hmangin learning resources hrang hrang an mamawh ang an zir thei a, lesson-te pawh tuiawm zawk leh hlimawm zawk in an zir thei.Tablets, Smart Devices, Smart Learning Apps leh Digital Libraries-te hmang hian zirlaite chuan an performance chungchang feedback an dawng thei.

School ah IoT
Smart Attendance Management ( RFID Cards, QR Code Attendance leh Face Recognition) hian attendance enkawl a ti awlsam a. Smart Learning Environment (Interactive Boards, Smart Projectors leh Connected Devices) ten zirna kalpui dan tha zawk a siam a. Zirlai Monitoring system (Learning Analytics, Performance Dashboards leh Progress Tracking Systems) te hmangin zirlaite hmasawnna enfiah reng theih a ni bawk. School Bus Tracking hmangin school bus awmna chu GPS hmangin hriat reng theih a ni. Smart CCTV Cameras leh Smart Security Systems-ten school himna tha zawk a pe. Smart Electricity Monitoring leh Energy Management systems-te chuan electric hman zat an monitor a, senso pawh an ti tlêm thei bawk.

Zirtirtu ten IoT hi kan hman tangkai thiam phawt chuan hun seng tlem zawkin classroom management leh teaching a neih theih. Zirlai te tan zirna hlimawm leh phur awm zawk a siam a, personalized education a pe thei a, learning resources pawh awlsam taka hmuh theih a ni. School tan security a sang zawk a, administration a tha zawk a, operational costs pawh a tlêm thei.

Conclusion
AI leh IoT technology hmangin khawvel pumah zirna in hma a sawn zel a, Mizoram ah pawh Internet of Things (IoT) hian zirna a thlak danglam mek anih hi. Hlawk tak leh tangkai taka IoT hmang tur chuan Internet connection chak tha te, Mumal taka hmanraw enkawl te, data privacy leh security vawnthat te, school inenkawlna tha, training mumal leh tha tak neih a tul.

AI leh IoT hi kal kawp tlat anih avangin zirtirtu te hian kan hnathawhna tana tangkai tur Internet, Smartphone leh Computer kan hman thiam atul tawh hle. Tunlai Technology hmanga kan zirtir dan kalphung te, Question set dan te, Zirlai assessment kan neih dan te pawh kan her danglam ve zel pawh a hun viau tawh mai. Kalphung pangngai renga kal lova, zirtir dan tha zawk leh hlawk zawka kan kalpui theih nan Zirtirtu te pawhin kan theih ang tawka AI leh IoT lama hmasawn kan tum ve hi a tul tak zet tawh a ni.

QUOTE  OF THE DAY

"Technology‬ won't replace Teachers….

But,‎ Teachers‬ who uses Technology 

probably will replace Teachers who do not"