Er. Chhungpuia Renthlei
Senior Technical Officer, NIELIT Aizawl
Cyberbullying chu enge ni ?
Bullying chu mahni ngam zawng te sawisak, tihduhdah leh vau hi a ni. Cyber bullying chuan email, text messaging, phone call, social media, audio and video platforms e.t.c hmanga mi sawisak, tihduhdah, chhaih, vau leh zar buai te hi a huam vek a ni. An tum ber chu midang rilru hah leh mualpho taka siam a ni. Hetianga technology hmanrua smartphones, computers, tablets, leh gaming systems hmanga mi rilru tihreawm khawpa zar buaitu te hi Cyber Criminal ngeiawm tak an ni
Thil sual titu te hian an mi huat zawng email, phone numbers, Facebook, Twitter, Instagram, etc. account lem an siam a, thu ngei awm leh mualpho thlak tak tak an post thin. Account an hack saka, an profile picture leh personal information an thlak sak thin. Facebook, Twitter, Instagram, etc. account atangin an thlalak an ruk sak a social media ah an post darh thin. Heng thlalak te hi a neitu ten midang hmuh atana an duh lem loh saruak thlalak te, duh dah taka an awm lai thlalak te a ni thin. A chang chuan a rukin audio leh video in an an thusawi lai te an lo record sak a, social media ah an vawrh darh sak thin.
2. Harassment: Hnam, pianhmang, sakhua,mizia e.t.c kaihhnawiha rilru hreawm taka insiamna ang chi zawng zawng a huam.
3. Outing or Doxing: Midang ti hmingchhe tur leh rilru tina tura an remtihna tellova an mimal message leh thlalak copy a social media a thehdarh ang chi zawng zawng a huam
4. Trickery: Hmingchhia leh zak taka an siam theih nan thian tha ang takin mi rilru an hneh sak te te hnuah an mimal thuruk leh an chanchin midang hnenah an thawndarh sak thin.
5. Cyberstalking: Internet kaltlanga hlauthawng taka midang siam a ni ber mai. Sum tam tak chawi theihna leh lungin tan theihna sual lian tak a tling. A langsar zual te chu: text, instant message, email, social media e.t.c hmang invau. Mipat hmeichhiatna kaihhnawiha invau(sextortion). Online a midang chetvelna enthlak. Invauna leh intihmualphona ang chi social media a thehdarh.
6. Fraping: Hei hi “Facebook” leh “rape” kaihtawi a ni. Midang social media account an control sak a, an mahni tihthaih nan leh vau nana hman.
7. Masquerading: Midang hmingin online profile /identity, email account siam a, intihmingchhiatna leh pawikhawih thei thil post darh.
8. Dissing: Midang nena inhuat theina, inzawmna tichhiat theihna leh zahawmna ti bawrhbang thei zawnga mi chanchin chhe lai public posts emaw, private messages hmanga social media a thehdarhsak.
9. Trolling: Mi thil tih a chhe zawnga react a, an hmingchhiatna tura ngei awm tak tak a comment leh social media kaltlanga a chhe zawnga thehdarh.
10. Flaming/Roasting: Hei hi trolling nen a in ang hle. Direct taka mimal beihna a ni. Mimal hmingchhiat theihna leh huatzawng tak turin social media group leh chat forum ah ngei awm takin an comment thin
Cyberbullying langsar zual te:
1. Social Exclusion: Chhungkhat leh thian te laka in lak hran leh group message leh inbiakna ang chi zawng zawng tih tawp vek ang chi a huam.
2. Harassment: Hnam, pianhmang, sakhua,mizia e.t.c kaihhnawiha rilru hreawm taka insiamna ang chi zawng zawng a huam.
3. Outing or Doxing: Midang ti hmingchhe tur leh rilru tina tura an remtihna tellova an mimal message leh thlalak copy a social media a thehdarh ang chi zawng zawng a huam
4. Trickery: Hmingchhia leh zak taka an siam theih nan thian tha ang takin mi rilru an hneh sak te te hnuah an mimal thuruk leh an chanchin midang hnenah an thawndarh sak thin.
5. Cyberstalking: Internet kaltlanga hlauthawng taka midang siam a ni ber mai. Sum tam tak chawi theihna leh lungin tan theihna sual lian tak a tling. A langsar zual te chu: text, instant message, email, social media e.t.c hmang invau. Mipat hmeichhiatna kaihhnawiha invau(sextortion). Online a midang chetvelna enthlak. Invauna leh intihmualphona ang chi social media a thehdarh.
6. Fraping: Hei hi “Facebook” leh “rape” kaihtawi a ni. Midang social media account an control sak a, an mahni tihthaih nan leh vau nana hman.
7. Masquerading: Midang hmingin online profile /identity, email account siam a, intihmingchhiatna leh pawikhawih thei thil post darh.
8. Dissing: Midang nena inhuat theina, inzawmna tichhiat theihna leh zahawmna ti bawrhbang thei zawnga mi chanchin chhe lai public posts emaw, private messages hmanga social media a thehdarhsak.
