ATM CARD HMANGA SBI INTERNET BANKING REGISTRATION TIH DAN

ATM Card hmanga SBI Internet Banking neih dan (Office kal kher lo in) Thenkhat chuan kan hre tawh nachungin, a hrelo leh mamawh te tan han tarlang leh lawk ang aw.

www.onlinesbi.com ah lut la, personal banking tih hnuaia New User Registration ah click rawh. Heng a hnuai mi te hi i type lut dawn nia. Page hi a expire ve zung zung a vangin hengte hi nei lawk/ziak lawk vek la, a awlsam phah hle ang. ATM card in chhawp sa bawk la

a. Account Number
b. CIF Number
c. Branch Code
d. Country
e. Registered Mobile no
d. Facility Required ah Full Transaction Right
 
Heng fill up zawh hian submit-ah hmet leh la, Registered Mobile  No ah  OTP alo thleng anga, Type luhna turah Type lut la, Confirmed ah hmet rawh.

Phek thar a lo lang leh ang. Hetah hian duhthlan tur pahnih a awm a. OPTION 1 hi i thlang dawn nia, hetah hian ATM Card details i chhu lut dawn nia. Submit zawh ah Pay i hmet leh dawn nia. 

Temporary user (e.g 68745612) a lo lang ang a, a hnuai ah i Login Password tur chhu lut rawh le (Login Password sei zawng hi 8 atranga 20 a ni tur a nia, tin,password hi digit, alphabet leh special character pawlh bawk tur). Submit button i hmeh hnu ah sucessful message a lo lang ang.

Temporary User ID leh Login Password hmangin www.onlinesbi.com a Personal Banking tih ah i login tawh mai dawn nia. Hetah hian UserID i thlak leh ang. Profile Password siamna tur lo lang ah Profile Password i siam leh dawn nia. Tichuan, i siam zo ta. Uluk takin Usewr ID leh password hi vawng la, kum khatah vawi thum tal thlak ang che.