DUHNA Vs. INNGAIHNA
That leh fel duhna hi nunchang tha leh fel min petu a ni. Tha leh fel a inngaih tlatna erawh hi chu kan sualna leh fel lohna a ni thung.
Beiseina hi phurna leh hlimna min petu a ni. Beisei apiang hmu tura inngaih tlat erawh hi chu beidawnna leh lungngaihna min thlentu a ni thung.
Thiam duhna hi taimakna min petu a ni. Thiam tawh anga in ngaih tlatna erawh hi chu inthlahdahna thlentu a ni thung.
Puitlin duhna hi thu awihna leh ingaihtlawmna min petu a ni a, puitling tawh a in ngaih tlatna erawh hi chu mahni thu duhna leh midang zahlo khawpa chapona thlentu a ni.
Mihring tupawh hian mi hlawhtling, mi tha, mi fel, mi thiam leh mi puitling nih te hi kan duh vek bakah hetianga min faktu te bula awm hi nuam kan ti thin. Mi hlawhchham, mi sual, mi fello, mi mawl leh mi puitlinglo nih tumahin kan duh loh bakah hetiang a min sawitu te bula awm hi nuam kan ti ngailo.
Eng mi pawh ni ila, mi hlawhtling, mi tha, mi fel, mi thiam leh mi puitling nih reng hi a theih loh. Mi hlawhchham, mi sual, mi fello, mi mawl leh mi puitlinglo nih bik reng pawh a theih bawk hek lo. Nitin hian mi hlawhtling, mi tha, mi fel, mi thiam leh mi puitling nih tuma theih tawpa tanlak zel hi atul thin zawk a lo ni.
0 Comments