Er. Chhungpuia Renthlei
Bible a kan hmuh angin, kum 2000 liam taah khan Khawchhak mifing ten Isua chu Zawlneite hrilhlawk Juda te Lal thar tur anih tur thu ni a an sawi avangin Heroda chuan tihhlum a tum a.Judia ram a nau sen kum 2 hnuai lam zawng zawng suat vek tur thu a puang ta rup mai a.
Isua
pian hun lai vel khan Palestina atanga Egypt kal kawng hi pathum lai a awm.
Chhui mi te sawi danin Holy family hian heng kawng thum te hi an zawh lo vek
thung. Heroda sipai ten Isua thah tum a an um zui zel avangin sipai te kawng hriat
lohah an kal zel niin an sawi.
Tin, Heroda hian Sipai bakah enthlatu te ram tinah a dah avangin Palestina an pelh hma phei chuan an thla a muang lo hle a, hmun khatah rei tak an awm ngam lo a, an awmna hmun hi an thlak reng thin.
Heroda thuneihna piah lam Egypt an thlen hnuah erawh chuan an thla amuang thei chauh a ni.Heroda thih hma loh chu Egypt an thlen hnu ah pawh hian thlamuang takin an awm ngam lo a, an awmna hmun an sawn reng tho thin.
Palestina
atanga Egypt kal nan leh an haw kir leh thleng hian a bengtung(Doney) an hmang a. An
zin kual nasa hle bawk. Sinai hmar lamah hmun thumah an chawl a. Nile lui kam
phairuamah hmun 18 ah an chawl bawk. Khawthlang lam thlaler (Western desert) ah an kal bawk a, Wadi Al Natroun ah an chawl a. Khawchhak lam
thlaler (Eastern desert ) ah kal lehin Jabal Al Tair ah an chawl bawk. Tin, Nile luipui hi vawi li lai an
kaltlang bawk
Mary
leh Josepha ten nausen Isua Heroda laka a him theih nana Egypt (Aigupta) rama an
tlan bopui na hmun hrang hrang te tunah i
han chhui dawn ang le.
1.
Bethlehem
atanginSinai tlang ruamah :
Bethlehem atangin Sinai hmar lam panin Gaza Strip leh Egypt province inkara a awm Raphia (Rafah) an thleng a. Raphia atang hian 44 kilometers an kal leh a, El-Arish khua an thleng leh a. Farama an thlen hma chu an kal zel a. Ni hnih an kal hnuah Wadi Al-Arish (El-Arish) khua an thleng a. Hetah hian him deuh a an in ngaih tawh avangin an chaw te eiin an chawl hahdam a. Hemi hnu hian Al-Muhammadia leh Al-Farma khua te an paltlang a. Al-Farma hi Said lawngchawlhna chhim chhak lam 20 miles a awm a ni.Tel Basta (Bubastis) khua an pan leh a.Tel basta ah hian Isua in mal a sawm a lei atangin tui a rawn chik chhuak a.
2. Nile Delta kaltlangin Mostorod khaw
lamah:
Nile lui kam (Delta) tlangkar ah kal
zelin Cairo atanga 6 miles a hla ah a awm Mostord
khua an thleng leh a. He khua ah
hian Mary chuan Naupang Isua chu a bualfai a. He khua hi Mahamaah ( Inbualna
hmun) tiin a hnuah an vuah. Mostorod
khua atangin AlMataraya district huam chhung Heliopolis atanga hnai te Belbeis an pan leh a.
Hetah hian sycamore tree daihlim hnuaih
an chawl a, he thing kung hi Virgin Mary's Tree an vuah. Tunah he thingkung hi “Mariam’s Tree,” tiin an vuah. Heta tang hian hriak rimtui
“Mayron oil,” or the “Chrism oil” siam nan an hmang thin a. mi tam takin kum
tin malsawmna leh rilru tih hahdam nan an hmanga, Al-Matarya district hi Egpyt ah phei
chuan alar phah em em a ni.
Wadi El Natrun phairuam lamah Khawthlang lam an pan zel a.Nile lui thlang lam zawh zelin Nile lui peng pakhat khaw thlang lama luang Rasheed branch an thleng a, heta tang hian Nile lui an kan a. Amanoud khua an lut dawn lai a Sakha a an awm lai hian Isua in lung a khawih a tui a rawn chhuak a. Egypt khawthlang lam pan zelin Wadi El Natroun phairuamah an thlenga.Natroun phairuam hi he khawvel tisa thila inthianfai a Pathian hnena Isua inhlanna hmun hmasa ber a ni nghe nghe.
3.Cairo khua an thleng ta Cairo district, Matariyah leh Ain Shams ah an kal leh a.Hetah hian Isua in tuikhur a siam a, mala sawm a, he tui khura Mary-in Isua thawmhnaw a su a, tui a leihbuakna hmunah chuan nuaithang (balsam) thin a rawn chawr hluah mai a.Helai hmun hi sakhaw Hmun thianghlim atan an hmang nghe nghe. Cairo ah hian district pathumah an tlawh a.
Holy family te chuan Heliopolis khua AlMataraya district an tlawh a. Al-Zeitun district ah an kal leh a. Zowela Avenue, El-Gamaleya district an tlawh leh a. Helai hmunah hian Egypt rama Biakin lian ber a an sawi thin “The Virgin Mary” biakin an sa tawh nghe nghe.
