%20BILL,%202023.jpg)
2. Tichuan, Pu Bhupender Yadav, Minister, EF&CC chuan, ni 29-3-2023 khan, Lok Sabha-ah he Bill hi a pulut (introduce) ta a. Hemi ni vek hian Joint Parliamentary Committee (JPC) in a lo zirchian tura dah nghal a ni. JPC ah hian Ministry pakua – Home, Defence, Tribal Affairs, Railways, Road Transport and Highways, Rural Development, Jhal Shakti, Mines leh DoNER aiawhte an tel a. Member 31, Lok Sabha atangin 21, Rajya Sabha atangin 10 an awm. Ruling Party member-te hian an tam hneh hle.
JPC chuan State thenkhatte hnen atang leh public atangin Comment
thehluhna hun ni 15 chhung lek an hawng a. Public atangin sawiselna leh
tidanglam tura rawtna 1309 a lut hman a ni. JPC hian Guwahati-ah Hmar-chhak
State aiawhte Meeting an neihpui bawk. Mizoram Sorkar hian EF&CC
Ministry-ah leh JPC-ah te hian ngaihdan an thehlut ve ngeiin a rinawm a.
Guwahati Meeting-ah pawh hian an kal ve ngei nia hriat a ni a. An ngaihdan
thehluh Copy te chu hmuh ve a chakawm khawp mai.
JPC chuan ni 11 July 2023 khan Sitting vawi 9-na an nei a.
Sawiselna tam tak karah, engmah tidanglam loin Draft Bill chu a nih ang angin
an pawmpui ta mai a. Ni 20-07-2023 khan Lok Sabha leh Rajya Sabha-ah Report an
thehlut ta a ni. JPC member zinga Opposition member 5 te chuan an pawmpui ve
loh thu (Dissent Note) an thehlut ve bawk. Tichuan, Parliament Monsoon Session,
20 July 2023 atanga tanah hian pass an tum ta a ni.
3. He Bill hian ‘Preamble’ a rawn nei thar a. “Forest
(Conservation) Act” kan lo tih thin kha “Van (Sanrakshan Evam Samvardhan)
Adhiniyan” tia thlak a ni dawn a. Forest Conservation Act (FCA) 1980 in ramngaw
a humhalhna ber Section 2-na chu tidanglamin, Section thar pahnih (1A leh 3C)
belh a ni.
4. He Bill hi keini Hmar-chhak State 5-te tan chuan “Bill sakei” a
tling a. A pawi theih dan tur tlangpui han tarlang ila:-
a) He Bill hi International boundary atanga boruak mela teha Km
100 huam chhunga hman tur a ni a. Mizoram chu a pumpuiin min huap deuhthaw dawn
a nih chu.
b) Km 100 bialin a huam chin chhungah chuan FCA 1980 hmangin
ramngaw kan humhalh thei dawn tawh lo va. Central Sorkarin ram venhimna leh
vantlang mamawh atan a duhna lai laiah hmunhma a rawn khuar thei tawh dawn a.
Sipai hmunpuite, Relkawng leh kawngpuite, Industry lianpui puite dinin,
inchimralna hmanraw tangkai tak a ni dawn a ni.
c) Chutianga ram venhimna emaw, development emaw chhuanlama hmanga
bu an rawn khuar dawn chuan, tun hma angin Forest Clearance an lak a ngai tawh
dawn lo va, awlsam takin kan ram chu an suasam thei tawh dawn a ni.
d) Tun hma kha chuan, ram ngaw thiah a nih dawn reng rengin, hmun
danga a aiawh tur ramngaw leh a kaihhnawih ruahman leh nan, Compensatory
Afforestation atan sum tam tak an chawi a ngai thin a. Mizoramah pawh
Compensatory Afforestation Fund Management and Planning Authority kan nei a,
Chief Minister hi chairman a ni nghe nghe a. He Bill hi pass a nih chuan engmah
chawi tawh loin, a thlawnin an nei thei tawh bawk ang. Ramngaw tih chhiat man
chawitir theihna Dan – “Compensatory Afforestation Fund Act, 2016 hi hman theih
a ni tawh lo vang.
