Er. Chhungpuia Renthlei
Senior Technical Officer, NIELIT Aizawl
Matric result a chhuak leh ta reng mai. Khawi school ah nge a luh ang? Eng subject nge i lak ang? tiin matric pass thar te leh an nu leh pate zawhna lian ber a ni leh tan ta.Matric hi zirna peng hrang hrang zawh tanna zirna kawtchhuah pawimawh tak anih avangin nakin zela kan nih tum a zirin hi fimkhur taka subject thlan a pawimawh hle. Matric pass zirlai te leh nu leh pa te tana hriat tur pawh mawh tlem azawng han tar lang lawk teh ang.
Matric pass te zir theih tlangpui:
Arts subject zir duh tan Class XI chhunzawmin Higher secondary hrang hrangah a zir theih. North Eastern Regional Institute of Science & Technology (NERIST) ah Engineer/ Applied Science(Forestry) a zir theih. National Institute of Electronics & Information Technology (NIELIT) Aizawl ah Diploma in Computer Science &Engineering leh Diploma in Electronics & Tele Communication Engineering a zir theih. NIELIT ZIrlai te hi central sorkarin zir man a tum sak vek bakah college dang ang thova scholarship an dawn vek avangin keni mizo tan a remchang hle.
Mizoram Polytechnic Lunglei ah Diploma course hrang hrang Civil Engineering, Mechanical Engineering, Electrical Engineering leh Computer Science & Engineering a zir theih. Women Polytechnic Aizawl ah hmeichhe tan Diploma in Electronics & Tele Communication Engineering a zir theih. Industrial Training Institute (ITI) Aizawlah vacational courses hrang hrang a zir theih. Open School hrang hrangah Arts subject leh short term course a zir theih.
Kan kalna lam kan thlan fel dawnin ka tui zawng a ni ang em? Ka mizia nen a inmil em? tih te hi Zirlai te hian kan ngaihtuah lawk a tha viau. Mahni personality mil loh lam hi chu kan ngaina lovin, nuam kan ti lo tlangpui. Kan zir chak zawng nazawng hi kan thiam zawng leh tui zawng a ni kher lo tih pawh hriat a tha. Thawh tui chawp ai chuan tuina sa a thawh chu mahni kan hlim zawk a, kan phur zawk thin. Kan mihringpui te nena min thliar hrang tu ber chu kan personality hi a ni. Mi biang biak thiam leh harhvang tak chu sumdawn an thiam nge nge, mi themthiam, thil siamchhuak zung zung thei chi chu engineering ah an tha, mi tawng tlem deuh leh zakzum deuh chu clerical line ah an zei duh phian.
Zirlai ten tuna an zir chak leh zir duh thenkhat te hi high school an kal lai te khan an la hre ngai hauhlo. khang hun lai emaw a hnu deuh te pawh khan hre ta ila chuan tun ai chuan an zirlaiah pawh an tui zawk ngei a rinawm. Nu leh pa mai bakah zirtir tu te pawh hian career lam hi atam thei ang berin sawi sikulah te sawi tam se a duhawm hle mai. Mizo te hi kan rilru puthmangah midang te thurawn lak hreh tak leh tlawma la tlat hnam kan ni hi a tha lo hle. Kan career atan engkim kan hre vek seng dawn lova, hriat sen vek theih lah a ni hek lo. Chuvangin, Carreer lama min pui thei biakrawn te, an thurawn hman tangkai thiam a pawimawh hle.
Subject combination chungchanga hriat tur pawimawh te:
Dan naranin Pawl 10 pass hnuah Class XI kan zir zawm dawn chuan Subject pathum (3) -Arts, Science leh Commerce lak theih a ni.
Arts zir duh tan: Political Science, Economics, History, Education, English, Mizo, Geography, Public Administration, Socialogy, Psychology etc. zing a mi hi 10+2 a i kalna tur sikul a zirin a inkawp bik tur an lo dahkhawm ang a, i duh ber combination i thlang tawh mai dawn a ni.
