- Er. Chhungpuia Renthlei
Kristmas hla hit em em, Feliz Navidad tih hla phuahtu leh sa hmasa ber tu chu Puerto Rican mitdel zaithiam leh hlaphuah thiam ni bawk Jose Feliciano a ni. He hla hi Kum 1970 a Los Angeles a awm laiin a chhungte New york a awm mek te tana a phuah a ni.
Album Pahnih a release hnuah phei chuan Latin America ah a lar hle a, in
tinah a hla an play sup sup a ni ber mai. Tichuan, Los Angeles ah a kal a,
hetah hian RCA Victor producer lar tak mai, Rick Jarrard nen inhmelhriat
chhovin Feliciano ! Album lan record dun a, A hit hle mai. kum 1970 khan José
Feliciano-a chuan Krismas Album a buatsaih a.
A lo thawhpui thin tawh tho Rick Jarrard-a nen an buaipui a. Recording
an tih mek laiin Rick Jarrard-a chuan he albuma telh tur Christmas hla thar
phuah turin José Feliciano-a chu a hrilh a.
Feliciano-a chuan atirah chuan albuma telh tura hla han phuah nghal mai chu chawpchilh deuh ah a ngai a, Mahse, Pourto Rico a a naupan lai hun te a a rilru ah a rawn lang thar leh a, "Feliz Navidad" tih hla tawi te hi a phuah ta a ni. Music hi Rick Jarrard an a siam thung. He hla hi a chhungte New york a awm mek te tana a phuah a ni.
Feliz Navidad tih hi spanish tawng a ni. Saptawnga a awmzia
chu "Happy Christmas" emaw "Merry Christmas"
tihna a ni. Mizo tawng chuan "Hlim leh lawm takin krismas
chibai le" ti a duhsakna hla a ni. Navid tih thu hi Persian ho hming,
Chanchintha thlentu (bearer of good news) emaw duhsakna sangber (best
wishes) tihna ani bawk. Tichuan, Feliz Navidad, próspero año y
felicidad" tih thu hi Spanish hoten Krismas
leh Kumthar induhsakna an in hlanna hla pakhatah an hmang chho ta zel a.
Saptawng chuan "I wanna wish you a
Merry Christmas from the bottom of my heart" tih a ni.
A hla thumal hrang hrang awmzia chu:- feliz = happy, navidad =Christmas, prospero=to prosper, ano=anus, y= and , felicidad=happiness. Tichuan, "feliz navidad, prospero ano y felicidad" tih awmzia chu "Merry Christmas, prosperous year and happiness" tih emaw,"Merry Christmas tih emaw, Prospero anus and happiness", "Merry Christmas, prosperous year and happiness" tihna a lo ni ta nih chu.
Feliz Navidad chungchanga José Feliciano an Billboard magazine hnena a sawi dan chuan “A tirah chuan a hla thu hi Spanish tawng vek a ni., English Radio leh TV a an tihchhuah duh loh a rin avangin I want to wish you a merry Christmas tiin English in a phuahbelh leh ta a, rin phakbakin a lar ta a ni “ tiin a sawi. A lar chho viau maia.Krismas hla dang ang bawkin khawvel zaithiam lar tak tak ten an sa a, khawvel pumah a lar ta a ni ber mai.
Kum 1981 nipui khan German Disco group/Euro-Caribbean dance group lar tak mai Boney M te chuan Christmas Album siam a. Midang sak dan lo ang takin Disco music tho thang tak nen Feliz Navidad hla thiam tak maiin an sa a. Hemi kum vek 23 November thla khan an release nghal a. Boney M ten Feliz Navidad hla an han sa zet chu music arrangement a fuh bawk a, mipui lawm a hlawh hle mai, reilo te chhungin khawvel a deng chhuak a ni ber mai.
Hei hi keini mizo leh khawvel mipui ten Feliz Navidad hla kan hriat lar berna pakhat a ni. Feliz Navidad tih hla hi tunhma atanga vawin thlengin krismas hla lar ber pawl a ni. A phuahtu sak ai mahin Boney M krismas Album a mi hi keini mizo te chuan kan hre lar ber zawk a.
