THREE WISE MONKEYS EMOJI

THREE WISE MONKEYS EMOJI

(Zawngte fing pathum ()

-Er.Chhungpuia  Renthlei

 

Fiamthu thawhna atana kan hman lar tak heng zawngte pathum hi ilo ngaihtuah chiang em? Social media emoji sang tam tak zinga awmze nei ril ber, sakhaw puithiam leh ram hruaitu ropui te nun kaihruaitu a lo ni reng mai. emoji chanchin ngaihnawm tak nei hi uluk takin han chhiar zel teh le.

 Zawngte fing pathum te chu:

See no evilKut pahniha mit hup tlat hi a hming chu Mizaru a ni.

Speak no evilKut pahniha ka hup tlat hi a hming chu Iwazaru a ni.

Hear no evil Kut pahniha beng hup tlat hi a hming chu Kikazaru ani.

 

ENGE A ENTIR?

Heng zawngte fing pathum entir ber chu thil thalo laka mit, ka leh beng ven uluk a tulzia thu a ni. Midang dik lohna hmuh theih lutuk te,an chanchin mawilo hriat tum phet te leh inrel chiam chiam te hi thil thalo ani tih a tarlang.

 

ENGVANGA ZAWNGTE LEM KHER?

Tendai Buddhism leh Shinto sakhua ah hian Zawngte (Monkey) hi mihring te hnena thuchah kengtu (Messenger) ah an rin avangin sakhaw thilah dinhmun thuk tak an luah.Tunhma chuan Year of the Monkey an hmang thin.Heivang hian, ngaihtuahna sual laka ka, mit leh beng ven uluk atul zia entirnana zawngte lem kher an hmang.

 

CHHUI ZAUNA

 SAKHUANA LAMAH

Heng zawngte lem tobul tak hi hriat chian nilo mahse, hmanlai China rama sakhaw pakhat Taoism ten (2-4) BC hunlaia an inkaihhruaina pakhat ani . Awlsam taka hriat theih turin Japan ramah Kum zabi 17 khan Japan Endai Buddhist puithiam Hidari Jingoro chuan zawngte lem hmangin kawngk apui ah a ziak niin an sawi.

 Three wise monkeys thuchah ang hi Bible ah Isua pawh khan ringtu te fuih nan a sawi uar hle. _Mahni mita khanchhuk awm chu hmu si lovin, i unau hnênah.... (Luka 6:42) tih leh Sawisel suh u, sawisela in awm loh nan. (Matthaia 7:1-2) Keini ringtu te tan pawh nun hruaitu pawimawh tak a lo ni reng mai.

INDIA RAMAH

India hnampa Mahatma Gandhi meuh pawh khan a takin alo nunpui thin.Gandhi's Three Monkeys an tih mai, zawngte pathum Bapu, Ketan leh Bandar lim te hi Ahmedabad, Gujarat ah an siam.Vawin thlengin Sakhuana piah lamah hnam hrang hrangte chuan nundan tha (Etiquette) inzirtir nan an hmang uar hle.

 

WESTERN RAMAH

Western mite ve thung chuan See no good, Speak no good, Hear no good an ti. Kan nitin nunah leh Social media ah kan zawm theih loh tur thu tha tak tak sawi tamlo tur te, ngaithla hnemlo tur te leh hmu hnem lutuk lo tura kan mit, beng leh ka te kan venhim a tulzia entir nan an hmang thung.

 SOCIAL MEDIA INDUSTRY AH

Social media industry te chuan mit, beng leh ka te ven that a tulzia an hria a, Ka mit, beng leh hmui ka hup tlat e. Engmah ka ngaithla duh lo, ka hmu duh lo, ka sawi duh lo tih entirna turin three wise monkeys hi kum 2010 khan msg Unicode ah an telh a, kum 2015 ah Emoji puitling ah an siam.

 CONCLUSION

 Fiamthu ho mai mai ngai thu tak tlat leh thu tak fiamthu a chantir leh tlat si thintu keini zoramah ve thung chuan thuchah tha tak nei Three wise monkeys emoji hmaihup chungafiamthu sawina emaw ti awm fahrana kan hmang daih si te hi Social media khawvela kan pawnlan dan a ril vang nge? kan ril dan a pawnlan vang zawk ni le?

"Ka mit hmuh leh ka beng hriat ten sual lamah min hip mahse, Ka Lalpa kraws vuan chung zelin hnehna chu ka chang zel ang" ti thei theuh turin keini ringtu te hian social media ah leh kan nitin nunah keimahni tan leh midang tana thil thalo kan tih lohna tur leh kan inven nan Three wise monkeys  emoji thuchah hi vuan tlat ila a va duhawm em!