Er. Chhungpuia Renthlei
Senior Technical Officer, NIELIT Aizawl
Hacking chu Computer system emaw, network system emaw, website leh software hrang hrang security chiatna lai zawng chhuak a, mimal, sorkar leh organization system khawiching pena file pawimawh tak tak ruk hi a ni. Hetiang ti tu te hi hacker tiin an vuah. Hacker chi hrang hrang an awm a, chung zingah chuan white hat hackers, black hat hackers leh gray hat hackers te hi a lar zual te an ni.
White Hat Hackers te hian thil tha tih nan chauhva an thiamna an hmang a, Ethical Hacker tiin an sawi bawk. Black Hat Hackers ho hi cybercriminals emaw, threat actors kan tih te hi an ni a, pawisa duh vang leh thilsual tih nan hrim hrim a system hack thin tu te an ni. Tin, Gray Hat Hackers ho hi white hat hackers leh black hat hackers inkarah an awm a, an thiamna thil tha tih nan an hman mek laiin thilsual tih nana hmang pawh an awm tho bawk.
Hacking chi hrang hrang te:
1. Computer Hacking: Organization’s information a ruk hriat nana systems ID leh passwords ruk chhuah
2. Network Hacking: Network hnathawh tihbuai nana network information lakhawm.
3. Password Hacking: Computer Password tihchhiat hriatruk nana computer a password khawlkhawm.
4. Email Hacking: A neitu remtihna lova email accounta luh ruk.
5. Website Hacking: Phalna neilova website a luh a server, databases leh thil pawimawh enruk.
6. Ethical hacking: Hacker laka himna tura system security that lohna lai zawng chhuah leh siam that.
Aw le, tun tum chu hacker ten system an hack dan leh an hmanraw hrang hrang te han tarlang teh ang. An thil tum dan a zir leh an target a zirin hacker te hian tihdan leh hmanraw hmang hrang an hmang a, a lar zual deuh te chu hengte hi an ni.
Phishing: A awmzia chu kan nihna(Personal Identity) leh Information pawimawh leh bank account te ruk sak theih nana awihawm leh itawm tak tak hmanga phone call, email, message leh advertisement hmanga inbumna a ni. Nitin hian website, social media leh SMS ah hetiang inbumna hi hmuh tur a tam hle. Dan naranin phishing attack hi emails, social networks, leh text messages atangin a awm thin. Awihawm thei ang ber turin thu an phuah a, Fake Website( Website lem) luhna tur link leh virus awmna file download na tur link an dah tel bawk thin. Website kan tlawh emaw, file kan Download veleh kan systemah virus a darh vak thin.
Phishing hi Black Hat Hackers ten Pawisa duh vangin Personal information ruk nan an hmang thin.An bum te personal data leh financial information an hman ruk sak bakah an khawih chingpen sak a. Phalna lovin account an hman sak a, data pawimawh an neih te an thehdarh sak thin. Hacktivists ten Politics thila an huat zawng mimal leh pawlho data ruk nan an hmang bawk. Gray Hat Hackers te chuan Sorkar leh company ten an tih tir nilem lohvin system security that lohna lai an zawng a, hmuh te pawisa hlawhin an report thin. A then te chuan cyber attact tuartu mimal an pui bawk. Data an recover sak a, malware an thenfai sak thin.
Malware (Malicious Software):
Malware chu MALicious softWARE tihna a ni. Malicious software awmzia chu hackers an tih mai internet kaltlanga pawikhawihtu(cybercriminals) ten midang computer/smartphone hnathawh khawih chingpen leh data rukchhuahna tura an siam software chi hrang hrang sawina a ni. Malware hian Viruses, Worms, Trojan viruses, Spyware, Adware, Ransomware, Botnets, Rootkits e.t.c te hi a huam. Kan hriat miah lovin kan computer/smartphone chhunga data pawimawh an ru thei a, chhiar theih lohvin a siam thei a, a delete thei a, a khawih danglam thei bawk. Computer/Smartphone a kan thil tih zawng zawng min enthlak theih avang hian fimkhur a ngai hle.