Science zir duh tan: Physics(P), Chemistry(C), Mathematics(M), Biology(B) a awm.
1. Doctor(MBBS, BDS, BVS ) emaw Nurse etc nih tum tan PCB subject lak ngei a ngai.
2. Engineer (Computer, Electronics , Electrical, Civil etc.) nih tum tan PCM lak a ngai.
3. BCA /MCA zir duh tan Maths leh Computer Sciences /IT subject lak tel a tha
Commerce zir duh tan: Chartered Accountancy lam te, Banking, Financial Analysts lam te, Insuarance leh Financial planning leh Management te zir chho zelin sumdawnna kaihhnawih hna thawh tur a tam mai.
Nu leh pa te hi zirlai tan an career counsellor hmuh chhun te an ni fo. Ka fanu/fapa kalna awm a ni em? A mizia nen a inmil em? A thluakin a pha em? tih ngaihtuah mumal lova nu leh paten kan duhna leh tha kan tihna kawnga fate kan nawr lui thin hian an career a tihchhiat sak phah fo thin.
Bible ah meuh pawh Naupang chu a kalna awm kawngah chuan zirtir ula, A upat hun pawhin a thlah lovang (Thufingte 22:6) tih anih kha maw! Zirlaite kalna lam tur ngaihtuah lawk hi a finthlak a, hun leh tha min sen thlawn tir lo bawk. Eng kawngah pawh, zirna a ni emaw, kut hnathawh emaw pawh nise, thawhrimna, tumruhna leh teirei peihna (perseverance) kan neih phawt chuan career hlawhtling tak kan nei ngei ngei ang.
Subject combination chungchanga hriat tur pawimawh te:
Dan naranin Pawl 10 pass hnuah Class XI kan zir zawm dawn chuan Subject pathum (3) -Arts, Science leh Commerce lak theih a ni.
Arts zir duh tan: Political Science, Economics, History, Education, English, Mizo, Geography, Public Administration, Socialogy, Psychology etc. zing a mi hi 10+2 a i kalna tur sikul a zirin a inkawp bik tur an lo dahkhawm ang a, i duh ber combination i thlang tawh mai dawn a ni.
Science zir duh tan: Physics(P), Chemistry(C), Mathematics(M), Biology(B) a awm.
1. Doctor(MBBS, BDS, BVS ) emaw Nurse etc nih tum tan PCB subject lak ngei a ngai.
2. Engineer (Computer, Electronics , Electrical, Civil etc.) nih tum tan PCM lak a ngai.
3. BCA /MCA zir duh tan Maths leh Computer Sciences /IT subject lak tel a tha
Commerce zir duh tan: Chartered Accountancy lam te, Banking, Financial Analysts lam te, Insuarance leh Financial planning leh Management te zir chho zelin sumdawnna kaihhnawih hna thawh tur a tam mai.
Nu leh pa te hi zirlai tan an career counsellor hmuh chhun te an ni fo. Ka fanu/fapa kalna awm a ni em? A mizia nen a inmil em? A thluakin a pha em? tih ngaihtuah mumal lova nu leh paten kan duhna leh tha kan tihna kawnga fate kan nawr lui thin hian an career a tihchhiat sak phah fo thin.
Bible ah meuh pawh Naupang chu a kalna awm kawngah chuan zirtir ula, A upat hun pawhin a thlah lovang (Thufingte 22:6) tih anih kha maw! Zirlaite kalna lam tur ngaihtuah lawk hi a finthlak a, hun leh tha min sen thlawn tir lo bawk. Eng kawngah pawh, zirna a ni emaw, kut hnathawh emaw pawh nise, thawhrimna, tumruhna leh teirei peihna (perseverance) kan neih phawt chuan career hlawhtling tak kan nei ngei ngei ang.
0 Comments