Er. Chhungpuia Renthlei.
A hunlai ani bawka, FIFA World Cup hmuhnawm ti taka kan thlir mek hi felfai leh dik taka inkhelh anih theih nana technology providers changkang tak, Video Assistant Referee (VAR) nena planning, coordination leh organisation FIFA in a ruahhman dan hi han bih thuak thuak teh ang.
The video assistant referee (VAR) chu enge ni le ?
VAR chu tunlai Video technology thiamna changkang tak hmanga atul hun apianga inkhelh laia referee tanpuitu a ni. Inkhelh laia a khat tawka VAR Room an rawn tihlan thin hi kan hre theuh awm e. Video assistant referees (VARs) hmang tur hian Implementation Assistance and Approval Programme (IAAP) ten kalphung (principles) fel tak an duang thin.Match/competition organiser ten hei hi an zawm kim vek hnuah chauh FIFA in permission a pe thin.World Cup khelh mek ang te hi chu FIFA buatsaih tho anih avangin a hranpa a permission lak a ngai lemlo.
1.VAR hi inkhel footages zawng zawng computer hmanga check theihna, thil thleng serious tak referee in amaha thu tlukna a siam theih lohna tul bik thilah hman tur a ni. A langsar zual te chu:
a. Goal/no goal
b. Penalty/no penalty
c. Direct red card (not second yellow card/caution)
d. Players thil tihsual vanga hnawhchhuah chungchang
2. Referee hian thu tlukna a siam ngei ngei tur a ni a, harsatna a nei anih chuan VAR hmangin thil thlen dan a en nawn leh anga, thu tlukna a siam ang.
3. Referee hian VAR ( match officials) remtihna chauhvin thil thlen dan a review thei
4. Referee in VAR a hman lai hian hmuh theihin a awm tur a nia, player /Official dang ten an chim buai tur a nilo.
5. Fair taka thulukna siam a pawimawh avangin VAR Review hun rei zawng hi bithliah a awm lo.
FIFA World Cup ah hian VAR team te hian uluk takin inkhelh apiangin camera angle hrang hrang atangin uluk takin a bika siam screen hmangin an vil reng thin.VAR Refereeing Project Leader hi Roberto Rosetti a ni. Players leh fans ten tunhma lam world cup a referee an sawi chhiatna ang chi te kha an pumpelh theih tawh avangin, referee te tan ngat phei chuan tangkai tak a ni.
VAR information system hi video operation room ah Tablet hmanga operate a nia, inkhelh apiangin thil thleng enfiah ngai bikah networked touch tablet hmangin FIFA member ten thil awmzia chiang takin broadcasters, commentators leh infotainment te an hrilh a. Anni in Stadium chhung leh keini TV a inkhel entu te min hriattir leh thin.
VAR team te chu :-
FIFA World Cup ah hian FIFA Referee Committee chuan video assistant referees 13 uluk takin an thlang chhuak a. Anmahni pui tur hian 2018 FIFA World Cup the Referees leh Assistant Referees thenkhat Video Match Officials turin inkhelh hma chiah zela ruat an ni bawk. Anni hi Top FIFA Match Officials an ni.
1. VAR hian inkhel lai video angle hrang hrang chi li a tihlanna main camera uluk takin a en ang. Inkhelh laia engemaw bik thil thleng check leh review tul apiang chhunga main referee hrilh zel tura mawhphurtu ber a ni.
2. AVAR1 hian main camera uluk takin a en anga, inkhelh laia engemaw bik thil thleng check leh review tul apiang VAR a hrilh ang.
3. AVAR2 hi offside station ah a awm. Offside check leh review tul apiang VAR a hrilh ang.
4. AVAR3 hian inkhel lai Television ah a pekchhuak ang. Tin,VAR leh AVAR2 inbiaktawnna that leh that loh a check reng bawk ang.
