Er. Chhungpuia Renthlei
Senior Technical Officer, NIELIT Aizawl
Virtual Reality awmzia chu a lem ni si, a tak ang chiah tihna a ni ber. Hmun hma chhehvel awmdan thlir dan hrang hranga alan dan zawng zawng kha computerah ah an dahlut a. A tak ang chiah chiahin 3D Simulation Computer software hmangin Virtual world an siam a. Virtual Reality hmang tur hian virtual reality tana an siam lukhum, tarmit, kutkawr e.t.c kan inbel a ngai. Tichuan, VR thuam famkim nena kan inthuam chuan a hmuna awm tak tak ang maiin kan che vel thei a ni. Tuifinriat hnuai chanchin zir nan te, tlang sang leh Vansang chanchin zirnan te, mihring taksa zirchian nan te leh khawl hnathawh zir nan te atangkai hle. Tin, Police training leh sports lama training pek nan pawh an hmang tangkai hle bawk.
Entirnan- Zira PC chu phawngpui tlang chhip ah a ding a, dinglam, veilam leh hnunglam te a han hawi kual a. Phawngpui atanga lang thei zawng zawng chu fiah takin a hmu kim vek thei a. Hetiang a hmuh ang lang vek turin computer progamming (3D Simulation) hmangin a tak tak ang chiahin phawngpui leh a chhehvel ram thla lem an siam ta a. Tichuan, Virtual reality hmangin phawngpui tlanga awm ang maiin i hmu ve thei vek dawn tihna a nih chu.
Virtual Reality(VR) Technology chi hrang hrang te:
1.Non-Immersive Reality: Computer Screen a thlir mai theih tura a ang riai ruaia environment an siam ang chi hi a ni. A tak taka cheng anga inngaih theih chiah a la nilo. Virtual Tour, Mouse leh Keyboard hmanga 3D Games khelh ang chi te hi an ni.
2. Semi-Immersive Reality: A taka cheng anga inngaih theih nan Screen lian tak (Projector Screen) leh kil hrang hranga atanga sound pe chhuak thei(surround sound) a awm a, kan duh anga thunun theih ala ni meuh lo. Computer hmanga building design room hrang hrang fan kual ang chi hi a ni.
3. Fully Immersive Reality: Hei hi Virtual Reality kan tih ber hi a ni. Hetah hi chuan a bik taka siam Virtual helmet, Kutkawr, 3D sorround Sound system leh hmanraw hrang hrang a awm. A taka awm ang maia kan inhriat theih nan kan hawi herna lam apianga thil awm te a tak tak ang chiah chiaha hmuh theih turin environment ( Virtual world ) siam a ni bawk.
4. Augmented Reality: Virtual Reality nen a in ang vek a, a danglamna chu Environment te hi Live vek a hmuh theih nan Digital camera telh a ni. Virtual Reality ang bawk a thil hrang hrang training nan tangkai taka hman a ni. A tak tak an leh zual nan Fully Immersive Reality ah smartphone, Augmented Glasses leh digital hmanraw hrang hrang dah belh a ni. Hei hi Advertisement, education, navigation e.t.c ah an hmang.
5. Mixed Reality : Computer software leh Digital hmanraw changkang tak tak hmanga a lem leh tak chawhpawlh a environment an siam a. Real environment hmun hrang hrangah thil lem (Object) a dah chawp theih a. Hei hi AR nena a danglamna a ni awm e. Artificial Intelligent kaihhnawih thil hrang hrang training nan tangkai taka hman a ni.
6. Collaborative Virtual Reality:A hma a mi anga mi pakhat chauh tan nilo, a huhova environment khata a ruala awm ho theihna a ni thung. Professional Training, Desing, Social platforms .e.t.c atan an hmang.
Virtual reality (VR) hi kawng hrang hrangin kan nitin nunah kan hmang nasa hle mai. Dcotor ten mihring leh ransa taksa zir nan an hmang nasa hle. Mechanical khawl remkhawm, electrical wiring leh science practical hrang hrang zir nan an hmang nasa hle bawk. Tin, Hriatna hlauh tawh te, depression nasa lutuk nei te, natna khirh tak uar mek te nun tih hlim nan pawh an hmang uar hle bawk. Entertainment hrang hrang bakah VR hmang hian kan hmuh chak ramah kan zin thei a, a tak taka kal ang chiah in mipui che vel te, a hmun hma nuam tak tak te kan fang thei a ni. Hei bakah hian VR hmang hian kan kan bazar thei bawk. A hmuna kal ang chiah in kan lei duh chi hrang hrang kan en thei a, kan duh tak thil kan hmuh phei chuan Online in kan chah mai dawn a ni.