Malware hi Black Hat Hackers ten sensitive information rukchhuah nan te, kan hmanrua an thunun theih nan te, network hmangtu te thil tih enthlak nan te leh computer systems, networks, tablets leh mobile devices hnathawh chawhbuai nan an hmang thin. Hacktivists te chuan politics thila an huat zawng system khawihchhiat nan te, sensitive information rukchhuah nan an hmang. White Hat Hackers ve thung chuan khuahkhirhna hnuaiah system security test nan leh thuam that nan an hmang thung.
Social Engineering:
Social Engineering kan tih chu diklo tak emaw, bumna hmanga midang information pawimawh hriat tuma inthlemna a ni. A tum ber chu i identity ruk chhuaha, chu information hmanga i account hrang hrang te i hriat miah lova hman(access) a, i system leh network luh chilh te hi a ni.Cell phone hmangin emaw E-mail hmang te in heng mi te hian bum tur an zawng fo thin.
Social Engineering hi Black Hat Hackers ten an target thu awihawm tak hmanga inbum nan leh system khawih chingpen nan an hmang. White Hat Hackers ten system security test nan leh thuam that nan an hmang thung. Gray Hat Hackers ten system him lohna zawnchhuah nan an hmang a, an chak lohna lai an hriattir thin.
Brute Force Attacks:
Password mil thei tura an hriat apiang an test thin a, hun duh rei viau mahse, password hriatchhuah awlsam(weak password) ang chi te chu awlsam takin an hrechhuak thei thin.Hemi laka invenhimna tha ber chu hriatchhuah harsa tak(Strong password) hman te, a theih ang anga multi-factor authentication (MFA) hman leh hriatchian loh games leh website a loggin loh a tha.
Brute Force Attacks hi Black Hat Hackers ten a ruka system hman nan te, Personal information ruk nan te leh personal data leh financial information ruk nan an hmang. Gray Hat Hackers te chuan Organization security chak lohna lai hriatchhuah nan an hmang. White Hat Hackers te chuan System him lohna an zawngchhuak a, an chak lohna an hriattir thin.
Hacking hi thil sual leh dan bawhchhiatna a ni em?
Hacking hi a chhan hi chi hrang hrang a awm thei ang. Psychological, ideological leh personal factors ah a innghat thui hle mai. A langsar zual deuh deuh te chu: Sum duh vang te, zuam vang te, Phuba lak duhna vang te, sorkar mamawhna vang te leh suahsual vang hrim hrim te a ni thei bawk. Tin, Hacking hrim hrim hi dan bawhchhiahna leh thilsual a ni vek lo a, a bikin white hat hackers ho phei hi chu sorkar, pawl leh mimal tan an tangkai em em a, cyber attacker lakah system venghimtu te an ni.
Engtinge kan invenhim theih ang?
Engtinge kan invenhim theih ang?
Hacking laka kan him theih nan a theih chen chenah Password hriatchhuah har tak (strong password) leh Multi-Factor Authentication (MFA) hmang thin ang che. Criminal ten kan password an lo hria anih pawhin MFA hian min venghim thei. Tin, Software siamtu te hian security hi an update ve reng thin a, heivang hian software update fo hi a pawimawh hle bawk. A khat tawka email check a, file tullo delete vek tur a ni. Regular takin file pawimawh backup thin tur a ni.
A tawp berah chuan Banking, social leh shopping accounts ah Multifactor authentication hman a tha. Rinhlelh kai link hrim hrim click lo a, delete nghal zel a tha. Email security settings fimkhur taka set a, spam filters sang tha taka dah tur a ni. Advertisement leh Pop up awm tamna file uninstall vek tur a ni. Tin, Regular taka Windows/Android leh software update hi a tha khawp mai. Awle, i account an hack sak loh nan che lo invenghim zel teh le.
A tawp berah chuan Banking, social leh shopping accounts ah Multifactor authentication hman a tha. Rinhlelh kai link hrim hrim click lo a, delete nghal zel a tha. Email security settings fimkhur taka set a, spam filters sang tha taka dah tur a ni. Advertisement leh Pop up awm tamna file uninstall vek tur a ni. Tin, Regular taka Windows/Android leh software update hi a tha khawp mai. Awle, i account an hack sak loh nan che lo invenghim zel teh le.
0 Comments