9. Trolling: Mi thil tih a chhe zawnga react a, an hmingchhiatna tura ngei awm tak tak a comment leh social media kaltlanga a chhe zawnga thehdarh.
10. Flaming/Roasting: Hei hi trolling nen a in ang hle. Direct taka mimal beihna a ni. Mimal hmingchhiat theihna leh huatzawng tak turin social media group leh chat forum ah ngei awm takin an comment thin
Hremna:
Cyberbullying hremna hi an pawi khawihna dan a zirin chi hrang hrang a awm. Pawikhawihtu te hi Information Technology Act, 2000 (amended in 2008) leh The Indian Penal Code (IPC) hmanga hrem theih an ni.
IT Acts 2008 hmanga hremna:
IT Acts 2008 Section 66(D)[9]: Internet leh social media platforms hmanga midang hruai sual leh blackmail tu te hi kum 3 thleng lungin tan leh a tglem berah cheng nuaih1 chawi tir theih an ni.
IT Acts 2008 Section 66(E)[10]: Phalna neilova mi chanchin chhe lai leh thlalak thawndarh tu te hi kum 3 thleng lungin tan leh cheng nuaih 3 chawi tir theih an ni.
IT Acts 2008 Section 67[11]: Social media kaltlanga midang deusawh leh chaltlai taka thu thawn leh hmingchhiat theihna tur an chanchin thawndarh tu te hi kum 5 thleng lungin tan lehcheng nuaih 10 chawi tir theih an ni.
Indian Penal Code (IPC) hmanga hremna:
IPC ah hian Cyber bullying tan bika hremna awm lo mahse, part thenkhat te hi an hmang thin
Section 507:[12] - mi tih thaih a, hlauthawnga siamtu te hi kum 2 thleng Lungin tan tir theih a ni.
Section 354(C):[13]- Remtihna tellova hmeichhe thlalak sak leh midang hmuh atana an duh loh thawndarh saktu te hi pawisa chawitir leh kum 1-3 thleng lungin tan tir theih a ni. An ti nawn leh a nih chuan kum 3-7 thleng lungin tan tir theih a ni.
Section 354(D):[14]- Mi remtihna lova an mahni vau nan leh intihhmingchhiat na tura internet a an thil tih leh awmna hmun enthlatu te hi kum 3 thleng lungin tan tir theih a ni.
Mizoram leh cyber bullying:
Mizoramah cyber bullying tuartu aiin bully tu kan tam zawk tlat mai hi a pawi hle. Political party inbeihnaah ngat phei chuan ringlo mi te aiin kan nasa. Aia upa zahna a awm lo a, rilru na taka midang siam turin tawngkam huat thlala leh ngeiawm tak tak hmangin text messages leh emails kan thawn a. Social media mi thu post te, an thlalak leh profile te ngeiawm takin kan comment thin. Political party facebook leh WhatsApp group te hi mahni tan zawng uchuak taka fakna leh an tihil sual tih phat marna atan te kan hmang nasa a. Kan mi mi huatzawng sawiselna na leh deuhsawhna atan te, an thil tih hrim hrim a chhe zawnga chhuah hram nana hman kan tum te hi a kristian lo hle.Party hruaitu te pawh hian inkhap a tulna ah chuan kan inkhap ngam a tha khawp mai.
Social media a intihhmingchhiat theihna tur thu leh milem post darh ching te, midang zahawmna leh inlaichinna tichhe zawnga social media kaltlanga thu diklo vawrh darh te, mualpho tak leh zak taka siam te leh naupang vau hial te pawh a tam ta hle mai. Hei hian hnam, sakhua/kohhran, political party leh thian karah inhuatna a thlen fo thin bawk.
Fake Account vanga harsatna tawk ten cybercrime police station hnai berah report emaw, cybercrime.gov.in ah online complaint thehluh theih a ni. Complaint laia Evidience atan submit tur. URL, contents, pictures, comments, messages, profile e.t.c screen shots tur. Hard copy leh soft copy dahthat tur. Trolling titu rinhlelh mobile number leh personal detail chhinchhiah bawk tur. Thil tul dang a awm chuan cybercrime police station ten an hrilh ang che.
Fimkhurna tur te
Aw le, Mizoram ah social media platforms leh Mobile Apps kan hmang nasa hle mai .A bikin tleirawl leh thalai te phei chu a tellovin kan awm thei tawh lova, nu leh pa te pawh kan bang bik lo. Hnam changkang te nunphung kan entawn ta sa sa, nu leh pa te hian kan fate abik takin kum tlinglo te social media sites, apps, leh browsing history te hi kan monitor a tul hle. Kum tlinglo phei chu user names & passwords leh social media account an neih te hi kan hriatpui a pawimawh hle. A theih chen chenah a himlo a kan hriat phei chu block sak a tha Hmeichhia phei hi chu fimkhur a ngai. Kan mualpho theihna ang chi hrim hrim post loh a him. Language translator a awm vek tawh avangin hnamdang pawhin awlsam takin kan thu post hi an hre thei tawh si a, Social media a kan thu post ah leh mi thil tih kan comment naah tawngkam mawi leh zahawm zawk hmang hram hram teh ang u.
0 Comments