Duhthlangin nitin hun kan hmang thin.Kan duh zawng a chuan kan hun leh sum kan seng phal a, tihhlawhtlin dan kan ngaihtuah thin. Kan duh loh zawng anih chuan kan hun leh sum kan seng phal lova, tihhlawhchham dan kan ngaihtuaha, chhuanlam kan siam thin.
Khawvelah hian thil tha leh thalo hrim hrim hi chu a awm teh meuh mai. Hetih lai hian thil tha leh thalo nia kan ngaih tam zawk te hi chu keimahni tana tha leh thalo nia kan hriatna atanga kan teh ani tlangpui.
Kan tana tha tak anga kan ngaih te hi midang tan a lo tha lemlo thei a, kan tana thalo anga kan ngaih te hi midang tan a lo tha viau thei bawk. Mihring te hi a huhova khawsa kan ni a, keimahni tana tha tur chauh nilo, kan zavaia that tlanna tur kan ngaihtuah thiam te hi a pawimawh hle mai.
Mi hausa leh rethei kar zau lutuk te, Kohhran leh kohhran inkar zau lutuk te hi keimahni emaw, kan kohhran thatna tur ringawt kan ngaihtuah vang a ni fo. Kan tana tha tur ni a kan ngaih chauh thil tha teh nan kan hmang nasa lutuk lo ila harsatna engemaw zat hi chu kan pumpelh thei ngei ang.
0 Comments