777888999
Khawnge tun tum chi kan fimkhur tlan na turin nikum 2014 a social media kaltlanga insawithaihna lar tak, vawin thl;enga kan nei mizo te pawhin whatsapp a kan la inthawn thin, 777888999 chungchang hi han herlum leh lawk teh ang hmiang.
- Er.Chhungpuia
Khawnge tun tum chi kan fimkhur tlan na turin nikum 2014 a social media kaltlanga insawithaihna lar tak, vawin thl;enga kan nei mizo te pawhin whatsapp a kan la inthawn thin, 777888999 chungchang hi han herlum leh lawk teh ang hmiang.
777888999 hi eng nge ni ?
He number 777888999 hi eng dang mah ni lovin WhatsApp,Facebook leh Social media hrang hrang kaltlanga thudik ang tak ni si, dawt hmanga inbumna chikhat “Hoax” an tih zinga mi a ni. Hetiang ang mipui te thin thawng thei hi atam hle. SMART PHONE hmangtu tekan SMART tawk loh vangin abikin mizote social media hmanga bumin kan awm fo thin.
mipui tih thlabar tura 777888999 hmanga in tih thaih hi Kum 2017 may thla vela India rama atanga vawrhdarh a ni . Nikum 2017 kum tawp thleng khan Whatsapp ah a darh nasa hle a, 777888999 hi kan dial chuan kan mobile puakkheh leh thihna hial thlen tur ang a thu vawrhdarh atam hle. Mi tam takin vawin thleng hian an la hlau va 777888999 dial ngam an awm meuh lo.
777888999 hi a hlauhawm em?
Uluk taka he number hi kan chhiar chuan digit 9 chauh a ni tih kan hria ang. India rama mobile no ho digit 10 a ni. 777888999 hi digit kua chauh a ni. Nikum 2017 may thla a mipui in an thehdarh tan tirh vel lai khan Aditya Singh, EY a thawk chuan finfiah nan dial a han tum a, a call tlang lo chiang hle. Country code hrang hrang i.e +91 te a han dahbelh pawhin , “Number does not exist, please check the number you have dialled" tih bak chhanna a hmu lo. Aditya Singh chuan, Social media hmanga awlsam taka mipui bum kual theih tura kan at zia tilangtu mai anih thu a sawi nghe nghe bawk.
Social media lar chhoh tan tir kum 2004 atanga vawin thleng hian hetiang inbumna hi a tam hle thin. Thawk khat lai pawh khan Kashmir thalaite an mahni ram ngei dodala silai leh lungtum chelek turin chawktho turin thu maksak tak thehdarh ani tawh a. Tin, hetiang thu diklo hmang hian bawngsa hralh/zuar thin anga diklo taka puh vangin police custody ah tleirawl tihhlum ani tawh bawk.
Hetiang dangdai bik ah hian website, social media leh SMS apps etc thu ziak ring tlur mai te hrechiang lova phili mai te, thu dik tih finfiah lo va midang hnena thehdarh hi kan uar thina, kan thanharh a pawimawh thu Martin Luther King, Jr. chuan a sawi bawk
Swaraj Gupta, Project Engineer, Shalvi Constructions chuan 777888999 hi engdang mah ni lvin, Thu ho tak tak hmang pawha mipuite awlsam taka bum theih kan nih zia leh kan chi ai hma zia tilangtu mai a ni a tih hi a dik viau mai.Swaraj Gupta chuan 777888999 number awmzia hetiang hian a hrilhfiah nghe nghe.
7- hian kan mawl zia tilangtu.
7- hian bum kan awlsam zia tilangtu.
7- hian kan chiai hma zia tilangtu.
8- hian social media kan atchilh zia tilangtu.
8- hian social media a thu thedarh dik vek tura rinna atthlak kan neih zia tilangtu.
8- Thil kan chhut tlem zia tilangtu.
9- Technology leh khawl thil kan rin nasat zia tilangtu.
9- Thil mak leh dangdai kan phurpui chiam zia tilangtu.
9- Mi tlem te bum theiha mi tam tak kan awm thin hi a zahthlak zia tilangtu.
Hetiang ang mipui te thin thawng thei hi atam hle a, hetiang inbumna hi tihtawp theih a nilova, A la tam chho zel dawn zawk niin alang. Hetihlai hian tunlaiah online a sum peipunna awlsam tak ni awma lang mahse him si lo a awm nual tih hriat a ni a. A tlangpui in Direct Marketing Business Model hmangin product mumal siam nei si lovin downline member tur an zawng thin a. Company thenkhat chuan virtual currencies/crypto-currency/bitcoin etc a investment hlawk tak ti angte in an in sawithin. Heng lakah hian mipuite kan fimkhur hle a ngai a ni.
Smart phone leh computer hmanga online kan pung chho zel a, inbumna chi hrang hrang a pung ve zel bawk a. SMART PHONE hmangtu te kan SMART tawk loh vangin abikin mizote social media hmanga bumin kan awm fo thin. A pawimawh ber chu midang tihthaih/bum a awm lo tur a Kan chhia leh tha hriatna hmang theia kan SMART ve hi a ni ber mai.
0 Comments