-Er. Chhungpuia Renthlei
Web hi World Wide Web (WWW) tiin an sawi bawk thin. Internet server a information (Text, Image, Audio/Video) chi hrang hrang Computer leh smartphone browser hmanga kan lo hmuh ve theihna tura Software Application a ni.
Internet a information chi hrang hrang te hi Hypertext Language (HTML) hmanga lehkhabu phek anga dah a ni a, hei hi Webpage an vuah. Web page te hian address hran an nei vek a, hei hi Uniform Resource Locator (URL) an ti. Tin, webpage te hi a siamtu ten hmun khatah an dahkhawm leh a, hei hi Website an ti.
Website chhunga phek(page) zawng zawng te hi an thlunzawm vek bawk a, hei hi Hyperlink an ti. Web chhunga information te hi Hypertext Transfer Protocol (HTTP) hmanga thawnchhuah a ni. Lehkhabu phek kan chilh khawm a, Book Cover title kan siam ang hian hming (Address) an pe leh a, hei hi Website URL kan tih hi a ni.
Web te hian siamchhan leh huam bik an nei vek a, hei hi domain an ti. Domain hi web address tawpah an dah thin. commercial anih chuan (.com), sorkar anih chuan (.gov), Oragnisation anih chuan (.org), India ram chhung a mi anih chuan (.in) e.t.c Kan duh lai lai kan en ve theih nan awmze nei taka remkhawm ani a, hei hi Web Address an ti .Web address ah hian web thawnchhuah dan (Protocol), Web huam chhung( domain), Web dahkhawmna luhkawng (Path) ziah lan vek a ni.
Web address =Protocol//: www. Website hming / path/ webpage/ domain
Web domain hian hming a nei a, hei hi domain name an ti. Website luh dawn a website hming kan type luh te hi web domain name a ni. Entir nan : vanglaini.org/ gmail.com, Facebook.com .e.t.c . Entirnan:Vanglaini Website Address chu https://www.vanglaini.org/ a ni
https:// hi vanglaini Web protocol a ni. www hian vanglaini website hi internet chhunga awm a ni tih leh khawi hmun atang pawha visit theih tih a entir. vanglaini hi Website hming a ni. org hi domain hming a ni.
vanglaini.org chhungah hian web page/ document tam tak a awm thei. e.g Website chhunga Article Webpage URL chu https://www.vanglaini.org/article/68860 a ni. Web page tam lam hi a in ang vek lo. Register dan azir leh website siamtu te siam dan a zirah a in nghat
Website te hi duh duh hming a pek ngawt theih loh. Internet service provider hnenah domain lei a ngai thin. Vanglaini chanchin bu pawh hi vanglaini.org domain hnuaia man chawi a register ani a, internet ah a hming ang chiah (duplicate) a awm thei lo. Marh 21, 2022 thleng khan khawvel pumpuiah 1.93 billion websites register a ni. Tichuan, keini in Web Browser an tih mai Internet Explorer, Google Chrome or Mozilla Firefox e.t.c hmangin Computer leh Smartphone atangin kan duh duh kan lo en ve thei thin.
0 Comments