Er. Chhungpuia Renthlei
Boney M hi German record producer Frank Farian an 1976 kuma a din a ni. Frank hi music hla phuah leh music thiam tak a ni. Kum 1970 chho vel a disco era ah ngat phei kha chuan a lar ber zinga mi an ni. A tira an groug member pali te chu :- Liz Mitchell, Marcia Barrett, , Maizie Williams , leh Bobby Farrell an ni. 1980 hnu lamah khan group member chhuahsan leh lakluh thar an awm ve deuh reng avangin an group member te hi an inthlak ve reng a ni. Boney M hian Record 100 million aia tam khawvel ram hrang hrangah an hralh chhuak a. An hla hit zual te chu "Daddy Cool", "Ma Baker", "Belfast", "Sunny", "Rasputin", "Mary's Boy Child/Oh My Lord" leh "Rivers of Babylon" a ni.
BONEY RAWN PIAN DAN
1970 chho velah khan Hotel leh entertainment program neihna hmun hrang hranga mipui chawk hlim tura lam chunga zai hi an uar hle a. Hetih hun lai hian Frank Farian-a pawh hi hlaphuah thiam, zaithiam leh producer lar tak a ni. Show a neih hian a zai tsk tak ngailova, a hla record sa hi a phun rem (Lips Synchronize) a, a lam nghal bawk thin.
1974 December thla khan Frank Farian chu chawlhkar 6 vel lai mai Europa Sound Studio ah hla thar record buaipuiin a tul hle mai. A beisei anga a hlawhtlin theih loh avangin a hla record tawh te aia danglam bik Disco music tho thang tak mai “The Bump” chu mipa aw leh hmeichhe aw inchawhpawlhin ama zai a record a. “The Bump” tih hming chu “Baby, Do You Wanna Bump”tiin a thlak a. Frank hian he a single album thar Frank Farian Single Album tih ringawta release duh lovin album hming tur awlsam taka lam rik theih phuah a duh a. Tichuan, a hmingah Boney M tih a phuah ta a.
Boney tih hming hi Australian television detective series lar taka achangtupa hming Boney tih atanga a phuah a ni. Frank Farian a chuan a phuah dan hetiang hian a sawi. "TV ka han switch on chiah chu Australian television detective series tawp lama credit inziak a lo lang mek a, Ka ngainat thin em em, a changtupa hming Boney tih inziak chu nalh ka ti hle mai a. Ka rilru in Boney, Boney, Boney... Boney M. Boney, Boney, Boney M tiin ka sawi mawlh mawlh mai a, Boney M tih chu a lam a nuam em em bawk si a. Tichuan, Boney M tiin ka album hming chu ka phuah ta a ni" a ti.
Sawi tawh ang khan 1975 kumah Boney M single album hmasa ber “Baby, Do You Wanna Bump” chu release a ni.Netherlands leh Belgium ah te a larchho zel a, Kum 1975 kum tawp lamah Dutch chart ah a rawn lang ve hlawl mai a, Dutch TV-station atangin Boney M chu TV show nei turin an rawn sawm a.A mah bak Goup member an awm si lova, a buai kher mai. Boney M promote nan hun tha ani tih hriain Boney M hming a TV show neih ngei chu a tum ta a. Tichuan, TV show a lam turin mi hang nula hmetha, zaithiam leh lamthiam bawk pali a sawm khawm ta a. Reilo te chhungin
Boney M chuan member pali a nei ta a. chung te chu:
1.Claudja Barry - Jamaican singer, songwriter and actress.
2.Maizie Williams- Montserrat mi model atanga zaithiam a inlet
3. Bobby Farrell - Aruba mi , lam thiam leh aw thum tak
4 Liz Mitchell - Jamaica mi , zaithiam tak leh Les Humphries Singers member
A tirah chuan Boney M hi model leh lamthiam te intelkhawmna niin discotheque leh TV lamah te an inlan thin a, producer Frank Farina-a hla 'Baby Do You Wanna Bump' tih hla remin an lam thin. Show an neihna ah a ri a zai tak tak lovin, hla record sa ri lovin hmuiphunin an sak rem mai thin. Rei lo teah Germany chu a fanchhuak thuai. 1976 kumtir lamah chuan an zaitunu ber (vocalist) Claudja Barry chuan an group a chhuahsan tak avangin Marcia chuan amah ang bawk Jamaican mi, Liz Mitchell chu ani aiawh tur hian a rawt a, Mitchell pawh hi zaithiam bawk a lo nih avangin Frank Farian chuan Liz leh Marcia te chu 'Baby Do You Wanna Bump' chu a record that tir leh zui a ni.
