THIL TIH

THIL TIH

Nitina kan thil tih apiang hi Pathian in min hriatpui thin. Pathian duh anga nitin nun kan hman hi Pathian kan Biakna a ni. Pathian malsawm tlaka hna kan thawh apiang hi kan tawngtaina a ni. Kan thawhrim poh leh kan tawngtai thawm a ring thin.

Pathian duh zawng kan tih apiang hi Pathian kan chawimawina a ni. Midang thatna kan sawina aw ri hi Pathian kan fakna zai ri a ni. Harsa taka sual kan hnawl hram hram te hi Setana Hnehna kan puanna aw ring tak a ni.

Isu min kal pel suh titu te hian kan kalpel fo zawk vangin ring tak takin Biakin a hnehna puang tu te hi Biakin pawnah hnehin kan awm leh thin si a. Ram hruaina leh leh sumdawnna ah Kristian lo"Thim fa te" aiin Keini ringtu "Eng fa te" hi kan thim zawk chang a tam ta hle mai. NUN KRISTA buaipui viau mahila, NUN RISKTAK in nitin kan nung mek lawi si anih hi!

Pathian thu khirh pui pui buaipui chiam chiam lova, Tawngtaina dik tak nena nitina kan thil tih hmanga Pathian fak leh chawimawi mai zawk tur a lo ni e. Kan Bible ah "Mihring fapa hi a vantirhkohte nen, a Pa ropuinaa inthuamin a lokal dawn si a, chumi hunah chuan mitin an thiltih ang zelin a rul theuh vang. (Mat 16:27 ). " tih ziak a ni si a.