Nielsen SoundScan reports danin Nikum November ni 25 2016 ringawt
pawh khan Feliz Navidad hla hi copy 808,000 (Nuaih riat leh Sang
riat ) lai internet kaltlanga hralh a ni. He hla phuahtu Jose Feliciano
pawh hian original version hla hi kum 20 chuang fe mai a sa tawh
bawk a, Billboard Hot 100 zingah ah a chuang pha hial bawk. Krismas hla
dang ang bawkin khawvel zaithiam lar tak tak ten Album ah an telh
teuh mai a. A langsar zual deuh deuh te chu :
- Boney
M (1981),
- Pee
Wee Herman featuring Charo (1988)
- Elmo
featuring Rosita (1998),
- The
Three Tenors(1999),
- El
Vez(2000)
- Los
Straitjackets (2002),
- Anca
Parghel featuring Tudor Ionescu( 2008),
- David
Enchilada (2009),
- Voodoo
Cow Skulls(2009),
- Michael
Buble featuring Thalia (2011)
Feliz Navidad hla
phuahtu Jose Feliciano khualzin kawng :
Zaithiam leh hlaphuah thiam ni bawk Jose Feliciano hi September 8,
1945 khan Puerto Rican ah a piang a. Vanduai thlak
takin pian tirh atanga mitdel a ni. A mitdel chhan ber hi mit lam natna
"congenital glaucoma" a ni. Feliciano hi a naupan lai
chuan mitdel rethei tak a ni. Kum 5 anihin New York ah a khawsa a.
Midel schoolah a kala, mitdel ziak leh chhiar a zir a. uerto Rican hnam rimawi Quarto an tih mai, music nalh dangdai tak hi a pa unaupa atangin a zir a, hei hi khawvelin an hriatna ber pakhat a ni. Nitin hian ama roomah darkar 14 guiter perhin a hun a hmanga, kum 1950 kum a rock and roll music hla a ngaithla nasa hle. New York's Greenwich Village ah tingtang perh dan danglam tak nen music lamah bul atana.
Kum 17 anihin Detroit ah music contract a nei a, hei hi Music lama contract a neih hmasak ber a ni. Tichuan kum 17 anihin kum 1962 khan music lama eizawng turin sikul a chawlsan. Khawvel hriat hlawh a a lar chhohna tak (super star) hi South America a show a neih atangin a ni. Kum 1960 chho vel khan US ah a lar hle a, kum 1968 a album atihchhuah hnu phei chuan a lar zual hle a ni.
August 1971 khan Jose Feliciano chu Detroit, Michigan ah Art zirlai hmeltha leh fel tak Susan Omillian nen an intawnga, kum 11 teh meuh an inngaihzawn hnuah kum 1982 khan an innei. Fapa pahnih Jonathan & Michael leh fanu pakhat Melissa an nei. Feliciano hi a fapa pahnih te nen band an din a, Two Kids and a Blind Guy tiin phuah. Amah hi vocalist leh guiterist a ni a,Jonathan an drumset a vua a,Michael an bass guiter a perh bawk. Chhungkua a music play hi nuam a ti hle thin.
He khawvelah tumahin thihna kan pumpelh thei lo, Khawvelin an theihnghilh ngai tawh loh tur, Cheo Feliciano pawh Kum 2014 April 18 Thursday , zing 4:13 khan amah chauhva car a khalh laiin a conrol zo lova, vanduaithlak takin electric ban a su hlauh mai, a chetsualna hmunah ka pawh chhawn lovin kum 78 mi nin a boral nghal .
Puerto Rico ram lalber governor chuan ni thum lai ram pumhuapin vuina program puang nghala, motor khalhtu tha hnem tak in motor headlight chhi in an sun bawk. A chanchin sawi tur tam tak a awm, duh tawk phawt teh ang.
CHHIARTU TE ZAWNG ZAWNG TE, feliz navidad, prospero ano y felicidad
0 Comments