e) The Scheduled Tribes and Other Forest Dwellers (Recognition of
Forest Rights) Act, 2006 hian ramngaw tlawhchhana eizawngtu Tribal-te hi min
humhalh tha hle a. He Dan pawh hian min hum zo tawh dawn lo a ni.
f) Bengal Eastern Frontier Regulation, 1873, Section 7-na chuan
ram leilung fa nilo te chuan kan ramah inhmun lo ram leh ram hausakna an neih
ve a phal lo va, State Sorkarin phalna a pekte chauh lo chuan kan ramah ram
neitu nihna an nei thiang ve lo. He Dan hi British Sorkarin min siamsak, India
Independence hnuah pawh tun thlenga kan chhawm tak zel, Inner Line Permit
thlenga kan pek theihna Dan hi a ni a. He Bill hi hman a nih chuan, Vaihoin kan
ramah phalna la hmasa lovin Industry lian pui puite an din thei tawh ang.
Harsatna kan lo siam sak chuan BEFR 1873 chawp hian min paihsak lo vang tih a
sawi theih loh. Vaidanna Dan (ILR) te phei hi chu hnawk an tihna a rei tawh si
a.
g) India Constitution Art. 371G chuan, Mizoten ram neitu nihna leh
neitu nihna hlanchhawng theitu nihna min pe a. Hemi kalh zawngin Parliament-in
Dan a siam chuan, Mizoram Legislative Assembly-in rem an tihpuina Resolution an
pass a nih ngawt loh chuan, hman a ni ve lo vang tiin min humhalh a. Tuna Bill
an putluh hian hei pawh hi a rawn kalh nghal der a ni. Kan Special Provision
hmang hian he Bill hi kan State-a hmang ve lo turin kan nawr thei ang em tih
pawh hi zawhna chhan awl lo tak a ni ta bawk.
TLANGKAWMNA
He Bill hmang hian kan ram leilung pumpuiah Cental Sorkarin
thuneihna min chhuhsak a tum mek a. Inhumhalh bikna Dan hrang hrang kan neih
mekte chu a hranpaa min hlihsak silovin, he Bill hmang hian thiam takin,
automatic-in min hlihsak dawn tihna a ni. Kan Sorkar leh kan MP te hian
hmahruai se, mipuiin an kaiza veng ila, theihtawp chhuaha dodal turin ka sawmin
ka ngen a che u.
Nakumah Lok Sabha Election kan nei dawn a, he inthlan lo awm turah
hian BJP paihthlak a nih theih nan hman kumah khan Kolkata-ah Brigade Ground-ah
Mega Rally ropui tak Opposition Party ten kan lo nei tawh a, kei pawhin
thusawina ka zu nei ve a nih kha.
Khami tum khan Indian National Congress an lo tel ve lo a, mimal
angin an hruaitu pakhat erawh a lo tel ve a. Hei tunah ni 18th July 2023 khan,
Bengaluru-ah Opposition Party 26 te kalkhawm chuan Indian National Democratic
Inclusive Alliance (INDIA) an lo din thar leh ta a. Hetah hian Indian National
Congress chu lo tel vein Prime Minister nih chuh an tum loh thu an sawi a.
Mite hlauhthawn ber Leadership-a buaina chu a awm dawn ta lova, a
lawmawm leh zual hle. INDIA hian vote 65 crore vel neiin, BJP leh a
sangawizawnpuite hian vote 23 crore vel chauh nei ni a chhut a ni. Kan tanrual
phawt chuan BJP hi kan paihthla thei a
ni tih hriain theihtawp i chhuah tlang zel ang u.
Source:
http://164.100.47.4/BillsTexts/LSBillTexts/Asintroduced/80_2023_LS_ENG329202330923PM.pdf
%20BILL,%202023.jpg&description= FOREST CONSERVATION (AMENDMENT) BILL, 2023){kind=link}
0 Comments