Kan hringnun hi Playing Card khelh ang a ni. Card hma lama Color hrang hrang leh chhinchhiahna in anglo tak tak te hian kan vun rawng, talent leh pianze in ang lo tak tak a entir a. Card hnunglam in ang leh vek te si hian Pathian mit hmuhah ang khat vek kan nih leh si zia a entir.
Card siamrem hun leh denchhuahna hun tha kan nei vek ang hian mihring te hian kan nun insiamthatna hun leh kan duh ang kan tih ve theihna hun tha kan nei vek thin.
Card huai leh dawih te hi tu ta bik mah a nilo, a nei huai ten an nei huai bik reng lo a, a nei dawih ten an nei dawih reng bik lo bawk. Hringnunah vanneihna leh vanduaina te, hlimna leh lungngaihna te hi tu ta bik mah ani lo a, vannei leh hlim reng bik emaw, vanduai leh lungngai bik reng bik tur tumah kan awm lo.
Card tha tak pawh nei ila, a hun taka kan den chhuah thiam loh chuan tangkaina a neilo thin ang hian thiamna leh theihna tha tak pawh nei ila, a hun taka kan hman tangkai thiam loh chuan tangkaina a neilo thin.Eng card pawh keng ila, kan remkhawm thiam a, a hun taka paih tur kan paih thiam a, a hun taka lak tur kan lak thiam hi a pawimawh.
Mihring te hian thiamna leh chakna engpawh nei ila, a hun taka kan insiamrem thiam a, a hun taka kan nundan thalo te kan paih thiam a, a hun taka midang atanga thil tha kan nuna kan lak luh thiam hi a pawimawh hle.
0 Comments