WOMEN POLYTECHNIC AIZAWL (WPA) SILVER JUBLILEE KAN LAWM.

Kum 20 liam ta (2001-2003) a ka lo thawh ve tawhna, Mizo hmeichhia te tana zirna in lian tak, Women's Polytechnic, Aizawl din champha vawi 25 na chu September Ni 7(Thursday) khan ropui taka lawn a ni a, kei pawh he programah hian min rawn sawm ve hlauh mai a, ka lawm hle mai.


Women's Polytechnic, Aizawl hi directorate of Higher & Technical Education, Govt. of Mizoram enkawlna hnuaiah 7th, September 1998 khan All India Council for Technical Education (AICTE) approved a din a ni. WPA tum ber chu hmeichia te Technician education leh quality improvement & training pek a ni.

A din tirh lam kum 6 chhung (1998-2004) khan Course pahnih Modern Office Practice (MOP) leh Electronic & Telecommunication (E&T) hawn a ni. Office dang ang bawkin mi mal building luahin Zarkawtah a awm a, a hnuah Chanmari ah sawn a ni.

Kum 2002 chho khan course upgrade a ni a, Garment Technology(GT) leh Beauty Culture & Cosmetology (BCC) hawn belh a ni. 15th July, 2004 khan Technical Vocational Education and Training (TVET) courses pahnih TV Technician leh Office Automation hawn belh a ni bawk.

Synod hospital Durtlang chuan hnuai a awm, KV Paradise Mizoram Taj Mahal ti a sawi thin thlang lawkah 11.5 bighas zeta zau permanent campus pek a ni. World Bank Assisted Technician Education III (Tech. Ed. III) Project hmanga building, hostel leh Staffs quaters te sak a ni a, 5th July 2004 khan permanent campus, Durtlangah sawn chhoh a ni.

Women's Polytechnic, Aizawl hnuaia Course zir theih te:

Long term (3years) Course
1. Modern Office Practice (MOP)
2. Electronic & Telecommunication (E&T)
3. Garment Technology
4. Beauty Culture & Cosmetology

Vacational Course:
1.TV Technician
2. Office Automation hawn belh a ni bawk.

Mizo hmeichhia te pual liau liau a technician zirna awm chhun leh, a bik takin Garment Technology leh Beauty Culture & Cosmetology lama Mizoram hmasawnna duhawm leh chhuanawm tak tak thlentu WOMEN POLYTECHNIC AIZAWL (WPA) vul zel rawh se.