SIM CARD VE THUNG HI LE

SIM CARD VE THUNG HI LE

Er. Chhungpuia Renthlei
Senior Technical Officer, NIELIT Aizawl

Kan hriat angin SIM awmzia chu Subscriber Identity Module emaw, Subscriber Identification Module tihna a ni. Mobile phone a cellular networks kan neih theihna hmanrua ber a ni. 8 KB -256 KB data capacities an nei thei a, 250 contacts list leh 500 text messages thleng a save theih bawk. SIM Card tin hian chhinchhiahna bik "Mobile Subscriber Integrated Services digital network number" a awm vek a, hei hi kan phone no hi a ni. Mobile phone hmanga phone calls, messages leh internet tih theih tur hian cellular networks a awm angai a. Heivang hian SIM card hi vuah ngei ngei a tul thin. Tin, Network connect turin Mobile system GSM, LTE, leh 5G kan mamawh bawk. SIM hi a tlangpuiin GSM phones ah kan hmang a, satellite phones, smart watches, computers, leh cameras ah te kan hmang bawk. SIM Card hmasa ber chu kum 1991 khan Munich smart-card siamtur Giesecke+Devrient ten an siam a. A size pawh a lian hle mai bank credit tia lai a ni.

Cellular Network thlunzawmtu anih mai bakah mobile telephone devices (mobile phones, Tablet, laptops e.t.c) hmangtu chhinchhiah theihna tur phone number leh chhinchhiahna tura integrated circuit (IC) chikhat a ni. SIM hi Chhinchhiahna bik (unique serial number), integrated circuit card identification (ICCID), international mobile subscriber identity (IMSI) number, security authentication, security key pawimawh leh local network chhinchiahna (ciphering information) pawimawh hrang hrang dahkhawmna a ni.

Anihna takah chuan physical SIM card kan tih tak hi universal integrated circuit card (UICC) ti a vuah a ni. Polyvinyl chloride (PVC) hmanga khauh tha tak leh zang si a siam a ni. Contact number, information dang dahkhawm theihna semiconductors memory a awm bawk. Tunlai thlengin IC ti a sawi ringawt lovin SIM tiin kan sawi ber a ni. SIM Card hi a hmangtu(Customer) ID (subscriber identity module.) leh mobile network a thlunzawm dan kimchang dahkhawmna hmun ani. A len zawng hi postage stamp ti zet ani thin a, an ti te tial tial a, tunah chuan kutzung te tin ai pawhin a te tawh a ni. SIM Card memory size hi a in ang vek lo a, atlangpuiin 8 KB atanga 256 KB data capacities thleng a awm thei. An vai hian 250 contacts a dah theih.

SIM card reng reng hian a danga hman theih miah loh chhinchhiahna bik 17-digit number an nei vek a, hemi hmang hian network a thlunzawm thin. SIM card tel lo chuan mobile handset ringawt hian awmzia a nei lova, phone call leh SMS ti thei tur chuan SIM card neih tel ngei ngeia ngaih bakah tihnun(Activate) a ngai thin.

SIM Card hmanga Mobile phone connection nei thei turin a hmangtu photo, identity proof, addresses proof dah luh a ngai a. Hetianga nangma hminga i register hi i registered Mobile No chu a ni. Hei hi Bank , Aadhaar leh Official thilah kan hmang thin. Heng tello hian a hman theih loh. Agent thenkhatin mi tu tu emaw hming hawh leh thlalak hmanga SIM card an lo registered lawk thin a. Hetianga, SIM card tihnunsa zawrh leh hman pawh hi khap tlat a ni. Official thilah hmang theih a nilo.

SIM CARD Size & Memory

SIM Card hi chi hrang hrang a awm a, a lenzawng(Size) a zirin chi thum ah an then a:-

1. Macro SIM : SIM CARD hmasa ber ang chi kha a ni. “Full-size SIM” or “1FF” (1st Form Factor) an ti an vuah. Bank credit card tia laia lian a ni. A buaithlak thin hle.

2, Mini SIM: hei hi “Standard SIM” or “2FF” (2nd Form Factor) an vuah a, a len zawng hi 25mm x 15mm a ni. Kum 2000 chho vel a Mobile phone a kan hman ang chi kha a ni.

3. Micro SIM: hei hi “3FF” (3rd Form Factor)an vuah a, a len zawng hi 15mm x 12mm. a ni. iPhone4 ah leh smartphone leh Tablets ah an hmang thin.

4, Nano SIM: hei hi “4FF” (4th Form Factor) an vuah a, a len zawng hi 12.3mm x 8.8mm a ni.SIM card ah chuan a te ber chi a ni a, tunlai smartphones leh tablets a kan hman ang te hi a ni

Micro SIM card ah hian hian memory capacity 64 KB a awm. Nano SIM card 128 KB data capacities a nei. Tin, hei bakah hian 256KB lei tur a awm bawk. GSM 11.11 ah chuan SIM Card te hian 8 KB -256 KB data capacities an nei thei a, 250 contacts list leh 500 text messages thleng a save theih bawk.

SIM card ah hian eng information nge awm?

Sawi tawh angin 250 contacts, messages thenkhat leh key data a awm thei. A tlangpuin phone no, Mobile provider number leh SIM venhimna Personal Identification Number (SIM PIN) leh phone chhinchhiahna international mobile subscriber identity(IMEI) te a awm. SIM PIN hi kan SIM Card venghimtu ber a ni. Phone call leh Mbile data hman dawn apiangin he identification code hi a hman ziah a ngai thin. SIM Card kan thlawn emaw, Phone kan restart hian automatic in a in lock ziah thin a, heivang hian status barah "Locked SIM” tih a rawn lang thin.

Chipchiar zawkin han tarlang ila:-

Advice of Charge: I mobile services cost chhinchhiahna.
Authentication Key: Network i hman theihna Key
Mobile Country Code: Phone call i hmanna country code.
Local Area Identity: I phone number leh mobile country code
Service Dialing Number: Call balance i neih zat hriatna number
Service Provider Name: mobile operator hming (Airtel, BSNL,JIO..)
Short Message Service Center: Text Message thawn saktu che
Unblocking Code: PIN diklo i dahluh palh a, Code pawimawh
Integrated Circuit Card ID: SIM card chhinchhiahna. SIM Card ten ID hran vek an nei thin
Voice-added Services: Additional services i dah belh chhinchhiahna
IMEI:I phone chhinchhiahna Number .Hei hi SIM tray ah a awm thin.

SIM CARD chhunga data awm engtinnge kan chhiar ang?

Settings ah lut la, About Phone ah lut leh rawh. Tichuan, SIM’s status leh info like your phone number, roaming info leh infomation hrang hrang i chhiar thei ang.iPhone ah chuan Settings > Sim Applications.

SIM CARD siamchhuaktu lian ber pakhat International Card Manufacturers Association (ICMA) te sawi danin kum 2016 khan khawl pumpuiah 5.4 billion SIM CARD siam a ni. Nikum 2023 thleng khan SIM CARD hmang hian communication hmanraw hrang hrang 8 Billion zet thlunzawm a ni. Cellular IoT and 5G a rawn chhuah takah phei chuan SIM Card hi pung zel tura ngaih a ni. Hetih laiin kum 2020 chho atanga eSIM a rawn lar chhoh takah chuan SIM Card pangngai hi a kum telin a tlahniam zel thung.