ANNA MANI ( Weather forecast khawl siamchhuaktu)

Anna Mani hi India hmeichhe scientist hmasa ber a ni. Khaw awmdan hrilhlawkna (accurate weather forecasts) chungchang hmuchhuaktu a ni a, weather woman of India tih hiala koh a ni. Anna Mani 104th birth anniversary lawm nan India Google chuan 23 August 2022 hian special Doodle ah an rawn tarlang bawk.

Anna Mani hi 23 August 1918 khan Peermade, Kerala ah a pianga. A hming pum hi Anna Modayil Mani a ni. Syrian Christian chhungkua atanga rawn piang a ni a, a pa hi civil engineer a ni.An khua ah hian Public Library tha tak Malayalama leh English a ziak a awm a, kum 8 lek anih laiin Malayalama tawnga ziah lehkhabu zawng zawng a chhiar chhuak vek a, kum 12 anih in English a ziah lehkhabu zawng zawng a chhiar chhuak vek bawk. Kum 8 birthday lawmna present atan diamond a siam bengbeh leh ngun mawi tak pek an tum a a duhlo. Mak tak maiin in cheina mai mai ai chuan lehkhabu tha Encyclopædia Britannica lehkhabu a duh zawk thu a sawi.

1939 ah Pachaiyappas College Chennai tangin B.Sc Honors degree physics leh chemistry a zo.1945 ah Imperial College, London atangin specialising in meteorological instruments a zo. A tum ber chu India tan a weather instruments siamchhuah a ni. weather instruments atan hian drawing hrang hrang 100 dawn lai a ziak a.1957-58 khan Solar radiation tehna khawl hmun hrang hrangah a din a, a thlunzawm vek bawk Bangalore ah wind speed leh solar energy tehna workshop a din bawk.Hei bakah Ozone tehna khawl a siam bawk.Thumba rocket launching facility hmunah Meteorological observatory leh instrumentation tower a din bawk.

Lehkhabu pathum a ziak bawk. chung te chu :
1992. Wind Energy Resource Survey in India
1981. Solar Radiation over India
1980. The Handbook for Solar Radiation data for India

International Ozone Association member a nih bakah ,Indian National Science Academy, American Meteorological Society, International Solar Energy Society, World Meteorological Organisation (WMO), the International Association for Meteorology and Atmospheric Physics, etc.ah te a tel bawk.1987 khan chawimawina sang INSA K. R. Ramanathan Medal a dawng nghe nghe. Pasal nei lovin a hnathawhna ah a hun a hmang ral vek a ni

1969 ah Delhi ah Deputy Director General hna a thawk a, 1975 khan Egyp ah World Meteorological Organization consultant hna a thawk.1976 ah Indian Meteorological department ah Deputy director general niin a pension ta a ni.16 August 2001 khan Thiruvananthapuram, Kerala ah kum 82 mi niin a boral