APRIL THURUK
Er. Chhungpuia Renthlei
Senior Technical Officer, NIELIT Aizawl
April thla ah hian khawvawt lutuk a kiang a, khawlum a rawn intan a, thlai phun hun leh nungcha te tan inthlah punna hun tha tak a ni. Nungcha thenkhat Northern Hemisphere lama tawmbo(hybernate) te inthlahpung turin an rawn che chhuak a, Sava tam tak hmar lamah an pem thin bawk.Khawvel chhim lam (Southern Hemisphere) a cheng ten April sik leh sa kan hman mek ang hi hmarlama cheng ten October ah an nei thung.
Gregorian calendar ah January hi kumthar thla hmasa bera a awm laiin Roman Julian Calendar ah chuan April hi kumthar thla hmasa berah an dah thin a. Roman hovin Gregorian calendar an hman ve hnu pawh khan mitam tak chuan an tihdan phung pangngai kalsan theilovin April ni 1 ah kumthar an lawm thin a. Sorkar meuh pawhin January ni 1 ah kumthar lawm vek tawh tura a tih pawhin April ni khata kumthar lawm an la awm cheu a ni awm e. Heivang hian Gregorian calendar an hman nu pawh a April ni 1 a kumthar la lawm ho chu mi a (fools) a ngaih tur tiin thu a chhuah ta hial a. Tichuan, vawiin thlengin April ni 1 hi April's fools day tih a lo ni ta zel a nih hi! Keini mizo te erawh chuan "intihder ni" kan ti ta daih a, tunlai thlengin kan ngamtlak te tihder nan kan hmang uar hle.
April thla ah hian khawvel history pawimawh tak tak a awm nual mai, a langsar zual han tarlang teh ang.April thla ah Leonardo da Vinci, Shakespeare leh Queen Elizabeth II te an piang. April 19, 1775 ah America Revolutionary War a intan April 19, 1775 ah United States Library of Congress an din April 30,1789 khan George Washington a chu United States president hmasa ber ah puan a ni. April 14, 1912 khan Titanic lawng lar vur tlang a su a, tuiah a pil. April 17, 1964 khan khawvel Car company lar tak ford ho chuan an car hmasa ber an tlangzarh bawk.April 11,1970 khan Apollo 13 chu kahchhuah a ni. April 6,1896 khan Olympic hmasa ber chu Athens khawpuiah neih a ni.
April thla a US Preseident boral an awm nual bawk.: William Henry Harrison(April 4, 1841), Franklin D. Roosevelt(April 12, 1945), Abraham Lincoln (April 15, 1865) leh Richard Nixon (April 22, 1994). April ni 1 khat hi April Fools Day an vuah naupang leh puitling thlengin intihhlim nan intihder ni ah kan hmang. April ni 2 hian naupang kum 3 hnuailam hriatna buai(Autism) natna puala hman thin a ni. Keini Kristian te pawhin Tumkau ni (Palm SUnday), Good Friday leh Easter Sunday hi April thlaah kan hmang ve bawk. Tin, Khawvel milar tak William Shakespeare a hi April 23, 1564 ah apiang a, a birthday April 23, 1616 ah bawk kum 52 mi niin a boral.Lemziak thiam hmingthang Leonardo da Vinci a pawh hi April 15, 1452 ah apiang bawk.
Entertainment khawvela mi lar april thla a piang te chu Charlie Chaplin (April 16,1889), Jack Nicholson (April 22,1937), Jackie Chan(April 7, 1954), Russell Crowe(April 7, 1964) leh John Cena(April 23, 1977). Aw le, vawiin thlenga April thla ni pawimawh kan nei te chu : April 1: April Fools' Day, April 2: Palm Sunday, April 2: Autism Awareness Day, April 7: Easter, April 10: National Siblings Day, April 11: National Pet Day, April 15: Tax Day, April 22: Earth Day leh April 28: Arbor Day te a ni.
){kind=link}
0 Comments