Kristmas hla hit em em, Feliz Navidad tih hla phuahtu leh sa hmasa ber tu chu Puerto Rican mitdel zaithiam leh hlaphuah thiam ni bawk Jose Feliciano a ni. He hla hi Kum 1970 a Los Angeles a awmlaiin a chhungte New york a awm mek te tana a phuah a ni.
A tirah chuan a hla thu hi Spanish tawng vek a ni. A hla thu hi a tawi hle a, Feliz Navidad, próspero año y felicidad tih chauh hi a ni. A awmzia chu "Merry Christmas, prosperous year and happiness" tihna a ni. Spanish hoten Krismas leh Kumthar duhsakna inhlanna hla a ni.
Feliz = happy
Navidad =Christmas
prospero ano y =to prosper and
felicidad=happiness
A tirah chuan Spanish tawng chauhvin a phuah a, a hnuah “ I want to wish you a merry Christmas From the bottom of my heart " tih thu hi a phuahbelh leh a, English Radio lehTelevision a an han tihchhuah meuh chuan a rin phak bakin khawvel pumah a lar ta a ni ber mai.
Krismas hla dang ang bawkin khawvel zaithiam lar tak tak ten an sa a. Kum 1981 khan Boney M Christmas Album 1981 a an record phei chu a phuahtu sak ai mahin keini mizo te chuan kan hre lar ber zawk anih hi!
Zaithiam leh hlaphuah thiam ni bawk, Jose Feliciano hi September 8,1945 khan Puerto Rican ah a piang a. Vanduai thlak takin a pian tirh atangin mit lam natna "congenital glaucoma"anei a mitdel sa in a piang. Midel schoolah a kala, mitdel ziak leh chhiar a zir a. New York's Greenwich Village ah tingtang perh dan danglam tak nen music lamah bul atana. Kum 17 anihin kum music lama eizawng turin sikul a chawlsan. Kum1960 chho vel khan US ah a lar hle.
August 1971 nula hmeltha leh fel tak Susan Omillian nen an in tawnga, kum 11 teh meuh an inzui hnuah kum1982 khan an innei. Fapa pahnih Jonathan & Michael leh fanu pakhat Melissa an nei. Chhungkua a music play hi nuam a ti hle a, band an din hial bawk. Kum 2014 April 18 Thursday, zing 4:13 khan car accident ah kum 78 mi niin a boral.
A boral thu hian reilo te chhungin Puerto Rico ram a fan chhuak nghala, an ram lalber Governor chuan ni thum lai ram puma vuina program hman anih tur thu a puang bawk. Driver tha hnem tak ten motor headlight chhi in an sun bawk. Sawi tur tam tak a awm, duh tawk phawt teh ang.
Feliz navidad, prospero ano y felicidad
I want to wish you a merry ChristmasFrom the bottom of my heart!
0 Comments