(Nun kaihruaitu)
Mupui hian a note te tan bu rinawm tak a chhep a, nuam taka an awm theih nan an bu chunglamah hrui leh hnah nem a dah a. An keu hma atanga an keu hlim chhawn ni engemaw zat chu dimdawi takin a enkawl a, hmelma lakah leh thli leh ruah laka an him theih nan englai pawhin a vil a, chaw nem leh ei nuam tak tak nen a chawm thin.
Khawvelah awlsam taka dam khawchhuah a theilo tih a hria a,an lo than len hnu chuan an hrawk a lo chak theih nan saruh hriam leh sak tak tak te a pe a.. An vun leh thla a lo chak theih nan an taksa dep a hnah nem te chu a paihsak a. Thlawh an thiam theih nan van sanga atangin a thlak a. Huaisen leh hmelma laka inven an thiam theih nan rannung hlauhawm tak tak a nung chungin a pe thin.
Mupui hian a note te hi chaw nem leh ei nuam tak a pe reng lo a, harsatna an tawhin duat takin a enkawl liak liak lova, an duh ang apiang a tihsak lova, mahni inenkawl thei tura an than puitlin theih nan tawrhchhel a zirtir zawk thin.
Hei vang hian an lo puitlin meuh chuan an tuar a chhel a, an huaisen a, an chak a, anmahni an inchawm thei a, hmelma lakah an inveng thiam a, hun khirh tak karah pawh an dam khaw chhuak thei thin.
Mi thenkhat chuan hmangaihna aiah lainatna nen tu leh fa kan enkawl a, tawrhchhel kan zirtir phal lova. Heivang hian engemaw hlekah kan tuar a zuau em em a. Mahni intodelh tumlo, tum pawh nise peih lo tur chiang sa, chhungte thawhchhuah sa ringa khawsa kan pung thur thur anih hi!
Kan rama harsatna tam ber pawh hi a hun laia kan in enkawl dan dik loh vang a ni thin. "Mihring chauhlo chu zirtir an ngailo" tih loh rual pawh a ni lo e. Mupui nun atang hian zir tur kan ngah hle mai.
){kind=link}
0 Comments