Hei bakah hian a tak taka thil tih buaithlak leh hlauhawm tak ang chi hi VR hmangin training a neih theih a. Entirnan, Lawng khalh, thlawhna khalh leh ralthuam hman dan zir nan an hmang nasa hle. Entirnan, Himalaya tlang thlawhkhum dan pilot ten an zir lo ngai ta se, a tak taka thlawhna khalh ang maiin VR hmangin Himalaya tlang chungah an thlawk a, duhthusama an zir thiam hnuah thlawhna tak tak hmangin an thlawk ta thin a ni.
Engtinge atak ang maia kan hriat theih?VR hian Hardware leh Software hmangin a tak tak ang chiah a kan kan mit leh thluakin a hriat theih nan environment a siam a. Hadware hian ri hriat theihna, kuta khawih a hriat theihna, rim, sa leh dai kan hriat theihna sensory stimulation a siam a. Software hian object hran ghrang leh a tak tak ang chiaha kan awmna tur environment a siam thung.
Kan mit in atak tak ang chiah a a hmun theih nan stereoscopic display a hmang a. Image pakhat chiah vawi khata lan glovin, kan mit pahnihin image pakhat aia tam a rualin kan hmu thei bawk. Kan hawina lam apiangah ataka hawi ang maiin kan in hre thin Hei hian kan thluakah signal thawn chhovin a tak tak emaw a lo ti ta a ni ber mai. hetiang hian VR hian kan thluak chu a bum ta a, kan taksa hriatna hrang hrang te pawhin VR khawvela multi-dimensional image te chu atak ang maiin a lo ngai ta thin a ni.
VR hmanraw hrang hrang te :
VR Hardware : VR hardware hi kan taksa hriatna peng hrang hrang thununtu sensory accessories kan tih mai a huam.Chung te chu:- controllers, headsets, hand trackers, treadmills, creators, 3D cameras te an ni. Headset hian Tarmit, earphone,motion-tracking sensors emaw, Cameras a keng tel a, Wireless hmangin Computer system a thlunzawm bawk. Helmet anga khum mai tur a ni.
Headset chi thum a awm a, chung te chu -PC-Based VR Headsets, Standalone VR Headsets leh Mobile Headsets an ni. VR Hardware hi a changkang chho ve zel a, tunlaiah chuan 3D mouse, optical trackers, wired gloves, motion controllers, bodysuits, treadmills, leh rim hriat theihna (smelling devices) a awm..
VR Software: A langsar zual te chu :-VR software development kits, visualization software, content management, game engines, social platforms, leh training simulators te an ni.
Zirna lama Virtual Reality tangkai taka an hmanna langsar zual te chu :
Virtual Field trips: A hmuna kal kher lova hmun engemaw zirchian nan atangkai hle. Zirtirtu ten VR hmang hian zirlaite excursions an neih pui thei a, Museum, Sahuan lehhmun hrang hrang an fanpui thei.
Virtual Lab: Chemical, Anatomy, Space theory leh Laboratory a tak taka neih harsa si ang chi ah an hmang nasa hle. Mihring taksa zir nan te, khawl engine leh leilung zir nan te atangkai hle.
Manufacturing Industry: Khawl ropui tak tak chip chiar taka zir chian nan a tangkai hle. Tawngka a sawifiah theih mai loh ang chi te pawh fiah takin a zirchian theih
Internships & Training: Zirlaite tan hna thawh dan zirchianna leh a bik taka training na atan atangkai hle. Sipai training nan te, Medical leh pilots training na atan te a tangkai hle.
VR Future:Tin, 5G high speed sang tha tak nen thlunzawm anih hunah phei chuan hmun leh hmuna a taka inkawm ang maiin Virtual khawvelah hmel inhmu leh inkhawih theiin thian te kan kawm thei bawk ang. Mithiam te chuan VR Technology hian tunlai gaming, entertainment, education, training, leh industries hrang hrang kalphung hi a rawn thlak danglam vek an ring bawk. Aw le, VR Technology thil tih theihna a kum telin a pung chho zel a, engtik niah emaw chuan tangkai takin nang leh kei hian kan la hmang ve ngei ang.
0 Comments