CHHUNGPUIA RENTHLEI

Roles of  Social Networking in e-Governance

2 DAYS  TRAINING / WORKSHOP  ON AWARENESS CREATION IN E- GOVERNANCE AT CHA

Presented by Er. Chhungpuia Renthlei,  NIELIT Aizawl

 

SOCIAL NETWORK  HI ENGE NI ?

Social network chu Internet  leh mobile  hmanga   Social network websites kaltlanga khawvel hmun hrang hrang a miten  hmun leh hmun a  awm ho ang maia  thian hrang hrang kan insiam theihna, kan inkawm khawmna, chanchinthar, thu leh hla, Advertisement, document pawimawh, thlalak, video, invitation Card e.tc   kan inthawnna   te  hi a ni.

SOCIAL NETWORK WEBSITE HI ENGE NI ?

Social network  website  chu Social networking tan bik liau liauva siam website te hi an ni. facebook hi  Social network website  lar ber  a ni a, Social network dang te chu MySpace, Google,  Orkuts, twitter, Linkedin, yahoo e.t.c te an ni. Social network  websites te hi  tangkai zawka hman anih theih nan  sorkar pawhin ngai pawimawh hle tawh a ni.Social network website hmanna hlawm lian deuh te:

1. Thian insiamna leh inkawmkhawmna.
2. Thlalak phochhuahna
3. Political  discussion
4. Education & hnazawnna
5. Sorkar  thil pawimawh buaipuina  

E- GOVERNANCE  ATANA SOCIAL NETWORK  TANGKAINA  LANGSAR ZUAL TE

1. Sorkar leh mipui  thlunzawmtu :

Sorkar leh mipui mai bakah sorkar  leh  sorkar hna peng hrang hrang thawktu te hnenah  inbiak pawh tawnna kawngka zau tak a hawng  thei a ni. Inkaihhruina dan fel tak hnuaiah Sorkar  hmalakna hrang hrang leh  mipuite hriat atana pawimawh  ziahna documents hrang hrang awlsam takin mipui ten kan en theih phah dawn bawk a ni.Hlawk zawk leh  awlsam zawka sorkarin hna a thawh theih nan social network hian sorkar chu mipui te hnenah a pawt hnai anga, sorkar dawr tura mipui te va kal tawh lovin kan  hnenah sorkar a rawn kal tawh zawk dawn a ni.

2. Political Issues

Political  party manifesto zirchianna leh  mipui hnena puanzarna atan  social network hi a tangkai zual zel dawn a ni. Ramchangkangah chuan Social network hmang hian  Cyber Arena ( internet kaltlanga inchaltauhna hmun )  an  siama, Election campaign na hmun pawimawh takah sorkarin a hmang thin.

3. e-Participation:

e participation hi e governance thil tum pawimawh tak a ni. network tangkaina  pawimawh tak zing a mi a ni. A hmuna kal kher lova kan telve theihna tura internet  kaltlanga  sorkar, NGO  leh   Sumdawnna lam a meeting  leh thupawimawh sawikhawmna  a kan telve na hi a ni . Keini pawh hian  kan duh phawt chuan kan siam thei a, nakin lawkah chuan  sorkar department leh political party ten kaihruaina mumal tak nen Cyber arena hi kan la siam ngei a rinawm. 

4.Social Platform & citizen Interconnectivity

Social network  hmang hian   kan inkawm khawm thei a, thu pawimawh leh ti ti hrang  hrang  kan sawi ho thei. Mahni awmna hmunah  hmun leh hmuna inkawm khawm ang maia platform min siam sak theih avang hian  social network   hi khua leh tui  min thlunzawmtu leh  min phuar khawmtu pawimawh tak a ni.

2. e- Education

 Social networking  hmangin zirlai ten Group an siam thei a, zirlai  leh zirtirtu te nen  zirlai subject hrang hrang an sawi ho thei a ni.Tin, zirtirtu tello pawhin zirlai ten Assignment, Homework leh  zirlai kaihhnawih pawimawh hrang hrang an sawi khawm thei bawk.

