Chhungpuia Renthlei
Tin, Pilatan a hnenah,“Chu, lal i ni elo?” a ti a. Isuan, “Ni e, Lal ka ni asin. Thu tak hriattir hi ka pian chhan leh khawvela ka rawn kal chhan a ni. Tupawh thutaka mi apiangin ka thu an pawm thin,” a ti a. Pilatan a hnenah,“Thutak engnge ni?” ati a (Johana 18:37,38) Isuan a hnenah, “Keimah hi kawng leh thutak leh nunna ka ni; keimaha kal lo chu tumah Pa hnenah an thleng ngailo” a ti a (Johana 14:6).Lal Isua Kristaa rinna nghattute chu Lalpan a ngaidam avangin Krista ngei chu tu te tan pawh kawng leh thutak leh nunna, Pa hnen kan thlen theihna awmchhun a ni.Kan sual zawng zawng min tlenfai saktu ngei chu Lal Isua thisen hlu chauh hi a ni. Petera'n (Tirhkohte 4:12) “Mi dang tuma hnenah chhandamna a awm lo; van hnuaia mihring sak zingah, min chhandam tur hming dang reng a awm lo,” ti a a sawi thin kha.
Hei ngei hi a ni Pilata khan a hriat chak, a hriat theih si loh chu. Lal Isuan roreltu Pilata hnenah “Thutak hriattir hi ka pian chhan leh khawvela ka rawn kal chhan a ni” a tih khan Pilata chuan mak a ti em em a ni. The Passion of The Christ movie kan en chuan Pilata khan a hriatthiam loh avangin Claudia, Thutak chu engnge ni, an sawi lai i hre tawh em?”* tiin a nupui a zawt hial anih kha.
Khawvel ah hian sakhua (religion) tam tak a awm a, zirtirna in anglo tak tak ni mahse mihring nuna inkaihruaina tha neih duhna avanga lo piang vek an ni hlawm. Thatna te, felna te leh dikna te chu Lal Isua kawng lo ah pawh hian sawi tur a tam ang. Thil tha tih duhna te, hmasawn duhna te, rinawm duhna te hi hnam tinah a awm vek a, eng sakhaw rinna pawh hi zawm ila lei malsawmna dawn theihna khawp thatna nei vek anni a tih theih awm e.
Keini ringtu inti te ramah pawh hian Isua Krista thu tak hrelo hian mi ngaiha fel tak, sawisel kai lo, rinawm leh thahnem ngai taka thawka malsawmna ropui tak tak dawng pawh tam tak kan awm teuh ngei ang. Rawngbawltu zingah meuh pawh kan eizawnna leh chhungkhura Nun Krista tak tak awm silo a, mi ngaiha fel tak, sawisel kailo mi hi kan awm teuh thei bawk.
Mahse, Isua tellova thatna te, felna te leh dikna te hian chhandamna min pe thei lo. Pa hnen kan thlen theihna kawng awmhhun chu Lal Isua chauh hi a ni si. Pathian Rorelna hmaah thil tha tih sawi tur nei tam tak an la ding ang, nimahsela heng felnaah te hianPathian a lungawi zawh tawh loh avangin leh Isua avang chauha thiam chang tur kan nih avangin “Mi te hmaa mi tan apiang ka Pa van ami hmaah ka tan ve ang” tiin ama kawng chu Thutak kawng awm chhun a ni tih min hrilh a ni.
Lal Isua Kristaa rinna nghattute chu Lalpan a ngaidam avangin Krista ngei chu tu te tan pawh kawng leh thutak leh nunna, Pa hnen kan thlen theihna awmchhun chu a lo ni. Hei ngei hi a ni "Thu tak", Pilat an a hriat chak, a hriat theih si loh chu.
){kind=link}
0 Comments