VAR Technology hmanrua te :
1. VIDEO OPERATION ROOM (VOR)
Hei hi VAR team te awmna room hi Centralised video operation room (VOR) a n ti. Tun world cup ah hian VOR hi Doha, Qatar ah a awm. Qatar a inkhelhna stadium 8 te hi Fibre-optic network hmangin host broadcaster camera hmanga thlunzawm vek a ni. VAR team te hian centralised video operation room (VOR) atangin inkhelh apiangin referee an pui thin.
Inkhelh lai hian fibre-linked radio system hmangin VAR team leh referee te hi an inbe tawn reng thin. International Broadcast Centre (IBC), Moscow ah a awm daih. He room leh Stadium hrang hranga inkhel lai video hi fibre optic network hmanga thlunzawm vek a,field chhunga referee hian VAR team te a biak nan fibre-linked radio system a hmang a bawk.
2. CAMERAS
Inkhelh a piangin VAR team te hian fibre-linked radio system hmangin broadcast cameras 42 hmangin uluk takin an lo thlir reng thin. Heng zinga Camera 8 te hi super slow motion atan an hmang a, Camera 8 te hi a aia muang zawng (ultra slow motion.) atan an hmang bawk. Slow-motion camera replays hi "factual situations" an tih mai players awmna lai dik tak leh ball leh player dang an khawih fuh dan endik nan an hmang thin.
Heng bakah hian off side endikna semi-automated offside technology an hmang bawk.
3. REFEREE REVIEW AREA (RRA)
Referee in thil thleng a review theihna tura mobile screen device, technical areas bula an dah.
4. VIRTUAL OFFSIDE LINE
Inkhelh hma in survey grade equipments nen uluk takin field ah offside line awmna tur an teh thlap a. Tichuan, Angle hrang hranga thlir theih turin Computer software hmangin inkhelhna field Offside line thlalak an siam a. Hemi hmang hian offside an teh thin.
Engtinnge VAR in Referee a tanpui?
Thutlukna siam harsa bik thil thleng a awm apiangin referee chuan kut zaizirin VAR a hriattir nghal vat a.VAR team te chuan video footage rang takin an thlir let vat a. Rang takin field chhunga referee an zu hrilh nghal a. Tichuan, referee chuan action a la thin a ni.VAR hmanna langsar zual te chu :
1. Goal leh goal lo chungchangah
2. Penalty pek chungchangah
3. Direct red card pek chungchangah
4. Offside chungchangah
5. Player hrem tur ber hriat harsat chungchangah
6. Attacking players tih dik loh chungchangah
2. Penalty pek chungchangah
3. Direct red card pek chungchangah
4. Offside chungchangah
5. Player hrem tur ber hriat harsat chungchangah
6. Attacking players tih dik loh chungchangah
VAR chungchanga hriat tur pawimawh te:
Video assistant referee team te hi thutlukna siamtu an ni lo va, referee tana thu tlukna siam harsa bik, thil thleng enfiah ngai bika referee tanpuitu atana ruahman a ni. Thutlukna (final decision) siamtu chu referee chauh a ni. Inkhel zawng zawng matches 64 ah hian Video Assistant Referee (VAR) team te hian match officials an pui ang.Video assistant referee team te hian broadcast cameras leh offside cameras an vil reng.Video Assistant Referee System hmang hian thil thleng enfiah ngai bikah chiang takin broadcasters, commentators leh infotainment
te chuan Stadium chhung leh TV a inkhel entu te min hriattir thin.
te chuan Stadium chhung leh TV a inkhel entu te min hriattir thin.
Tun FIFA World Cup- Qatar atana VAR system hi technology provider rin tlak tak Hawk-Eye Innovations Limited ten an siam a ni a, inkhelh hma apiangin stadium tinah uluk taka check lawk vek a ni thin. Sawi tur tam tak awm mahse, duhtawk phawt mai ang aw. FIFA World Cup en tui vek ule.
){kind=link}
0 Comments