Kan hringnunah hian mi chi hnih, NI leh THLA ang kan tawng thin. NI ang mi te hian kan tlin lohna leh fel lohna te fiah takin min hmuh tira, insiam that nan kan hmang thei thin.
Kan hringnun hlawhtlinna kawng min chhun en sak bakah tisa leh thlarau chakna vitamin min pe tu an ni.Thenkhat te erawh chu THLA eng ang mai anni thung. Kan tlin lohna leh fel lohna min hmuh tir khawp in an eng tawk lo. An kiangah chuan fel leh tha angin kan inhmu a, zalen takin kan awm thin.
Tha en a min en a, kan thatna tura min zilh ngailotu te kianga awm hi nuam ti viau mahila, thuawihna, taimakna leh hmasawnna kan nei lemlo.
Inthlahdah leh zalen taka kan awm ngam lohna, tha en a min ringawt lo a, kan thatna tura min zilh fo thin tu te kianga awm hi nuam lo ti thin mahila, thuawihna, taimakna leh hmasawnna kan hmu thung thin.
0 Comments