5. Information delivery Outlets

Sorkar in leh mipui kan indawr tawn theihna atan leh Mipui te hriat tur atana sorkar in a duh  social network hmangin kan pho chhuak thei.Social network  hmang hian  pawl hrang hrang Kohhran, YMA, political party, Zirlai, sorkar hnathawk, sumdawng etc tan hian group  awmze nei tak kan siam thei. Pawl hmalakna, committee kohna, agenda, finance report  leh meeting minute hrang hrang kan tarlang thei. Sorkar leh Pawl hmalak mekna leh hmachhawp te uar takin kan tarlang thei bawk.

6. e-Advertisement

Sorkar leh mimal sumdawngtu ten Advertisement phochhuah na atan  social network hi an tangkai hle mai bawk.

7. E Clinic:

Social network kaltlang hian a hmun khera kal ngai lovin doctor kan rawn thei a, doctor rawn hun, leh rawn hun rei zawng  mumal tak bithliahin  awlsam zawk leh sum seng tlem zawkin damdawi kan kai thei a ni. Kan natna engkim kichang takin kan sawi thei a, doctor ten an hunawlah uluk takin a lo zir chiang thei bawk ang. 

SOCIAL NETWORK CHUNGCHANGA  SORKAR LEH MIPUI TE MAWHPHURHNA

Sorkar tha chuan  mipui te nena kan indawrna hmanrua a thlan fel hma hian  mipui te leh sorkar tan a tha ber tur a ngaihtuah hmasa thin tur a ni.  Social media  hi mipui te huapzo tur anih avangin sorkar tha chuan mipui te tan Social media policy  uluk takin a duang tur a ni.  Democracy  kan nih miau avangin social media kaltlanga sorkar a kan lungawilohna te, sorkar hmalakna kawng hrang hranga kan duhkhawp lohna te  mipui ten kan sawi thei .

 Khua leh tui tha kan nihna hre rengin sorkar  kan dawrnaah  mipui ten tawngkam lamah kan fimkhur tlan a tul hle bawk. Hetih rual hian  sorkar lam thuneitu te pawhin zawldawh takin, mipui te tana hnathawk kan ni tih  hrerengin  social media kaltllanga kan thu dawn reng reng polite takin kan chhang tur a ni. e -governance hnuaiah chuan keini mipui te hi  cyber citizen kan ni a, khua leh tui tha ni zel turin social network  kan hmang tangkai tur a ni.  Heivang hian kan nunphung leh hnathawh kalphung  IT lama herrem thei tura tan lak  hi keini democracy mipui te hian kan mawhphurhnaah kan nei tur a ni.Tin, Sorkar hian  ruahmanna mumal leh fel tak nen social media policies a duan a tul a, uluk takin mipui te mamawh phuhruk turin ruahmanna te hi a ennawn fo tura ni. Social network kaltlanga sorkar kan dawr leh ngaihdan kan sawi reng rengin fimkhur tak leh thuhnu dawn takin thil kan ti tur a ni.

Social network hi khandaih hriam tawn ang maia thilti thei anih avangin  a fawnga  vawna tangkai taka kan hman loh chuan mualphona tlangah min khengbetin  zahna kawr ruam thuk takah min vawrh thla thei tih i hre reng ang u. IT hmanrua changkang  tak tak  pawh hmang ila  kan zahawmna leh  himna tichhe hial khawpa kan leklam chuan  hmasawn lam aiin tlakchhiatna  lam kan pan thei a, mite ngaihsan aiin ngaihnep kan ni thei bawk.Hawh u,mizo thalai te hian kan phak tawk ang zelin  Social network  hi  tun aia tangkai leh hlawk zawk hian  i hmang hram hramg ang u. Hetianga kan nunphung  kan in her rem phawt chuan  sorkar leh mipui, sorkar leh sorkar, sorkar leh sumdawngtu te, sorkar leh chanchinbu mi, chanchinbu mi leh mipui te tan social network hi a tangkai zual zel ngei ang le.