Tun tum chu Survival instincts lamah ke zungpui hawitir thung teh ang. Survival awmzia chu harsatna karah pawh dam khawchhuah theihna leh inthlahchhawn zel theihna hi a ni. Instincts chu Pianpui finna, inzirtîr ngailova thil hriattheihna hi a ni tiin kan thupui han kick off phawt the ang aw!
Tichuan, Survival instincts chu harsatna karah pawh kan dam khawchhuah theihna leh kan inthlah chhawn zeltheih nana Pathianin pianpuifinna min pek hi a ni. Pathian remruat hi a fing khawp a, thil nung tin reng te hi survival Instincts tha tak min pe veka. Tuma zirtir lohva sava ten bu an chhep thiam te leh ran pianghlim ten hnute an hne nghal ringawt te pawh hi a mak zawng a thlir duh tan chuan mak tak a ni ngei ang. Nunna nei hrim hrim te hian Survival instincts thuhmun kan neivek a, chu chu a rei thei ang ber dam khawchhuah leh chi inthlahchhawn zel hi a ni.
Human instincts hian hma a sawn chho zela, ngaihtuahna fingtaktak a rawn piang a. Dam khawchhuahna atan inkaihhruaina dan te, policy thar te a rawn chhuakzel a. Information technology lamah pawh hma kan sawn zel a, hman a mi te hriat loh hmanraw changkang tak tak kan hmang a. Medical lamah nise nasa takin hma kan sawn a, tunhmaa an thih pui ngei ngei ang te pawh tunahchuan kan thih pui ta lo. Hetihlaihian, khawvela nunna neite tana hlauhawm tak tak nitin apiang ve mekzela, tunah pawh COVID -19 avangin khawvel nun phung a buaia, harsatna namenlo kan tawk mek anih hi.
Digital Age a cheng keini nunphung leh min thlahtu hma khawsanga kan pi leh pute nunphung hi a danglam viau tawh mai. Mahse, harsatna hrang hrang kara dam khawchhuak tur leh inthlah pun zel duhna kan Survival instincts erawh a danglam chuang hauh lo. Kan harsatna te, mamawh leh hmaruate a dang a ni mai zawk. Kan pi pute kha an lo finghle mai, tanrual hi dam khawchhuah nan atul tih an hria a, khawtlang an tangrual a. aia upa an zahthiam a, tlawmngaihna an ngai pawimawh hle bawk. Hengte hi vawiin thlengin a YMA em em a, a Kristian em em bawk. Chhawm nun zel hi kan tih mak mawh a ni.
Mihringte hi mahni chauh a dam khawchhuakthei kan nih loh avangin mimal chauh nilo, a huho(family) a chen ho survival basic instincts a tum ber a ni .Chhungkaw tan Puitling te nitin kan feh chhuak a, naupangte pawh an tih theih tawkengemaw tal an tih ve a tul thin. Khawvela nunna nei tawh phawt chuan keimahni survival instincts atan kan hun pumpui kan hmangral thin. A bik takin mihringte hi a huhova khawsa chi leh in mamawh tawn vekkan nih avangin kan chenpui chhungkua leh khawtlang thatna ngaihtuah hi survival instincts innghahna pawimawh ber a ni.
Mahni tana thahnemngai taka thawh a tul viau lai hian "Kan mihring puite vang chauha nungvek kan ni" tih erawh kan hriat a pawimawhhle. Kan chenpui, á¹henawm khawvengte an hlima an thlamuan chuan khawtlang a nuam a, keini pawh kan hlim a, kan thla a muang ve thin chauh a lo ni. Midangte an hlim loh chuan mahn ichauhin a hlim theih bikloh a, midangte thlamuantu lehtihlimtu nun chu a hlim nge nge á¹hin. Kan dam khawchhuah theihna tura taima taka thil tih hi Pathian duhzawng pawh a ni ngei ang. Midang dam khawchhuah theihna tichhezawnga thil tih erawh Pathian huatzawng tak a ni thung. Mahni dam khawchhuahna chauh ngaihtuah lova kan chhia leh tha hriatna kan hman thiam a tul tak zet.
Nitina kan hun neihte hi keimahni tan leh midang tana tangkai thei ang ber ahmang tura sem zaithiam hi a tul thin. Khawtlang le hmimal tana tul huna hunp e thin te hi mi tlawmngai, bengvar leh taima an ni fo. Eng mi pawh ni ila, kan phur zawng leh ngaih pawimawhna aia atulna avang zawka keimahni tan mai bakah midang tana hun sem zai thiam hi kan dam khawchhuah theihna atan a pawimawh ber te zing ami a ni.
Khawvelah hian a chakleh huaisen ber ber te aiin mahni hun tawn mek nena insiamrem thei apiang an dam khawchhuak thins i a. Harsatna karah pawh kan dam khawchhuah theihna atana chhia leh tha hriatna min petu Pathian duh zawnga awm leh kan awmna hmun apianga kan chunga thuneitu ten inkhaihhruaina an siam te hi thuawih taka zawm mai hi survival instincts tum ber damreina leh malsawmna a ni. Pathianin Survival instincts ropui tak min pek hi Pathian tihna thinlung rinawmna leh thahnemn gaihna nen hmang thiam ila, mimal chhungkua leh rampumah hmasawnna leh hlawhtlinna ropui tak min thlen ngei ang.
0 Comments