MAY THLA
Er. Chhungpuia Renthlei
A hmel han en mai chuan Mizo Christian Hmasa ten Bible an lehlin laia tirhkah atana an lo hman hrep tawh ang maia Hmel ngaihno bei lo, Pastor tam zawkin a U en a an en, U tpa hial pawh mahni sa sehna mual mualah mawlmang takin mawngvawm ba ang maiin a phe sek tih thawm han hriat meuh chuan thlasik khawvawt a zova, Upa leh ruhseh benvawn nei ho pawhin Zalenna hun an rawn hmang ve a ni tih hai rual a ni mawlh lo. Engdang vang a ni lo ve, MAY thla rawn inher chhuah leh vang ani zawk e.! May thla hi a hrechiang chuan Tlumte-a thlir taka thlirin nghakhlel takin an hmuak thin a ni ber mai. May thla chanchin tha hi Mathaia khan Bible ah ziak ve kher mah suh se, Greek Mifing leh kohhran hruaitu hmasa ho thahnem tham tak te chuan Bible aia chhah zawk leh lian zawk khat tlatin an lo thairang del dul mai zu nia le !
May thla hi thlasik khawvawt lutuk um bo va, malsawmna ni eng mawi tak maia Thlai thar leh pangpar mawi tak taka than chhuah tirtu Roman pathiannu ( MAIA godness ) hming chawia sak a ni. May tih hi Latin tawng a nia , a awmzia chu punna emaw thanna (increase or growth) a ni. May thla chhin chhiahna ( symbols ) pangpar atan hawthorn leh Lily hman ani a, Sava ah Emerald a ni bawk. Malsawmna lam hawi vek may thla hian a ken avangin hmanlai Romans mite chuan an pathiannu Maia' chawimawi nan 1st may hi an hmang thin a, hei mai duhtawk lovin 15th May ah an pathiannu hi an chawimawi leh thin. Hun leh ni tge liam zelin Romans pathiannu chawimawina ni atan hman ni tawh lo mahse, Vawiin ni thleng hian khawvel pumpuiah 1stmay hi MAY DAY tiin kan la hmang chhunzawm zel zawng anih hi.
Tunhma Roman calendarah chuan May thla hi kumkhata thla pathumna ah dah a ni a, March hi pakhatnaah a awm daih thung. (ie. March, February, May … ) .Hun leh ni te arawn in her liam zela, roman ho chuan January thla pakhatnaah dahin may thla chu panganaah an sawn thung a, Hetianga an tih danglamna chhan pawh hi Kumkhat chhunga sik leh sa that pangngai hun lai, thlai leh pangpar than chhoh hun lai leh kumtin ni 31 awm reng theihna an duh vang a ni ber mai. Vawiin ni thlengin khawvel pumpuiah panga naah a awm ta zel a, thla khata ni awm tam thei ber ni 31 a nei ziah bawk.
Awle, a bik takin North Temperate Zone ah Kum khat chhunga thla awm zingah tunhma chuan May thla hi sik leh sa nawm hun lai ber leh khawvel hmel mawi hun lai ber a ni thin, Khur zawih zawih khawpa kut ti vawttu vur tlang an tuirala, Thlasik khawvawt thip vur mai chuan khawvel a mangtha a, Pangpar leh thlai hnah ten Siamtu Pathian an rawn chawr no tana, Khawlum nunrawng tak a la rawn inherchhuak si lo, tlangtin mual tin an hring nghulh a ni ber mai. May thla nghakhlel taka thlirtu tan chuan ni 29 lek khawvel lei lung mawina han chen chu a kham awm loh reng a ni. Ngaiteh, heti hi a ni a, lir nasa takin a nghing lo, thlipui pawh a tleh bawk hek lo mahse, May thla chu nunrawng taka pawngsualin a awm a, a mawia leh nawmna a lo thamral ta. Tunge nunrawnna talhtum lek tu te chu le ? Tudang an ni lo, Keini hringfa te hi a lawm khawvel kalphung her danglama may thla nawmna leh mawina pawh ti chul tu chu le. Tunhma ramsate tuallenna buannel ram dai lo ni thin ah te Industry khawl lian tak tak kan bun tak fer fur a, Tiau chhumin a bawh chiai chiai thin ramngaw te kha tunah chuan Fimkhur loh vang leh tihluih vang liau liauva kang mei chhuak in a tuam sen zuai zuai kum tin ta. leh a nih hi. Ramngaw kan tih che reu nasat tak em avangin Kum 2010 kan han chuan kai meuh chuan May thla , sik leh sa nawm hun lai ber leh khawvel hmel mawi hun lai ber ni thin khan nawmna reng a nei ta lo, a mawina leh ropuina ten kohkir rual lohvin mual min liam san ta anih hi. Pu RC Khuma kutchhuak thuam famkim nena inbela Inneihna leh khawmpui liana han tel ve chang te hi chuan May thla zawng duhai chuan a lum tawh mah mah niin alang. Eden huanah khan Pi Euvi leh Pu Adama te khan huan laia thei kha lo ei ta lo pawh ni se, Thing leh mau leh kan chenna leilung kan pawngsual avang hrim hrim pawh hian Eden huan atang mai pawh nilo, Khawvel atanga hnawhchhuah hi kan phu hliah hliah in ka hria. Ka pu K.L Lian, tul lova ramngaw leh nungcha ti chereu tu te hian nungcha chauh an hnawt bo lo, lunglenna pawh an hnawtbo vekin ka hria, an tihchhiat let thum zel thing leh mau phun leh turin han Convict hmiah miah mai la ka ti hle mai !
Engle khawle, ramhruaitu te pawhin an Lalthuthleng an kiansan tawh hnu pawhin mipui te zah leh ngaih pawimawh an la hlawh tho ang hian, May thla pawh hian tunthlengin mite thinlungah malsawmna leh ngilneihna chi ala tuh reng a, khawvel ram ropui zawk USA, British , Germany e.t.c te chuan May thla hi an la ngai pawimawh em em a, inneihna ni , thatni hun atan an hmang nasa em em a ni. Keini India ram pawhin Kutni vangthla pawimawh tak tak neihna hunah kan la hmang bawk. Mizoramah ngei pawh May nikhat hi May Day tiin Holyday ah kan la hmang hram hram zawng anih hi.
Mizoramah May thla a rawn inher tan chauhva khaw lum lutuk kan tuar fo mai hian ngaihtuah a ti thui hle mai. Ei leh bar lama khawsak awlsam kan duh avangin nitin zan tin ramngaw kan hala, thing kan kit a. May thla tinuamtu tur ten famkhua min lawi san kum tin ani ber mai. Inkalpawhna tha zawk kan duh avangin Nungcha te tuallenna Buannel ramdaiah Alkatra kan chhuang khu vut vut mai te hian kan lung lai a chhun na zo mawlh si lo . Kan chenna Zoram nuam tia bang lova kan sawi thin ngeiah Cooler, Air Conditioner, Fan leh boruak tihvawhna khawl hrang hrang nen kan chenna in leh Office te thuam a lo tul ta. Keini aia khawvel finna nei tlem zawk Kan pi pu te khan mawl mang takin Thing leh mau an enkawl laiin keini mifing leh changkang zawk ten lainatna tel miah lovin ramngaw kan pawngsual nitin a ni ber mai. “Tunlai hmanraw changkang ber ber te nena Fing tak leh remhre taka ramngaw tih chereu ai chuan hmanlai hmanraw mawlmang tak nena rem hre vak lo va ramngaw humhalh hi kan
0 Comments