-Er. Chhungpuia Renthlei
(Updated on 6/6/2019)
Tukin khan bike leh bus an in su a...
Tun mai khan Civil hospitalah a boral...
Nichin lawk khan Sumo a chesualah ..
Naktuk atangin road block dawn…
WhatsApp group hrang hrangah hetiang hi kan dawng hnem thin hle mai. A bengvarthlak hle rualin network chian loh vang te, kan dawn hun leh chhiar hun a in an loh vang te leh forward chhawn atam thin avangin chhiartu te min tih hun leh ni chiang taka tarlan anih loh chuan min tichi ai thin hle bawk.
WhatsApp Breaking news leh information post & forward chungchanga hriat tur pawimawh tlem han tarlang lawk ila. Time system sawi dan hi chi thum a awm.
1. Reference Time System: Date & Time tarlang kher lova sawina. Entirna: Tun mai khan, Nichin mai khan, Naktuk atangin e.t.c
2.Absolute Time System : Date & time tarlanna.Entirna: Date :6/6/2019 dar 10:30 AM khan..
3.Reference & Absolute combined Time System: Reference leh Absolute inkawp.
Entirna: Tun mai (dar 10:30 AM).khan, Zanin (Date :6/6/2019) hian
Whatsapp ah hian hun leh ni tello (Reference Time System) a Breaking news post kan uar hle. A hlim chhawna tawngkam emaw, Phone call a dawngtu tan chuan buaina a awmlo mahse, WhatsApp group hrang hranga forward anih meuh chuan a darh zau tual tual a, Tun mai khan, Ni chin lawk khan kan tih te kha darkar 3 hnuah te kan dawng a, Tukin, Vawin & zanin hian tih te kha atuk ah te kan dawng a. A chianglo tulh tulh a, a tawpah phei chuan information dik lo leh rintlak lohah a chang thin.
Heivang hian chiang zawka breaking news leh information pawimawh te WhatsApp kan post hian Reference & Absolute combined Time System hmangin chiang takin a hun leh ni nen tarlang zel ang u. Tukin ( 5:00 AM) khan bike leh bus an in su.Nichin lawk (11:30 AM) khan, Tun mai (4:45 PM) khan, Naktuk (5/6/19) atangin e.tc han tih te hi chu a chiang a, rintlak bawk thin.
Post hmasa nih duh vang a chhiar chiang manglova forward nghal ngawt te hi ching lo ila. Uluk takin chhiar ila,a theih chen chenah kan thulakna; mimal, chanchinbu, social media group leh website adress te tarlang bawk ila a tha. Awle, Social media ah Breaking news leh information belhchian dawl tak chauh kan thehdard theih date & time lamah fimkhur tlang ang u.
0 Comments