VPN (virtual private network)

VPN (virtual private network)

VPN hi midang tihbuai theih loh tura him taka internet leh intranet websites kan connect theihna a ni. VPN tello chuan Internet kan hman hian direct in server kan connect mai thin a, keimahni leh server inkara data a kalkual laiin cyber criminal ten an lo hmuh theih dan leh an khawih chingpen theih dan a awm thin. Heivang hian a him lo em em a ni. VPN nena internet kan connect erawh chuan server a connect hma in VPN Server (Tunnelling protocol) a connect phawt a, kan IP address leh information pawimawh dang te midang hmuh theih loh turin a thukru thin. Security leh privacy tha tak kan neih theih phah a ni.

VPN kaihhnawih tawngkam langsar zual te:
1. Encryption: Data thawnkual anih laia midang chhiar theih loh tur leh dawngtu tur chauh ten an chhiar theih tura data siam danglamna a ni.
2. IP address: Network leh Internet thlunzawmtu hmanraw hrang hrang address a ni.
3. IP count: IP Provider ten IP Address an pek theih zat
4. IPSec: Internet Protocol Security a ni.Data venhimg tura VPN inkaihhruaina dan hrang hrang a huam
5. ISP: Internet kan connection min petu Internet service provider a ni.
6. VPN Proxy: Internet kan connect laia midang hmuh theih lohna tura kan IP Address min thuhruk saktu a ni. Proxy server pangngai nen a in anglo
7. VPN client: Hei hi Awlsam leh rang taka VPN kan connect theihna tura software an siam hi a ni. Kan computer/ Smartphone ah install sa in a ni thin.

VPN Protocols
IP Security( IPSec) : Hei hian midang chhiar theih loh turin kan data a encrypt vek thin.
Secure sockets layer (SSL). Hei hian internet server kan connect hma in a him leh him loh min check sak vek a, n a connect hmasa phawt a, a him ani tih finfiah hnuah chauh min connect tir thin.
Transport layer security (TLS). Hei pawh hian SSL ang thovin kan connect duh server him leh him loh min check sak
Point-to-point tunneling protocol (PPTP). Hei hian data encryption hmang lovin server leh keimahni inkara data kalkual zawng zawng midang hmuh theih loh turin min venhim sak.

VPN hmanna langsar zual te
Hacker laka data venhim nan data encrypt tu a ni.
Internet service provider companies leh website ten kan data pawimawh an hmuh theih lohna tur leh an hman khawloh theih loh nan
Wi-Fi network a data venhim nan
Ram hran a mi (foreign) server hman anih in
Online shopping leh onlin payment a kan him nan

VPN Connect dan :
VPN connect tur hian VPN servers a ngai a, a tih dan chi hnih a awm:
1.Third-party VPN provider :
2.Custom VPN:

Hemi pahnih hmanga VPN kan connect hnuah VPN settings ah VPN server's information arawn lang ang. Tichuan, Smartphone leh Computer te hi device's taskbar, menu bar, notification center ah VPN icon a rawn lang ang.

1.Third-party VPN provider :
Hei hi VPN kan connect dan langsar ber a ni. VPN provider company tam tak an awm a, monthly emaw, annual subscriptions tih theih a ni. Ram chhung bik tan a siam a awm a, A then chuan khawvel hmun hrang hrangah server an dah thin. Smartphone leh computer operating systems a VPN provider kan hman langsar zual te:
Atlas VPN
ExpressVPN
NordVPN
PureVPN
Surfshark
WireGuard

2.Custom VPN:
Computer server thenkhatah VPN Server connect theihna VPN-enabled routers a awm a, hei hi lei mai theih a ni. Tin, Windows/ macOS computer te hi VPN server atan an configure thin. A tul angin A then chuan Amazon Web Services atang te in cloud servers an hawh bawk.

VPN hmanna pung chho zel:

VPN chuan Internet server leh keimahni inkara data kal kual zawng zawng hi midang khawih theih loh turin encryption hmangin min venhim sak thin. Company a thawk ten an awmna hmun atanga company server a data an download leh upload apiang hian VPN an hmang thin. Internet hmangtu kan pung chho zel a, tunlaiah chuan Internet connect theihna hmanrua computers leh smartphones ah te hian VPN hi a awmsa deuh vek tawh a. Company mai bakah mimal pawhin internet kan connect nan VPN hi kan hmang deuh vek tawh. Tunlaiah chuan Internet connect theihna hmanrua computers leh smartphones ah te hian VPN hi a awmsa deuh vek tawh a.

 
VPN hian min venghim vek em?
VPN hian Advertisement pop up leh cookies hrang hrang lakah min venghim vek lo.Virus awmna emaw, inbumna fake website te kan click chuan harsatna kan tawk thei vek tho mai. He ibakah VPN provider te hian internet website kan tlawhna hnuhma (browsing history) a record vek tho a, VPN service rintlak kan hman loh chuan a himlo hle a ni. VPN rintlak tak kan hman a pawimawh.