Mary's Boy Child hla Bihchianna -PART 1 ( A hla tobul leh lar chhuah dan)

Boney M Krismas hla lar tak "Mary's Boy Child" hi kum 1956 a Jester Hairston a phuah a ni a, a hun lai hian Christmas carol hla atan an hmang uar hle. He hla pian chhuahna ber chu Hairston an a thianpa nena room khata an awm dun hun lai atang daih a ni.  He hla rawn chhuah dan chu hetiang deuh hi a ni. A thianpa hian a birthday lawmna atan hla phuah turin a ngen a. Tichuan, birthday party a an sawm tur West Indians ho mil turin Calypso Rhythm  hla thlukin a phuah sak a. Hemi hnu rei lo teah Schumann's Hollywood zaipawl conductor Walter Schumann a chuan Hairston a chu krismas hla phuah turin a ngen a.

Hairston-a chuan a thianpa birthday party atana a hla phuah calypso rhythm hla thluk hmangin krismas hla Mary's Boy Child tih hi a phuah sak a. Schumann's Hollywood zaipawl ten an sa nalh bawk a, a lar chho ta hle mai. Jamaican-American pop star lar tak leh American zaithiam leh lemchang thiam ni bawk, Harry Belafonte-a chuan sak leh record phalna a dil a, 1956 khan a record a. Hemi kum hian single album tihchhuah nghal a ni nghe nghe. A kum leh 1957 ah Belafonte a chuan a hla hi ti sei hretin Longer Version ti a vuahin a UK ah a release leh ta a.November 1957 ah UK Singles Chart No1 a rawn thleng chho hial mai.Copy maktaduai 1.19 lai an hralh nghe nghe. He hla hian ngat a hlawh hle mai a, he tih hun laia zaithiam hrang hrang ten an sa a. Chung zingah chuan Jim Reeve ah pawh a tel nghe nghe. Mi mal single Album ah chuan Harry Belafonte-a hi Mary's Boy Child tih hla sa lar hmasa bertu a ni.

Hun a inher zela, music industry pawhin a hun laia mipui duhzawng turin music arrangement thar an tichhuak zel a. Kum 1970 chho ah phei chuan lam rem music kan tih mai, disco/pop music a rawn lar chho hle mai a. German ram atangin Disco-group lar tak mai Boney M te pawh an rawn chhuak a. Hla thu eng pawh mai hi disco music in an sak rem a, a hit em em zel mai. Boney M chuan Mary's Boy Child hla pawh Disco music nen ngei a 1979 krismas hma a mipui hnena pho chhuah hman ngei tumin an in buatsaih nasa hle a. Harry Belafonte leh Jim Reeve a ten urhsun leh muang fan raih a an sak ang nilovin, disco leh pop music nen hot taka sak theih turin an her danglam a.

1978 November thla tirah krismas hma a release hman ngei turin German-based disco-group lar tak Boney M te chuan hmanhmawh takin an record a.November thla tawp lamah Cover version atan Mary's Boy Child-Oh my Lord tih hmangin an release nghal a. Music arrangment a fuh bawk a, a hit ngang a ni ang, kar 4 lek hnuah UK Singles Chart ah No1 a rawn ni nghal a.UK rama Krismas hla lar ber a ni hial  bawk. Single album copy hralh chhuak hnem ber a ni bawk. US ah pawh a lar chho zela, Billboard Hot 100 ah pawh 85 na a tling hial a, Thanksgiving /Christmas holiday season ah radio station ten a tichhuak hnem thin hle.

Hetih hun lai hian he hla phuahtu Hairston-a hi kum 78 a lo tling der tawh a,"Mary's Boy Child/Oh My Lord." tih hla Boney M ten an mahni duh ang taka disco music nena an sa zet chu nalh a ti ve  ngang a ni ang, "Kei ang hrang hlui tawh tak hla phuah hetiang taka a lar chho hi Pathian malsawmna ropui tak a ni," tiin a sawi hial a ni.  Kum 1981 a Boney M  ten Christmas Album an siam khan he hla hi an telh nghal bawk. Tichuan, Europe leh Asia khawmualpuiah a rawn lar chho zel a, Boney M album atang hian keini mizo te pawhin Mary's Boy Child  hla kan hre lar chho ve ta a ni ber e. 

Krismas kher lo, picnic leh entertainment events ah a hla thu ai mah a, a music  nalh kan tih avangin kan play nasa thin hle. 1980-90 velah phei chuan keini mizoramah hial pawh Boney M Version "Mary's Boy Child / Oh My Lord" leh By the River of Babulon tih hla hrelo kan awmlo a tih theih hial awm e.  

He single album ti lar tur hian Boney M te hian Music video pahnih an siam a. A vawikhatna chu Kawr lum hmul var nen room var chhungah an record a, a dawt leh ah 1988 khan remix feature siamin an hnam mil in kawr var nen bawk an record leh a. Mizoramah phei chuan krismas a rawn inher chhuah apianga kan hla lar ber a rawn ni chho ta zel anih hi. He hla hi a hlui thei lo a ni ber mai, November 2015 thleng khan 1.87 millions copy lai hralh a ni. Kumin krismas ah pawh hian he hla hian khawvel pum a fan chhuak leh ngei ang le! 

Mary's Boy Child
Composer: Jester Joseph Hairston

1. Long time ago in Bethlehem
So the Holy Bible say
Mary's boy child, Jesus Christ
Was born on Christmas day

Hark, now hear the angels sing
A new king born today
And man will live forevermore
Because of Christmas day
Trumpets sound and angels sing
Listen what they say
That Man will live forevermore
Because of Christmas day

2. While shepherds watched their flocks by night
Them see a bright new shining star
Them hear a choir sing
The music seemed to come from afar

3. Now, Joseph and his wife, Mary
Come to Bethlehem that night
Them find no place to born she child
Not a single room was in sight

4. By and by, they find a little nook
In a stable all forlorn
And in a manger cold and dark
Mary's litlle Boy was born 

Krismas a hnai ta bawk a, hemi link atang hian  han ngaithla ve teh le. 

Mary's Boy Child  Harry Belafonte (1957)

Boney M. - Mary's Boy Child - Oh My Lord (1978)