Hemi hnu hian Cairo khaw hlui (Old Cairo) an ral tlan a. Roman Babylon kulh chhung a an sak, Abi Serja’s Church biakin puk( Cave) ah engemaw chen an biru a. An chenna puk hi tukverh awm miah lo,20 feet a sang,15 feet a zau a ni.
Hemi hnu hian Al Maadi , Maadi district ah an kal leh a. Helai hi hmun biru leh reh tak mai, birukna remchang a ni. Hetah hian engemaw chen an biru. Hei hi Memphis district, tunah hian Egypt khawpui lian tak a ni.
Memphis khawpui hi nile lui khawtlang vaukam a awm a ni a, Cairo chhim lam 20 km a hla ah a awm. Memphis tih awmzia hi “Ram(Amun pathian) lu nei Sphinxes kalkawng” (Road of the Ram-Headed Sphinxes) tihna a ni.
Upper-Egypt lamah
Egypt khawthlang thlalerah ah kalin
Memphis chhim thlang lam 160 km hla a awm thingtlang khua Bahnasa ah an kal leh a. Nile chhim lam pan zelin Upper Egypt lamah
lut chhovin, upper Egypt khawpui Minya
ah an kal a.Chhim chhak lam panin Nile lui vei lam hrula awm Minya khawpui
municipal division huam chhung Samalut khuaah
an kal leh a.
Heta tang hian Lawngah chuangin khawmual
an chuangkai a. Nile lui kam khawchhak lam an kaltlanga. Helai hmun Gabal
Al-Kaf tlang chhip ( Tum thing
Tlang) ah hian Virgin Mary monastery an
sa a. Thing tlang khua Al-Ashmounain ah
an chawl a.
Lawngah an chuang leh a, Ashnein el
Nassara khawthlang lam 6 miles a hla Egypt khawpui pakhat Maghagha bul lawk
thingtlang kua Deir el-Garnus ah an lawng a ding a. Helai hmun hi Minya Governorate
huam chhung a ni. Heta tang hian hmun pakhat Abai Issous( Home of Jesus) tia an vuah ah an kal leh a. Hei pawh hi
Minya Governorate tho a la ni.
Nile luikam chhaklam ah kal zelin Gabal El Tair an thleng a, hetah hian tlang pang daihlimah an chawl a. Gabal El-Tair chhim lamah an kalchhuak leh a, Nazlet Ebeid tlang an thleng leh a. Helai tlang an thlen hian thingkung te chuan Isua chibai an buk emaw tih mai tur hian lei lamah thing zar te chu an rawn awn thla suau mai a. Lei hrul atangin an kawm chho leh a. “The Worshipper” tiin an vuah nghe nghe.
Heta tang hian khawtlang lam atangin Nile lui an kal kai leh a, Qussqam ah an cham a. Helai hmun hi Cairo atanga chhim lam 327 km a awm a ni a, Governorate of Assiut chhunga mi a ni. Thla 6 aia rei an cham nghe nghe. Egypt a an awm chhung a hmun dang zawng aia an awm rei ber na hmun a ni. Tunah hetah hian Al Moharraq monastery a awm nghe nghe.
Qussqam a an awm lai hian Josepha mumangah vantirkoh chuan Heroda a thih tawh thu leh Palestina -a kir leh turin a hrilh. Tichuan, Egypt ah kum 3 an awm hnuah an rawn kalna kawng zawh leh zelin Palestina ah an kir leh ta a.
Bethlehem atanga chhuah atanga Nazareth an kir leh thleng a an zin kawng thui zawng hi 2000 kms aiin a tam a, kum 3 aiin tam daih an zin kual bawk. Isua an tlanbo puina hi a hautak hle mai. Sabengtung chaklo tak chungah an bungraw neih chhun bakah nau nei hlim bawrhsawm tak Mary leh nausen piang hlim Isua an chuang a.Mistiri Josepha ke in a kal thung a, a changin Nile luipui kan turin lawngah an chuang thin bawk.
Hetih hun lai hian Palestina leh Egypt inkal pawhna kawng hi pa thum a awm a, Sinai tlang kaltlangin Egypt ah an lut thin. Kalkawng hi a thu a vang te, suamhmang leh ramsa kawlh laka him nan dan naranin a hu ho hovin awm ze nei taka an inzui duah duah thin. Holy family te erawh chuan kawng pangngai pawh zawh ngam lo leh thurual pui nei lovin an mahni chauhvin khawhar takin Sinai tlang leh ruam bumboh leh hlauhawm tak tak an paltlang a. An khawngaih thlak hle mai.
Hetiang reng reng hian thlasik khaw vawt hreawm tak leh nipui khawlum huam huam mai te chu tuihal, riltam leh chau tak chungin an tuar chhuak a. Pathian thu thiam, khawvel chhandam tura kros a a tawrh theihna tura Josepha leh Mary te hian kawng hreawm tak an zawh chuak thei hi a va ropui tak em!
 EGYPT ZIN KAWNG ( Nausen Isua Heroda laka Aigupta rama an tlanbo kha )){kind=link}
0 Comments