1976 hnu a Boney M member pali te chu:
1.Maizie Williams- Montserrat , British mi model atanga zaithiam a inlet
2.Bobby Farrell - Aruba mi , lam thiam leh aw thum tak
3.Liz Mitchell - Jamaica mi , zaithiam tak leh Les Humphries Singers member
4.Marcia Barrett- Jamaica mi, zaithiam tak
Tichuan, Boney M album hmasa ber "Take the Heat off Me" chu 1976 ah release a ni. Hetah hian Marcia Barrett leh Farian-a ten an record tawh sa an telh bawk a. Mahni tawk a zaithiam em em vek an ni na chunging a tir lamah chuan an buai ve nak nak khawp mai. Hla an han record dawn a, Maizie Williams aw chu Frank Farian-a duhthu ang thlap ani thei lo a. "No Woman No Cry" ah khan Maizie Williams zai tir a han tum leh a, a duhthu a sam lo leh bawk a.
Tichuan, Frank Farian-a chuan Liz Mitchell leh Marcia Barrett te pahnih chauh hi hla satu atan a hmang chho ta zel a ni. Recording studio a neih sa a thuam tha zel a, hetah hian hla an record thin a ni. Kum 1976 ah German TV show a "Daddy Cool" tih hla an sa a, mipuiin an lawm hle mai a, Europe ram pumah a darh a, 100 million records lai an hralh nghe nghe. Heta tang hian Boney M chu khawvel hriatah an lar chho ta a ni.
“Mary’s Boy Child – Oh My Lord” hi Germany ah 27th November 1978 ah an release a. A hit rem rem hle a ni ang, January 1979 tir lamah No 1 a rawn kai nghal der mai. England ah pawh chawlh kar 4 chhung zet mai No 1 a ni a, single albumah a lar ber a platinum status a hlawhchhuak nghal bawk. Kum 1978 zet kha chu Boney M te tan chuan England ah an thawm a tha kher mai. Single Album The singles “Rivers Of Babylon” leh “Mary’s Boy Child – Oh My Lord” ten platinum an kai phah hial mai. Vawiin thlengin England best selling album nihna an la hauh pha a ni.
BONEY M AN KEH DARH TA
“Mary’s Boy Child – Oh My Lord” hi Germany ah 27th November 1978 ah an release a. A hit rem rem hle a ni ang, January 1979 tir lamah No 1 a rawn kai nghal der mai. England ah pawh chawlh kar 4 chhung zet mai No 1 a ni a, single albumah a lar ber a platinum status a hlawhchhuak nghal bawk. Kum 1978 zet kha chu Boney M te tan chuan England ah an thawm a tha kher mai. Single Album The singles “Rivers Of Babylon” leh “Mary’s Boy Child – Oh My Lord” ten platinum an kai phah hial mai. Vawiin thlengin England best selling album nihna an la hauh pha a ni.
BONEY M AN KEH DARH TA
Keini mizo te pawhin kan ngainat em em, masi ti masi tu Krismas hla lar tak Mary’s Boy Child – Oh My Lord leh Feliz Navidad satu, 1980's chho vel a kan mizo hranghlui ten Rivers of Babylon, Hooray! Hooray! It’s A Holi- Holiday leh Brown Girl in the Ring tih hla an lo suk pui ve bawk bawk thin satu Boney M group te pawhin kum 1986 a rawn inher chhuah meuh chuan " Tin dial e, tin dial e" tih zai an rel ve ta. Tichuan, kum 1970 a din, German Disco group lar tak te chu hlawhtling taka kum 16 zet an awm khawm hnu ah 1986 khan an kehdarh ve ta.
Hemi hnuah hian Member te chuan anmahni a group dinin Boney M hmingin member thar sawmin khawvel hmun hrang hrangah music tour an nei chho ta a. Heng zingah hian Mitchell’s band te hi boney M Original original R&B and reggae sound hnaih bertu an ni. Hetih lai hian Boney M Krismas hla hit tak tak, "Mary's Boy Child/Oh My Lord", leh "Ribbons of Blue" phei hi chu Marcia zai liau liau tih ngam a ni thung. Marcia Barrett-i hi kum 2009 a Aizawla Mizote Krismas min rawn hman pui tura Berlin-atanga rawn kal kha a a ni. AR ground ah show ropui tak a neih kha kan la hre theuh awm e.
Hemi hnuah hian Member te chuan anmahni a group dinin Boney M hmingin member thar sawmin khawvel hmun hrang hrangah music tour an nei chho ta a. Heng zingah hian Mitchell’s band te hi boney M Original original R&B and reggae sound hnaih bertu an ni. Hetih lai hian Boney M Krismas hla hit tak tak, "Mary's Boy Child/Oh My Lord", leh "Ribbons of Blue" phei hi chu Marcia zai liau liau tih ngam a ni thung. Marcia Barrett-i hi kum 2009 a Aizawla Mizote Krismas min rawn hman pui tura Berlin-atanga rawn kal kha a a ni. AR ground ah show ropui tak a neih kha kan la hre theuh awm e.
Tuna tan chuan duh tawk phawt mai ang aw
0 Comments