CHESS -NUN HRUAITU
Khawvel hi Chess Game ang mai a lo ni e. Keini mihring te hi Chess lung (pieces) ang kan ni. Chess lung te chet kual theih dan leh thil tih theih dan a in ang vek lo. Keini mihring te pawh hi kan duh dan leh thiamna in ang vek lo.
Chess lung zinga thil tih theihna nei tlem ber "pawn" pawh hi hman tangkai thiam a, a awmna tur dik taka dah chuan hnehna min thlentu a ni thei. Hetiang bawk hian mi chaklo leh thiamna nei tlem tak te pawh hi chhawr tangkai thiam phawt chuan hlawhtlinna thlentu an ni thei.
Chutiang bawkin Chess lung zinga thil ti thei ber "Queen " pawh hi hman tangkai thiam loh chuan engmah a ti thei chuanglo. Ni e, mi chak leh fing tak tak te pawh hi hman tangkai thiam miau loh chuan engmah an ni chuanglo e.
Chess game a hnehna chang tur chuan ngaihtuahna ringawt a tawk lo a, chet chhuah a tul. Hringnuna hlawhtlinna nei tur chuan sawi ringawt a tawklo, hnathawh a tul. Chess lung te hi an in mamawh tawn vek a, an tanrual chuan thil tithei ber "Queen" meuh pawh hi thil titheilo ber "pawn" in a venghim thei. An tanrual loh erawh chuan a tihlum hial thei bawk.
Mihring te kan inmamawh tawn veka. Mipui leh roreltute kan tanrual chuan ram hruaitu te hi mipuiin kan hum him thei a, tanrual loh erawh chuan kan paihthla hial thei bawk.
Ches Game khelh lai chuan ngaihtuahna fim tak nen chet zel dan tur ulutk taka ruahman a ngai ang hian hlawhtling tur chuan kan tih tur uluk taka kan ruahman a tul.
Chess lung thil ti theihna inthlau tak tak te hi game khelh zawh chuan bawm(box) te tak te ah an khung thin. Mihring thiamna leh hausakna inthlau tak tak te pawh hi kan boral hnu chuan thlan khur te tak te ah phum kan la ni ang.
0 Comments