Smart takin Biakin ah ram hruaitu te leh mipui te inkhawm thin mahila, ruah sur dek dek a kawngpuia tuihawk luang chiam leh diak em em te hian mipui laka sorkar/ contractor rinawm loh zia a tilang. Kan lui tui bawlhhlawh leh nu ziah hian Sorkar laka mipui kan rinawm loh zia a tilang bawk.
Sorkar leh contractor te hian rinawm takin hna thawk thin se chu ruah sur vang ringawtin Kawngpuiah tui hawk a luang lo anga, side drainah a luang mai zawk ang. Tin, Mipui te pawh hian Sorkar thupek zawm in a hmun takah bawlhhlawh paih thin ila chu kan chhehvel lui tui a bawlhhlawh chiamna tur a awm lo.
Democracy ramah chuan Sorkar tha leh rinawm nei tur chuan mipui te hi kan rinawm leh that a pawimawh. Sorkar tha leh rinawm nei thei khawpa mipui kan that a kan rinawm hunah leh party tan chauha tha nilo, kan ram tana tha leh mi rinawm sorkar kan neih hunah chauh tuihawk kawngpuia luang lovin, a luanna tur dik tak side drain ah a luang ang a, kawngpui a diak lo ang. Kan chheh vela kawr a fai anga, kan lui tui a thianghlim reng bawk ang.
0 Comments