DARTHLALANG

 DARTHLALANG

Darthlalang hian kan taksa put hmang dik tak min hmuh tir a. Hlim taka kan nuih lai hi kan lan that lai ber a ni bawk. Lungawi lova kan awm chuan Darthlalang keh a in en ang kan ni a, kan nihna dik tak kan hmu thei ngailo ang.

Dam chhung tawite ah hian Vuina leh lungawi lohna lam zawng lovin, Hlimna leh lawmna tur zawng zawk zel ila "Zawng rawh u, ti chuan in hmu ang" ti tu Pathian chuan lungawina min pe ang. Darthlalangah kan thatna lai ber kan inhmu anga, kan hlim mai dawn a ni.

Rinawmna hi kan rilru put hmang miten an hmuh theihna Darthlalang a ni thung. Kan rinawm loh a, rin kan hlawh tawh loh chuan Darthlalang keh a in en ang a ni. Tha leh dik inti viau mahila, tuman min hmu dik thei tawh ngailo vang. Mite rintlakin rinawm ila, mite darthlalangah kan lang tha mai dawn a lo ni,

Soft copy a lan that duha, in edit chiam chiam lovin, hringnun Darthlalang dik takah hian Hlim hmel leh rinawmna hmangin lan that tum zawk ila. Eng mi pawh ni ila, mahni kan inhmuh that a, miten kan thatna lai an hmuh bawk chuan a tawk viau a ni.