THIL HRIAT CHIAN

THIL HRIAT CHIAN 

Tum khat chu mipa naupang leh a pu hi relah an chuang a. Mipa naupang chuan rel tukverha a lu dah chhuak meuhvin a hmuh theih a piang chu hmuhnawm ti em em in a thlir a. Naupang chuan "Ka pu chhum leh thingkung tak te hi a va han mawi ve" tiin hmuhnawm ti em em in hlim takin a thlir zel a. A pu chuan hlim takin ngawi rengin naupang chu a lo thlir reng a.

 
An bula thu te chuan naupang chet dan chu mak ti em em in an lo en ve thung a. Nakinah chuan an bula thu te chuan an ning a "Ka pu, he naupang hian dik lohna a nei anih hi doctor hnenah hruai vat rawh" an ti a.
A ni chuan," Doctor hnen atangin kan rawn kir chiah a lawm. Ka tu pa hi pian tirh atanga khua hmu theilo a ni a, vawiinah doctor in a enkawl dam a, khua a hmu thei ve chiah anih hi. Nangni chuan pian tirh atangin khua in hmu thei a, kan chhehvel thil mawi tak tak te hi engahmah in ngai tawh lova, he naupang hi chuan a vawikhat hmuhna ani a, atan chuan a mawi em vek a ni" tiin a chhang a.

Chu thu an hriat chuan thil hre chiang lova thu an sawi chu an zak hle a, ngaihdam an dil hial a. Naupangin khua a hmu thei chu an lawmpui em em bawk a. Naupang hnenah chuan, "Mama, kan chhehvel hi a mawi teh a nia, i duh tawkin thlir kual rawh." an ti a.

MORAL:
Thu dik hre lovin midang chetzia kan hmuh dan atang ringawtin kan ngaihdan kan sawi mai mai tur a nilo. Mi chhiatna lam phei chu sawi a thalo leh zual. Mi chunga ngaihdan diklo kan sawi anih chuan ngaihdam dil thin hi finna a ni.

 
Thu dik hrelova tawng ve chiam chiam ai chuan ngawih mai hi a finthlak zawk em em a ni. Kan ngaihdan kan sawi ve talh duh anih chuan kan sawi hma in thu dik tak hriat kan tum phawt tur a ni.