Artificial intelligence (AI) hi Data Science peng (subset) pakhat, mihring anga ngaihtuahna nei a, an thiltih dan entawn thei tura Computer programming hmanga electronics hmanraw changkang thil ti thei leh fing tak an siamchhuah hi a ni.
AI tih tawngkam hi mihring rilru nena inzawm mizia chi hrang hrang lantir thei hmanrua eng pawh a huam thei bawk. AI hi AI entirna tha tak tak chu Apple Siri, Google Assistant, Tesla self-driving car, Amazon Alexa, etc te hi a ni.
AI hian hmanrua (technical system) te chu an chhehvel an hriat theih nan a pui a, an thil hmuh chu an hmachhawn thei a, harsatna an chinfel sak thei a, thil tum bik tihlawhtling turin hma an la thei bawk. Computer hian data - camera ang chi a sensor hmanga buatsaih emaw khawlkhawm tawh emaw a dawng a, a siamrem a, a chhang let thin.
Artificial intelligence (AI) hmang hian mihringin kan tih theih loh data tam tam tak chak leh mumal taka siamrem nan te, thil pianphung leh zia rang (pattern) hriatchhuah nan te leh rang tak leh dik tak si a thutlukna siam nan bakah zirlai leh harsatna chinfelna te tan pawh hman theih a ni. an hmang tangkai hle.
AI hmanga siam machine te hian data an dahkhawm thei a, an zirchiang thei a, chu chuan thil awmdan, a hmangtu te duh zawng, an thil tih , etc. te ang chi a zirchiang thei a, thil thleng tur a hrilhfiah thei a, hmalam hun tur projection a siam thei bawk. Hei bakah mihringte thil hmuh leh tawng hrang hrang lehlin, lehkha chhiar, hmuh leh thusawi thiamna ang chi te hi a entawn in, a zir thiam thei bawk
Artificial intelligence hian industry zawng zawng deuhthaw-ah mihringte hmalam hun a siam mek a, tunlai industry hmasawn chho zelah mamawhna a sang chho hle.Big data, robotics leh IoT ang chi technology thar chhuakte tichaktu ber a ni tawh.
Retail, Shopping, Sports , Fashion,Security, Surveillance bakah thil siam leh siamchhuahna hrang hrangah an hmang uar hle a, nakin lawkah pawh technological innovator angin a thawk chhunzawm zel dawn a ni.AI thiam te tan hnathawh theih pawh a pung chho nasa hle mai bawk.
Industry hrang hrang Artificial Intelligence (AI) an hmang tangkai chho zel a, helam hawia career guidance kan neih tul ta hle mai. Khawvel ram hrang hranga Industry lian ten an mamawhna sang chho zel a, tun hnai chho atang phei chuan mamawh na a sang hle mai. AI lama thiamna nei kan neih phawt chuan hnathawh tur tam tak a awm thei dawn a ni.
AI Engineer Roles & Responsibilty
1. Thil thleng tawh thlir let theihna tur leh thil thleng tur hnaivai lo zir lawk theihna tur algorithms siam a ni.
2. Mihring thluak ang maia ngaihtuahna nei thei khawl (machine) siam.
3. AI product thar siamin harsatna chinfel
4. AI system leh infrastructure awmsa te enkawl
5. Rintlak leh hlawk zawk a sumdawngleh customer mamawh phuhru thei tur Software siam chhuah.
0 Comments